Albalat de l'Arcebispe

	Albalat de l'Arcebispe; Albalate del Arzobispo
	Municipio d'Aragón
	; Albalat de l'Arcebispe.
Entidat; • País; • Provincia; • Comarca	Municipio; Aragón; Teruel; Baixo Martín
Partiu chudicial	Alcanyiz
Superficie	205,7 km²
Población; • Total; • Densidat	; 1955 hab. (2013); 9,5 hab/km²
Altaria; • Meyana	; 342 m.
Distancia; • 148 km; • 82 km	; enta Teruel; enta Zaragoza
Codigo postal	44540
Parroquial; • Archidiocesi; • Arcipestrau; • Parroquia	; Zaragoza; Íxar; Asumpción de Ntra. Sra.
Ríos	Río Martín
Coordenadas	41° 7’22’’N 0°30’33’’U
	Albalat de l'Arcebispe Albalat de l'Arcebispe en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre Albalat de l'Arcebispe. Pa atros emplegos de lo toponimo Albalat se veiga Albalat (desambigación).

Albalat de l'Arcebispe (Albalate del Arzobispo en castellano) ye un municipio aragonés de la provincia de Teruel, situau en la comarca de lo Baixo Martín.

La suya población ye de 1955 habitants en una superficie de 205,7 km².

Cheografía

Albalat de l'Arcebispe ye situau en la costera de una muela que caye enta la marguin ezquierda de lo río Martín, a 342 metros d'altaria dencima de lo livel d'a mar, a una distancia de 148 km de Teruel, la capital de la suya provincia, y a 82 km de distancia de Zaragoza, la capital d'Aragón.

Mugas

	Íxar	Urreya de Gayén
Lecera		Íxar
	Arinyo	Andorra

Clima

A suya temperatura anyal ye 14.4 °C, con una temperatura meya en chinero de 6.78 °C y en chulio de 23.51 °C.^[1]

Historia

Pareixe que los Sinyors de Belchit prenioron Albalat en tiempos de Remón Berenguer IV. En 1149, este conte donó la Villa y Castiello d'Albalat a lo Bispe Bernal de Zaragoza. En la baixa Edat Meya yera un lugar poblau exclusivament por cristianos.^[2]

Los dominios d'Albalat s'ixamplaban en la baixa Edat Meya y Andorra, Almochuel, Arcos, Arinyo y lo Cardadal plegoron a formar-ne parte.

En la Guerra de Succesión Espanyola Albalat de l'Arcebispe s'alinió con los Borbons y dioron refuchio a l'arcebispe Antonio Ibánez de la Riva (visorrei d'Aragón nombrau en 1703 por Felipe V). Por lo refirme recibiu Felipe V atorgó a Albalat lo títol de "fidelisma" lo 30 de chuliol de 1708.

Toponimia

Las primeras mencions de lo lugar yeran como Albalat, que significa en arabe "la calzada", fendo referencia a una posible calzada romana y que en Edat Meya Albalat yera en lo camín que comunicaba Zaragoza con Levant, estando parte de lo Camín de San Chaime de l'Ebro. Ha teniu en bel texto l'apelativo del Episcopo u del Bispe, por eixemplo en un texto de 1292 relativo a los templers:

videlicet, Cotande et Albalat del Bispe quibus procurator nec advocatus non audet...

Tamién en textos relativos a la Unión Aragonesa:

9. Primerament que rienda e restituesca luego el castiello e la villa de Albalat del Vispe al capitol e a la siet de Çaragoça o los en faga enmienda segunt que promiso que faria aquella al vispe

A partir de 1318, prene l'apelativo del Arzebispe, y asinas lo leyemos en lo famoso texto medieval aragonés Litera Intimata, que escribió Mosen Ioan Ximénez Cerdán a lo chusticia Mosen Martín Díez d'Aux:

e creo que fue enterrado en Albalat del Arcebispe, que de allí era natural

A ilesia de l'Asumpción de Nuestra Sinyora d'Albalat de l'Arcebispe.

Pero en ixos tiempos tardanos cada vegada mes s'escribiba como en castellano del Arzobispo. En lo Libro del Reparo del General de 1489-1491 s'escribe Albalat del Arçobispo. Encara en lo fogache de 1495 s'escribe Albalat de l'Arçobispo.

Microtoponimos

En lo suyo casco urbano bi ha toponimos en aragonés: Arco d'el pin, Canaleta, Fandega, Fila, La Fal (una carrera con forma de falz), Morera (barrio musulmán), Moretilla. Bi ha un toponimo d'orichen francés u occitán: la Rúa, citau en 1573.

En lo suyo termin bi ha bel microtoponimo en idioma aragonés: un casal dito el Radiguero, un plan dito Plan del Bispe, y una montanya dita la Silleta, una zaica dita Azaiqueta y atra dita de los terreros. Atros con elementos aragoneses son algecira, balsete fadiga, la canal, collau royo, espartal, espartosa, espilas/pilas, Fandeguilla, Arroyo del Filo, Paridera Loma de la Figuera, Figaral, Fulla, La Gabarreta, Ifesa, Cabezo de la Ginesta, Lobera, Los Albares, Majuelo del Bispe, Millares, Morerales, Planas, Planetas, Mas de la Plana, Planos de la Calva, Samatán, Sasillo, Saso, Tarranclera, Tollos, Torre de la Val, Val de Ferreros, Val de la Clocha, Val de la Olivera, Valfonda, Valpelosa, Val de los Jugos, royales d'el Picón, rincón d'el Pinaré, mar de Fulla. Las guías Prames fa mención d'un planas Fanatos que no nombran atras fuents.

En la fuella 440 de lo Mapa Topografico Nacional de España titulada Belchite figura una partida dita La Tamarit, probable mala transcripción de La Tamariz que ye como se diz a este arbusto en la redolada y como figura lo toponimo en las Guías Prames.

Luengas y parlas

Actualment en Albalat de l'Arcebispe se charra, como en toda la comarca de lo Baixo Martín, lo castellano rechional d'Aragón, con substrato lingüistico provinient de l'aragonés que se i charró en la baixa Edat Meya.

Los mayestros de lo Colechio Publico replegoron lo lexico emplegau por las familias de los alumnos. Se conservan palabras aragonesas de lo mesmo tipo que en lo Baixo Martín y Andorra (s'emplega l'adverbio de tiempo a sobén). Destaca la conservación de la xorda intervocalica en cucullata (cucullada en Sant Per de Calanda y Exatiel), y la sonorización dezaga liquida en chungo.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	2.379	2.335	2.283	2.252	2.221

2003	2004	2005	2006	2007	2008	2009	2010	2011
2.201	2.180	2.179	2.200	2.238	2.233	2.195	2.155	2.115

2012	2013	2014	2015	2016	2017	2018	2019	2020
2.087	2.049	2.025	2.001	2.003	1.978	2.004	1.980	1.972

2021	2022	2023	2024	2025	2026	2027	2028	-
1.977	1.959	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Puestos d'intrés

Chacimientos arqueolochicos

En lo termin municipal bi ha chacimientos arqueolochicos:

Barranco de la hoz: tres chacimientos neoliticos.
Barranco de Valdoria: bronce pleno.
Cabezo de Cantalobos: poblau iberico de los sieglos IV lo I a.C y necropoli romana.
Cabezo de las Abejas: poblau iberico.
Encara bi ha dos menhirs y una esfinx gravada en la roca (La Caraza).
Lastra de San José, chacimiento con tumbas d'epoca visigoda.

Pinturas rupestres

Bi ha diferents covachas y cinglos con representacions d'arte levantín y que fan part de lo Parque Cultural d'el Río Martín.

Molimentos

La villa ye conchunto historico-artistico dende lo 5 d'octubre de 1983. Entre lo castiello, la ilesia y lo río bi ha una morería, una medina bien conservada y mugada. A 13 km a lo sud d'Albalat, sobre un cinglo ye la ermita de la Virchen d'Arcos, de lo sieglo XVII.

Castiello d'Albalat de l'Arcebispe, de los sieglos XIII-XIV, con elementos en estilo gotico. Ye protechiu legalment con la suya declaración como Bien d'Intrés Cultural.

Obras hidraulicas

Cequia del Lugar.
Azú y casa de compuertas de la Zaica de Gayén.
Central hidroelectrica Rivera-Bernad I, construita en 1901.
Nevera.
Sistema d'auguas de la Val d'Oria.

Molimentos relichiosos

Ilesia de Nuestra Sinyora de l'Asumpción, protechida legalment dende 2001 con la suya declaración como Bien d'Intrés Cultural.^[3] Ye una ilesia d'estilo gotico-renaixentista de lo sieglo XVI, construita dencima d'una ilesia anterior.
Ilesia de Sant Chusé d'Albalat de l'Arcebispe.

.

Administración

Reparto de concellers

Eleccions municipals^[4]
Partiu	1979	1983	1987	1991	1995	1999	2003	2007	2011	2015	2019
Partido de los Socialistas de Aragón	4	7	6	7	4	6	6	6	6	7	5
Partido Popular	-	2	-	4	6	4	3	2	3	3	4
Ciudadanos	-	-	-	-	-	-	-	-	-	-	2
Partido Aragonés	-	2	-	0	0	0	1	0	1	1	0
Chunta Aragonesista	-	-	-	-	-	-	-	3	1	-	-
Izquierda Unida	-	-	-	-	1	1	1	-	-	-	-
Independients	3^[5]	-	5^[6]	-	-	-	-	-	-	-	-
Unión de Centro Democrático	4	-	-	-	-	-	-	-	-	-	-
Total	11	11	11	11	11	11	11	11	11	11	11

Alcaldes

Lista d'alcaldes
Lechislatura	Nombre	Partiu politico
1979–1983	Emilio Alcaine Félix ^[7]	Unión de Centro Democrático
1983–1987	Antonio del Río Macipe	Partido de los Socialistas de Aragón
1987–1991	Isidro Sanz Carnicer	Partido de los Socialistas de Aragón
1991–1995	José María Serrano Pomed	Partido de los Socialistas de Aragón
1995–1999	Alfredo Martínez Villavieja	PP
1999–2003	Antonio Fustero Alfranca	Partido de los Socialistas de Aragón
2003–2007	Antonio del Río Macipe	Partido de los Socialistas de Aragón
2007–2011	Antonio del Río Macipe	Partido de los Socialistas de Aragón
2011–2015	Antonio del Río Macipe	Partido de los Socialistas de Aragón
2015–2019	Antonio del Río Macipe	Partido de los Socialistas de Aragón
2019–2023	Isabel Arnas Andreu	PP
2023–2027	Celia Trullen Carbo ^[8]	PSOE

Fiestas

La fiesta mes famosa ye la Semana Santa, incluyida en la Rota de lo Tambor y lo Bombo.
15 d'abril. Lunes de Cuasimodo.
24-25 de septiembre fiestas patronals en honor a la Virchen d'Arcos.

Personalidaz naixidas d'Albalat de l'Arcebispe

Categoría principal: Naixius d'Albalat de l'Arcebispe.

Segundo Espallargas Castro, supervivient de lo campo de concentración de Mauthausen (1920).
Blas Mora, cantaire d'ixota aragonesa (1861-1938).

Se veiga tamién

Lista de municipios de Teruel.

Bibliografía

(es) Jose Manuel Pina Piquer. De ilusiones y tragedias, historia de Albalate del Arzobispo. Ayuntamiento de Albalate del Arzobispo.
(es) Jose Antonio Benavente et al. Obras hidráulicas del Bajo Aragón. Prames. 2008.

Vinclos externos

Se veigan as imáchens de Commons sobre Albalat de l'Arcebispe.
(es) Pachina web oficial municipal.
(es) Albalat de l'Arcebispe en www.CaiAragón.com.
(es) Lo castiello d'el bispe en www.AragonEsAsí.com.
(es) Albalat de l'Arcebispe en www.ArteGuias.com.
(es) Lo castiello d'el bispe en www.CastillosDeAragón.es.

Referencias

↑ (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
↑ Eliseo Serrano Martín La Comarca del Bajo Martín en la Edad Moderna. Comarca del Bajo Martín, colección territorio, 32 [1]
↑ (es) Declaración de la ilesia de Nuestra Sinyora de l'Asumpción d'Albalat de l'Arcebispe como Bien d'Intrés Cultural en lo BOA.
↑ Archivo electoral
↑ Unión Electoral Albalatina
↑ Agrupación Popular Aragonesa
↑ (es) Treinta aniversario de las primeras elecciones municipales de la democracia.
↑ (es) Consulta el listado de alcaldes que han sido proclamados en Aragón en Heraldo de Aragón.

Municipios d'a comarca Baixo Martín
Albalat de l'Arcebispe \| Binaceit \| Casterló \| Exatiel \| Íxar \| La Puebla d'Íxar \| Sant Per de Calanda \| Urreya de Gayén \| Zaila

Lugars desapareixitos de lo municipio d'Albalat de l'Arcebispe
Arcos \| Villanueva de Sant Agostín

Datos: Q956425
Multimedia: Albalate del Arzobispo / Q956425

[1] (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

[2] Eliseo Serrano Martín La Comarca del Bajo Martín en la Edad Moderna. Comarca del Bajo Martín, colección territorio, 32 [1]

[3] (es) Declaración de la ilesia de Nuestra Sinyora de l'Asumpción d'Albalat de l'Arcebispe como Bien d'Intrés Cultural en lo BOA.

[4] Archivo electoral

[5] Unión Electoral Albalatina

[6] Agrupación Popular Aragonesa

[7] (es) Treinta aniversario de las primeras elecciones municipales de la democracia.

[8] (es) Consulta el listado de alcaldes que han sido proclamados en Aragón en Heraldo de Aragón.

[1]

[2]

[3]

[4]

[5]

[6]

[7]

[8]