Falz

De Biquipedia
Ir a la navegación Ir a la búsqueda
Una falz.

A falz[1][2][3][4][5] (d'o latín < FALCE[6]) ye una ferramienta agricola tradicional que se'n feba uso en segar, cheneralment ta cerials u bellas vegatas altras hierbas de mida semellant, antes de no cheneralizar-se l'emplego d'as modernas maquinas segaderas.

A suya mida la fa més manullable que no la dalla ta quan cal obtener nomás una parte d'a espiga u ta quan no cal sique segar una finca chicota, a on que sería canso de fer servir l'anterior per a necesidat d'esmolar-lo a ormino. O canto d'a fuella d'as falces no cal esmolar-la tanto como las dallas, y muitas d'as fuellas emplegan ya dende fa tiempo a bora u ripa aserrallada ta guaranciar que marche por mas tiempo.

A suya forma tradicional ye una ferramienta feita d'una fuella en forma de meya luna enchascata en un mango curto, no guaire mes que l'amplura d'a man que l'ha de cullir. A largaria d'a fuella puede estar variata, dende bells 30 cm de belas falcetas ta segar matas dica la setantena de centimetros.

Os orichens d'ista ferramienta son antigos y se'n suposa lo uso dende la epoca d'os primers pueblos neoliticos, que las feban de piedra calsinosa u mesmo de ueso d'animal, mientres que con as primeras civilizacions de mesopotamia o suyo disenyo s'heba perfeccionato apresentando totas ellas ya ixa forma caracteristica de letra C en a fuella.

Per a suya periglosidat como ferramienta de tralla, os segadors soleban levar en l'altra man, ixa que heba d'aguantar o faixo d'espigas mientres yeran segadas, una protección d'estructura semellant ta un zueco, feita por un regular de madera, clamata zoqueta u soqueta.

Simbolismos[editar | editar código]

  • A falz, chunto con un martiello, ye lo simbol d'a unión entre obrers y labradors. Iste simbolo s'ha feito servir per a mayoría de partitos politicos d'ideolochía comunista y tamién yera clavato en a bandera de l'antiga Unión Sovietica.
  • L'Himno de Catalunya reculle, como producto d'os feitos escayeixitos en o sieglo XVII mientres a Guerra d'os Segadors, bells versos que dicen bon cop de falç (buen falzazo) mentando asinas a relación uei quasi simbolica d'ista ferramienta con a luita d'os labradors de muitos puestos d'a Corona d'Aragón (anque con especial violencia en Catalunya) ta conservar os dreitos forals d'a Corona contra as prebatinas d'hechemonizar os reinos d'a Corona Hispanica en ixas envueltas.

Referencias[editar | editar código]

  1. (es) María Pilar Benítez Marco L'ansotano. Estudio del habla del Valle de Ansó, Gubierno d'Aragón, 2001, ISBN 9788477538554, p.304
  2. (es) Rafael Barceló Caballud Vocabulario caspolino, Institución Fernando el Católico, 2011, ISSN 0590-1626, p.135
  3. (es) José María Satué Sanromán Vocabulario de Sobrepuerto: léxico comentado de una comarca despoblada del Altoaragón, Instituto de Estudios Altoaragoneses, 1991, ISBN 84-86856-48-5, p.55
  4. (an) Félix Torres Bagüés Breu replega d’o lesico de Monzón, Luenga & fablas, 14, 2010, ISSN.: 1137-8328, p.49
  5. (es) María Pilar Lacasa Carrascosa:El habla de Alcolea de Cinca: breve caracterización lingüística y vocabulario. Archivo de filología aragonesa Nº 66, 2010, pp. 193-216, ISSN 0210-5624
  6. (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de filología Nº 15, 2003, pp. 65-151, ISSN 0214-7602

Vinclos externos[editar | editar código]