Pasau pluscuamperfecto d'indicativo en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O pasau plusquamperfecto d'indicativo en francés (passé plus-que-parfait) indica una acción rematada que en precede a un atra en o pasau. Se fa con o participio pasau seguindo a un auxiliar conchugau en pasau imperfecto y que puede estar avoir ("haber") u être ("ser").

Formación

En a mes gran part d'os casos l'auxiliar ye avoir ("avoir"), pero se fa servir être ("ser") en os verbos pronominals y os verbos de movimiento:

Pasau plusquamperfecto d'indicativo con auxiliar avoir

Se presenta tipicament en verbos transitivos, encara que esta construcción se puede trobar con verbos intransitivos ni pronominals ni de movimiento.

Persona	Chanter	Equivalencia en aragonés: Cantar
1ª Sing.	J'avais chanté	Yo heba cantau
2ª Sing.	Tu avais chanté	Tu hebas cantau
3ª Sing.	Il avait chanté, elle avait chanté	Ell heba cantau, ella heba cantau
1ª Plur.	Nous avions chanté	Nusatros hébanos cantau
2ª Plur.	Vous aviez chanté	Vusatros hébatz cantau
3ª Plur.	Ils avaient chanté, elles avaient chanté	Ell(o)s heban cantau, ellas heban cantau

Pasau plusquamperfecto d'indicativo con auxiliar être

Os verbos nâitre ("naixer") y mourir ("morir"), os verbos de movimiento y os verbos pronominals se conchugan con o verbo auxiliar être ("ser"), y presentan un participio pasau en concordancia gramatical con o subchecto.

Persona	Aller
1ª Sing.	J'étais allé, je étais allée
2ª Sing.	Tu étais allé, tu étais allée
3ª Sing.	Il était allé, elle était allée
1ª Plur.	Nous étions allés, nous étions allées
2ª Plur.	Vous étiez allés, vous étiez allées
3ª Plur.	Ils étaient allés, elles étaient allées

Emplego

O pasau plusquamperfecto d'inficativo nunca no se fa servir solo porque explica l'anterioridat d'un feito en relación a un atro, tamién pasau, y que s'expresa con o pasau composau u con o pasau imperfecto.

Un adverbio que se troba a sobén con este tiempo verbal ye deja ("ya").

Bibliografía

• (es) Gramática francesa. Larousse Editorial, S.A, 2000.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
• (fr) Patrick Guédon, Sylvie Poisson-Quinton: La grammaire du français. Editions Maison des Langues, 2016.

Se veiga tamién

• Pasau perfecto composau d'indicativo en francés.
• Pasau imperfecto d'indicativo en francés.

• Datos: Q26708903