Ir al contenido

Archidiocesi

De Biquipedia
Mapa d'as diocesis d'Espanya. En color mas fosca as archidiocesis.

Una archidiocesi[1] ye, en a Ilesia catolica, una diocesi con un rango superior a las convencionals. O títol ye un nombre honorifico y d'él se deduce que o suyo bispe siga denominau arcebispe. En as Ilesias orientals catolicas, as archidiocesis se denominan archieparquías.

Diocesis sufraganias[editar | modificar o codigo]

L'archidiocesi gosa presidir sobre un grupo de diocesis d'una rechión, as cuals son conoixidas como "sufraganias", pero a incidencia de l'arcebispe en a vida de ditas diocesis ye mas de preeminencia que de incherencia, a menos que existan razons de fuerza mayor pa ello como a imposibilidat d'un bispe de rechir a vida d'a suya diocesi. No todas as archidiocesis tienen diocesis sufraganias (por eixemplo, l'Archidiocesi Castrense d'Espanya, no en tién porque no ye una archidiocesi territorial).

Ragón d'a elección d'o títol[editar | modificar o codigo]

O títol d'"archidiocesi" lo da a Santa Seu y pueden existir diferents razons pa ixo. As mas importants son:

  1. A diocesi tien una larga tradición historica.
  2. A diocesi tien por territorio una important rechión urbana d'un país.

O pastor[editar | modificar o codigo]

Por lochica, o bispe recibe o títol d'arcebispe y iste constituye un cuerpo administrativo que diriche a faina eclesial de l'archidiocesi. L'arcebispe ye nombrau nomás por o papa y ye baixo supervisión dreita d'iste (a diferencia d'os bispes convencionals).

Tipos d'archidiocesis[editar | modificar o codigo]

D'as 629 archidiocesis existents en tot o mundo, 547 son metropolitanas. As archidiocesis metropolitanas fuoron creadas en o sieglo V en a capital de cada provincia de l'Imperio Romano, estando o suyo chefe un arcebispe metropolitano. Cada archidiocesis metropolitana ye cabeza d'una provincia eclesiastica, que a la vegada comprende por un regular atras churisdiccions, ditas sufraganias de l'archidiocesi metropolitana.

En as Ilesias orientals catolicas, existen 4 archieparquías que encabezan as 4 Ilesias archiepiscopals mayors:

As atras 78 archidiocesis se dicen archiepiscopals.

Notas[editar | modificar o codigo]

  1. archi- proviene d'o griego y significa 'ser o primero'.

Referencias[editar | modificar o codigo]