Participio pasau en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo participio pasau en francés deriva de lo participio pasivo u perfecto latino^[1]. En francés lo participio prene basicamente tres terminacions: en -é, en -i y en -u, i habendo tamién casos de terminacions irregulars.

Participios en -é

Los participios en -é corresponden a los verbos acabaus en -er (primera conchugación francesa), que deriva de la primera conchugación latina (verbos terminaus en -ARE y que teneban participios en -ATU). Las leis foneticas de lo francés orichinoron las formas singulars en -é y -ée, dende las que apareixioron las formas plurals:

#	Latín	Francés	Aragonés
Masculín singlar	CANTATU	Chanté	Cantau
Masculín plural	CANTATI/CANTATOS	Chantés	Cantaus
Femenín singlar	CANTATA	Chantée	Cantada
Femenín plural	CANTATAS	Chantées	Cantadas

Participios en -i

Los participios en -i corresponden a los verbos acabaus en -ir (segunda conchugación francesa), que deriva de la cuarta conchugación latina (verbos terminaus en -IRE y que teneban participios en -ITU). Las leis foneticas de lo francés orichinoron las formas singulars en -i y -ie, dende las que apareixioron las formas plurals

#	Latín	Francés	Aragonés
Masculín singlar	DORMITU	Dormi	Dormiu
Masculín plural	DORMITI/DORMITOS	Dormis	Dormius
Femenín singlar	DORMITA	Dormie	Dormida
Femenín plural	DORMITAS	Dormies	Dormidas

Participios en -u

En la tercera conchugación francesa bi ha diferents familias verbals y en belunas puet haber-ie participios en -u.^[2] Estos participios tienen lo mesmo orichen en lo latín tardano vulgar que los participios italianos en -uto y los participios occitans, catalans y rumanos en -ut.

Verbos acabaus en -oir.

Avoir > eu ("habiu").
Décevoir > deçu ("decepcionau").
Devoir > dû ("debiu").
Falloir > fallu ("caliu").
Pleuvoir > plu ("pleviu").
Pouvoir > pu ("puesto", "podiu").
Recevoir > reçu ("recibiu").
Savoir > su ("sabiu").
Valoir > valu ("valiu").
Voir > vu ("visto").
Vouloir > voulu ("quiesto").

S'excluye s'asseoir.

Verbos acabaus en -oire.

Boire > bu ("bebiu").
Croire > cru ("creito", "creyiu").

Verbos acabaus en -ire.

Lire > lu ("leito", "leyiu").

S'excluye suffire y rire d'una part y de l'atra los que tienen participios en it como frire, écrire y prescrire, interdire, dire, y los acabaus en -uire como conduire, séduire, traduire.

Verbos acabaus en -ir que no perteneixen a la segunda conchugación francesa y que no fan participios en -i.

Courir > couru ("corriu").
Parcouir > parcouru.
Tenir > tenu (cognato de "teniu", pero semanticament diferent).
Venir > venu ("veniu").
Parvenir > parvenu.
Survenir > survenu.

S'excluye acquérir y conquérir.

Verbos acabaus en -aire.

Plaire > plu ("placiu").
Taire > tu ("callau").

Verbos acabaus en -ure.

Conclure > conclu.^[2]

Verbos acabaus en -dre.

Confondre > confondu^[2] ("confundiu").
Coudre > cousu^[2] ("cosiu").
Moudre > moulu^[2] ("moliu").
Répondre > répondu ("respondiu").
Résoudre > résolu^[2] ("resuelto").
Perdre > perdu ("perdiu").

Verbos acabaus en -endre.

Attendre > attendu (cognato d'"atendiu", pero con significau d'"aguardau").
Entendre > entendu (cognato d'"entendiu", pero con significau de "sentiu").
Défendre > defendu.^[2]
Descendre > descendu.^[2]
Fendre > fendu.
Vendre > vendu.^[2]

S'excluye apprendre y comprendre.

Verbos acabaus en -tre.

Battre > batu.^[2]

S'excluye mettre y transmettre.

Verbos acabaus en -aître, -oître.

Connaître > connu ("conoixiu").
Croître > cru ("creixiu").
Disparaître > disparu ("despareixiu").

Verbos acabaus en -vre.

Vivre > vecú ("viviu").

Verbos acabaus en -cre.

Convaincre > vaincu ("venciu").

Participios en -it

Son verbos como acabaus en -ire como:

Frire > frit.
Écrire > écrit.
Prescrire > prescrit.
Dire > dit.
Interdire > interdit.

Participios en -uit

Los verbos acabaus en -uire provienen de verbos latinos acabaus en -STRUĔRE y en -DUCĔRE, cognatos respectivament de verbos acabaus en -struir y en -ducir en aragonés. Tienen formas verbals con s sonora derivadas de las silabas -CE-, -CI- de la conchugación de -DUCERE. Tienen tamién un participio pasau en -uit cognato de lo participio fuerte aragonés -úito, -ueito, -ueto. Son verbos como

Détruire > détruit.
Construire > construit.
Instruire > instruit.
Conduire > conduit.
Produire > produit.
Séduire > séduit.
Traduire > traduit.
Cuire > cuit.

Participios en -is

Son verbos de diferents terminacions como:

Acquérir > acquis.
Conquérir > conquis.
Apprendre > appris.
Comprendre > compris.
Mettre > mis.
Trasmettre > transmis.
S'asseoir > assis.

Participios en -eint, -aint

Se presentan en verbos irregulars equivalents en aragonés a los verbos irregulars acabaus en -nyer u -nyir.

Étreindre > étreint.
Éteindre > éteint.
Peindre > peint.
Feindre > feint.
Atteindre > atteint.
Craindre > craint.
Contraindre > contraint.

Partificios en -ert, -ort

Se presentan en verbos irregulars acabaus en -ir que no perteneixen a la segunda conchugación francesa y que no fan participios en -i.

Couvrir > couvert.
Offir > offert.
Ouvrir > ouvert.
Souffrir > souffert.
Mourir> mort.

Participios fuertes latino fosilizaus

Bi ha uns residuos de los participios fuertes en -ĬTU de la tercera conchugación latina fuera de lo sistema verbal.^[3] Estos participios se fan servir en la nominalización, y tienen formas homologas en aragonés:

DÉBITA > dette ("deuda").
FÚNDITA > fonte ("funyida" en chistabín,^[4] "fusión").
PÉRDITA > perte ("perda").
RÉDDITA > *RÉNDITA > rente ("renda").
VÉNDITA > vente ("venda").

Concordancias

Ta más detalles, veyer l'articlo concordancia gramatical en francésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En los verbos transitivos lo participio pasau francés presenta concordancia en chenero y numero con l'obchecto directo si se'n fa mención antes de lo verbo. L'obchecto directo puede preceder-lo d'unas cuantas trazas diferents a la simple colocación de lo sintagma:

Presentando-se como pronombre personal.
Presentando-se como pronombre relativo que.
- La lettre qu' elles se sont écrite.
Presentando-se como pronombre interrogativo quel, quelle, quels, quelles seguiu de substantivo.
Presentando-se como lequel, laquelle, lesquels y lesquelles.
Presentando-se en forma de combien de+substantivo.

En los verbos de movimiento lo participio pasau francés presenta concordancia con lo subchecto.

En los verbos pronominals lo participio pasau francés presenta concordancia con lo subchecto, con unas cuantas excepcions:

Verbos intransitivos seguius de la preposición à como parler y téléfoner.
Verbos seguius d'un obchecto directo.
Construccions verbo-nominals y estructuras pasivas con lo verbo faire ("fer").

Referencias

↑ (es) Heinrich Lausberg: Lingüistica romanica. Tomo II morfología. Editorial Gredos. p 362, pp 305-306, pp 357-363, p 378.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 (fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. p 160-161.
↑ (es) Heinrich Lausberg: Lingüistica romanica. Tomo II morfología. Editorial Gredos, p 360.
↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 p 306.

Bibliografía

(fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005.
(fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
(fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996.
(fr) Jacky Girardet, Jacques Pécheur: Écho, Méthode de Français - B1.1 2º édition, Clé International, 2014.
(fr) Maïa Grégoire, Odile Thiévenaz: Grammaire progressive du français. Clé International, 2002.

Os participios en aragonés y atras luengas romances
en aragonés \| en astur-leyonés \| en castellano \| en catalán \| en francés \| en italiano \| en galaicoportugués \| en occitán \| en rumano

Datos: Q2054517

[LAUSBERGMORFOLOCHIA-1] (es) Heinrich Lausberg: Lingüistica romanica. Tomo II morfología. Editorial Gredos. p 362, pp 305-306, pp 357-363, p 378.

[EXERCISER-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 (fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. p 160-161.

[LAUSBERGMORFOLOCHÍA-3] (es) Heinrich Lausberg: Lingüistica romanica. Tomo II morfología. Editorial Gredos, p 360.

[FernandosChistabin-4] (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 p 306.

[1]

[2]

[3]

[4]