Torrillo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Torrillo Torrijo del Campo
Municipio d'Aragón
Entidat  • País  • Provincia  • Comarca	Municipio  Aragón  Teruel Xiloca
Partiu chudicial	Calamocha
Superficie	43,97 km²
Población  • Total	502 hab. (2013)
Altaria  • Meyana	923 m.
Distancia  • 59 km	enta Teruel
Alcalde	Ricardo Plumed Malo
Codigo postal	44393
Chentilicio	Torrijanos (en castellano)
Parroquial  • Diocesi  • Arcipestrau  • Parroquia	Teruel y Albarracín Calamocha Sant Pero Apóstol
Coordenadas	40°49’29’’N 1°20’15’’U
Torrillo Torrillo en Aragón
Web oficial

Torrillo (Torrijo del Campo en castellano) ye un municipio de la provincia de Teruel (Aragón), situato en la comarca de Xiloca. La suya población ye de 496 habitants (2013), en una superficie de 43,97 km² y una densidat de 11,28 hab/km².

Cheografía

Ye situato en la fuesa de Xiloca que fa parte de la depresión de Calatayú-Teruel.

Mugas

Lo suyo termin municipal muga con Rubiuelos, Mont-reyal, Blancas, Camín Reyal y Banyón.

Toponimia

Torrillo ye interpretable a partir de lo latín TURRICULUM evolucionando lo sufixo -ICULUM seguntes la fonetica aragonesa y mozarabe, dando lo sufixo -ello/-illo, igual que Turrillo en Zaragoza y Torrillo en Almería.

Ya amaneix como Torrillo en un texto de 1205, cuan lo bispe Remón de Castrocol adchudica las decimas y primicias a las ilesias de la Comunidat de Daroca.

Hoc autem est divisio Sancte Marie habet Signa Torrillo, Covas, Corlas, Anento, Ferrerola, Tonda, Covas de Portelo Rubeo, Lechon, Montnegriellos, Villaalbiella, Forcallo, Tortolon, Baguena.

Atra mención como Torrillo ye de cuan Pere de Torroja lo 27 de setiembre de 1175 regaló a la mensa capitular de la Seu de Sant Salvador de Zaragoza l'aldeya de Villacadima con tot lo que contién en los suyos termins:

Ego Petrus, Dei gracia, Cesaraugustanus Episcopus, dono Deo et ecclesie de Sancti Salvatoris et communi mense canonicorum, unam aldeam que est in termino de Darocha inter Mont Real et Torrillo que dicitur Villa Catima

Encara trobamos una mención a Torrillo a principios de lo sieglo XV cuan en 1409 Benedet XIII concede a gracia de lo quinto decimero a la fabrica de la Seu de lo Salvador de Zaragoza y lo aplican en 1412:

Torrillo predicta die procurator in defectum rectoris presentavit processum provis hominibus qui fecerunt relacionem cuod non erant XVI parrochiani

Trobamos referencias a Torrillo en l'apellito d'un participant en las Corz d'Aragón celebratas en Daroca en 1228 (Iohanes de Torrillo), pero no podemos saber si ye este Torrillo lo Turrillo de Zaragoza. Los dos toponimos se castellanizan pronto en l'oficial, y por lo que fa a lo toponimo xilocano ya fegura como Torrijo en 1401, de la mesma forma que lo sufixo -illo, -ello va castellanizando-se en los textos contemporanios, dixando como repuis a l'este de la redolada como Varello y Corvella. En lo libro de la manifestación de lo morabetín de la Comunidat de Daroca de 1373 s'escribe ya castellanizato como Torrixo, (pero a x puet representar lo fonema prepalatal fricativo sonono de la g castellana d'ixa epoca, que no existe en aragonés, de la mesma traza que penyaroxa en lo fogache de 1495, que huei en lo catalán local no se pronuncia con /x/, sino con /ij/). En las actas de lo proceso de Corz de Zaragoza s'escribe Torricho, que debeba estar la pronunciación en l'aragonés de las comunidaz aragonesas (como regacho y panocha en relación a "regallo" y "panolla").

L'apelativo del Campo ye recient y s'anyadió a muitos lugars de la redolada en 1910 pa diferenciar-los d'atros que se deciban igual en atras parz d'Espanya.

Como microtoponimos intresants de lo termin de Torrillo trobamos la espluga dita Canyo del Gato.

L'actual chentilicio castellano torrijano, común con lo chentilicio de los habitadors de Torrillas, ye rearagonesizable como torrillán(o), analogo a torrellano, habitant de Torrellas (Tarazona y Moncayo).

Luengas y parlas

Actualment en Torrillo, como en toda la comarca de Xiloca se charra lo castellano rechional d'Aragón, con substrato lingüistico provinient de l'aragonés que se charró en la Edat Meya en las comunidatz de la muga suroccidental de lo Reino d'Aragón. Lo lexico aragonés d'intrés etnografico de Torrillo se conoix relativament bien por figurar esta localidat en l'ALEANR con la sigla Te 301. La revista Xiloca tamién ha publicau estudios sobre vocabulario local y articlos de tematica medieval con apendices documentals que amuestran l'aragonés que s'escribiba en esta comarca en la Edat Meya.

Demografía

Evolución demografica

1992 1994 1996 1997 1998 1999 2000 2001 2002 - - - - 576 570 556 559 550

2003 2004 2005 2006 2007 2008 2009 2010 2011 568 552 529 485 579 581 566 539 518

2012 2013 2014 2015 2016 2017 2018 2019 2020 506 496 509 489 462 447 447 455 447

2021 2022 2023 2024 2025 2026 2027 2028 - 470 482 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									5
Partido de los Socialistas de Aragón									2
Total									7

Alcaldes

Lista d'alcaldes

Lechislatura	Nombre	Partiu politico
1979–1983	José Terrado Rubio	UCD
1983–1987
1987–1991
1991–1995	Miguel Ángel Meléndez	PP
1995–1999	Miguel Ángel Meléndez	PP
1999–2003	Miguel Ángel Meléndez	PP
2003–2007	Manuel Terrado Royo	PP
2007–2011	Ricardo Plumed Malo	PAR
2011–2015	Ricardo Plumed Malo	PAR
2015–2019	Ricardo Plumed Malo	PAR
2019–2023
2023–2027	Yolanda Abad Martinez	PAR

Molimentos

• Ilesia de Sant Per, con o suyo campanar.
• Ermita de Sant Fabián y Sant Sabastián.

Fiestas

• Sant Isidro Labrador, 15 de mayo.

Bibliografía

• (es) Agustín Gil Domingo: La historia de Calamocha a través de la historia (I). Xiloca 30.[]
• (es) Luis Alberto Majarena Gonzalvo: El libro bermejo del archivo colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.
• (es) Tomás Domingo Pérez, Maria Rosa Gutiérrez Iglesias: La gracia del quinto diezmero concedida en el año 1409 a la fábrica de La Seo por Benedicto XIII y su primera ejecución en 1412. Aragón en la Edad Media, nº 14-15, 1, 1999.

Se veiga tamién

• Lista de municipios de Teruel

• Datos: Q1650828
• Multimedia: Torrijo del Campo / Q1650828