Rodenas

Rodenas
Municipio d'Aragón
Entidat  • País  • Provincia  • Comarca	Municipio  Aragón  Teruel Sierra d'Albarrazín
Superficie	44,42 km²
Población  • Total	62 hab. (2013)
Altaria  • Meyana	1370 m.
Distancia  • 56 km	enta Teruel
Alcalde	José Antonio Nicolás Soriano
Codigo postal	44310
Coordenadas	40°38’22’’N 1°30’57’’U
Rodenas Rodenas en Aragón
Web oficial

Rodenas (Ródenas en castellano) ye un municipio aragonés d'a provincia de Teruel, situato en a comarca d'a Sierra d'Albarrazín.

A suya población ye de 88 habitants (2004), en una superficie de 44,42 km² con una densidat de 1,98 hab/km²

Cheografía

Ye situato a lo sud de Sierra Menera.

Mugas

O suyo termin muga con Villar d'el Salz, con Peracens, con Almofalla, con Pozondón, con Bronchales, con un enclau rectangular d'Albarrazín, con Oriuela, con Alustante y con Tordesilos.

Historia

Amaneix como perteneixient a la Diocesi de Zaragoza en a carta que o Papa Hadrián IV ninvió a lo bispe Pere de Torroja en 1158, una epoca en a que o Sinyor d'Albarrazín procuraba que as ilesias d'o suyo dominio no tenesen vinclo con Zaragoza:

In quibus hec propiis duximus exprimenda vocabulis: ecclesiam sancte Maria, que est infra muros civitatis; quicquic iuris habes in ecclesia sanctarum Massarum; ecclesias de Tarrocca, tam infra villam quam infra terminos suos omnibus sibi pertinentiis; ecclesias de Montreial cum pertinentiis suis; Arrodenes, Cellam, Sanctam Mariam de Berrazin, Pennam Golosam, Torol, Alhambra cum omnibus earum pertinentiis.

En 1214 lo Sinyor d'Albarrazín Gonzalvo Ferrández d'Azagra pinyoró Rodenas a Sancho VII lo Fuerte.

Toponimia

O toponimo Rodenas se relaciona con o rodeno u materials detriticos royos de facies Buntsandstein d'o Permián superior y Triasico inferior, a forma oficial d'o toponimo en castellano ye una hipercorrección que lo fa esdrúixol artificialment. Bi ha un microtoponimo con un component en aragonés: Virgen de los Poyales.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									2
Partido Popular									1
Total									3

Alcaldes

Lista d'alcaldes

Lechislatura	Nombre	Partito politico
1979–1983	Carlos Muñoz Julián	UCD
1983–1987
1987–1991
1991–1995
1995–1999
1999–2003
2003–2007
2007–2011
2011-2015	José Antonio Nicolás Soriano	Partido Socialista Obrero Español

Molimentos

• Ilesia de Santa Catarina, un edificio d'o sieglo XIV. A ilesia ye protechita legalment dende 2002 con a suya declaración como Bien d'Intrés Cultural.

Presonaches d'o municipio

• Pedro Martínez Rubio y Manrique, bisorrey de Nápols.

Referencias

Lugars desapareixius d'o municipio de Rodenas
Pueyo de Sant Chinés