Pasau perfecto composau d'indicativo en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O pasau perfecto composau en francés (passé composé) equivale en orichen a lo pasau perfecto composau en aragonés y amés de tener as mesmas funcions orichinals ha preso todas as funcions d'o pasau perfecto simple d'o francés. As suyas formas son:

Persona	Chanter	Equivalencia en aragonés: Cantar
1ª Sing.	J'ai chanté	Yo he cantau
2ª Sing.	Tu as chanté	Tu has cantau
3ª Sing.	Il a chanté, elle a chanté	Él ha cantau, ella ha cantau
1ª Plur.	Nous avons chanté	Nusatros hemos cantau
2ª Plur.	Vous avez chanté	Vusatros hez cantau
3ª Plur.	Ils ont chanté, elles ont chanté	Él(o)s han cantau, ellas han cantau

Pasau perfecto composau d'indicativo con auxiliar être

Os naître ("naixer") y mourir ("morir"), os verbos de movimiento y os verbos pronominals se conchugan con o verbo auxiliar être ("ser-estar"), y presentan un participio pasau en concordancia gramatical con o subchecto.

Persona	Aller
1ª Sing.	Je suis allé, je suis allée
2ª Sing.	Tu es allé, tu es allée
3ª Sing.	Il est allé, elle est allée
1ª Plur.	Nous sommes allés, nous sommes allées
2ª Plur.	Vous êtes allés, vous êtes allées
3ª Plur.	Ils sont allés, elles sont allées

Uso

Por indicar accions pasadas y rematadas se puet trobar a sobén con hier ("ahier"), la semaine dernière, le mois dernièr u l'année dernière.

O pasau perfecto composau se fa servir pa indicar cambios en o pasau u una succesión de cambios y escaicimientos. Os adverbios u expresions como brusquement, soudain, soudainement u tout à coup pueden acompanyar un pasau perfecto composau.

O pasau perfecto resume l'acción que s'ha produciu, a diferencia d'o pasau imperfecto d'indicativo, que la describe. A diferencia d'o pasau imperfecto imperfecto d'indicativo, indica una durada definida (con encomenzamiento y fin), y se puede fer servir con expresions que indiquen intervalos como de....à ("dende...dica"), entre....et ("entre...y"). Tamién puet acompanyar a parolas que indican duradas como pendant+expresión de tiempo (pendant dix ans).

Bibliografía

• (es) Gramática francesa. Larousse Editorial, S.A, 2000.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.

Se veiga tamién

• Pasau perfecto composau d'indicativo.

• Datos: Q13360204