Defesa

De Biquipedia
Ir ta: navego, busca
Defesa en Estremadura.

Una defesa ye un prau arbolau derivau d'a trasformación d'a selva mediterrania y destinau a criar y paixentar bestiar compachinando a espleitación de productos forestals como lenya, cazata, hierbas medicinals u fongos.

Bi n'ha que son propiedat comunal, pero tamién s'aplica o termin a fincas privadas. En aragonés as defesas destinadas a lo bestiar de labor como bueis u burros son os boyalars.

Defesa de carrascas y caixicos en a Serra de Castelltallat.

As defesas son tipicas d'o paisache de l'ueste d'a Peninsula Iberica a lo sud de Salamanca y son tipicas de zonas con suelos pobres pa l'agricultura.

Etimolochía[editar | editar código]

Defesa provién d'o latín Defensa seguntes a fonetica aragonesa. En Casp se mantién a parabra ifesa con o significato de mont con abundancia de maticals y pins diferenciau d'o significato orichinal en aragonés medieval.

En o castellán d'a Ribera Alta d'Ebro, Ribera Baixa d'Ebro y seguntes Rafael Andolz Canela tamién en Exeya d'os Caballers "defesa" se diz Acampo, parola con mayor densidat d'emplego en o municipio de Zaragoza que Juan A. Frago Gracia lo considera un derivato postverbal de acampar. Manimenos un acampo en ansotán ye especificament a zona d'estancia hibernal d'o bestiar en tierra plana[1].

Referencias[editar | editar código]

  1. (es) Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 164.ISBN 978-84-8094-058-0.