Exatiel

Exatiel
Municipio d'Aragón
Plaza d'Exatiel con la Ilesia.
Entidat  • País  • Provincia  • Comarca	Municipio Aragón  Teruel Baixo Martín
Superficie	10,8 km²
Población  • Total	42 hab. (2016)
Altaria	209 m.
Distancia  • 170 km	enta Teruel
Codigo postal	44592
Ríos	Martín
Coordenatas	41°13’15’’N 0°22’51’’U
Exatiel Situación d'Exatiel en Aragón

Exatiel u Xatiel (en castellán Jatiel) ye un municipio de la provincia de Teruel situau en la comarca de lo Baixo Martín.

Cheografía

Ye situau a 6 km d'Íxar en una costera entre la ribera ezquierda de lo río Martín y un estrato plano y alto d'Almendrón que se creba formando tormos en lo parache de Las Penyas.

Mugas

	Sastago
La Puebla d'Íxar		Casterló
	Sant Per de Calanda

Demografía

Ye lo lugar més despoblau de la redolada y ha perdiu més de lo 50 % de la población en las zagueras decadas.

Evolución demografica

1991		1996		2001		2004		2012
76		72		54		63		50

Historia

Dimpués de la reconquiesta yera un lugar poblau por moriscos. Perteneixió a la Orden de lo Hespital y formaba una comanda chunto con Sant Per de Calanda. Bi habió un castiello que se piensa que estió dencima de la cripta gotico-mudéchar actual. La expulsión de los moriscos d'Exatiel en ixas envueltas de Felipe III d'Espanya estió obra de Vicencio Ram de Montoro, que dimpués fue nombrau conte de Montoro.

Dimpués de la expulsión de los moriscos de 1609, en 1633 la Orden de lo Hespital atorgó Carta de Población a Sant Per y Exatiel con condicions pareixidas las de lo ducau d'Íxar.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									1
Total									1

Alcaldes

Lista d'alcaldes

Lechislatura	Nombre	Partiu politico
1979–1983	José Úbeda López	UCD
1983–1987
1987–1991
1991–1995
1995–1999
1999–2003
2003–2007	Gregorio Úbeda Bertomeu	Partido Aragonés
2007–2011	Gregorio Úbeda Bertomeu	Partido Aragonés

Toponimia

Bi ha dos teorías pa explicar l'orichen de lo toponimo.

La més conoixida y simple considera que la radiz xat ye arabe y significa "ripa de río", "marguin de río" (como o Xat-Al-Arab entre Irán y Irak) y la terminación -iel ye lo sufixo mozarabe que equivale a l'aragonés -iello.

• Xat + -iel > Xatiel.

Manimenos Agustín Ventura Conejero planteya un atra hipotesi més fácil d'entender dende la perspectiva de formacions de toponimos en una sociedat agricola y lo esplica a partir de lo latín SATUM, "sembrau", con lo diminutivo -ELLU, tamién con evolución mozarabe, (pero que tamién puet estar aragonesa porque castiel coexistiba con castiello en aragonés medieval). Lo paso de s ta x ye documentau en luengas ibero-romances en parabras d'orichen latín, y amés la influencia de l'arabe puet fer cambiar una s por una x.

• SATELLUM > Satiello > Satiel > Xatiel.

La S inicial del mozárabe por contacto con los árabes pasaba a X y de ahí a J: así tenemos de Salonem = "Xalón", "Jalón"; de Saitabi = "Xativa", "Játiva"; de sapone = "jabón", etc. En Teruel tenemos el caso de Satellum, que pasa a Jatiel, un topónimo que no tiene desperdicio en cuanto a cantidad de fenómenos lingüísticos interesantes. También el árabe xarq = "oriente" pasó a Jarque.

Esta segunda hipotesi ye més probable, car en Pui de Cinca bi ha un microtoponimo pareixiu, Sediello.

Ye documentau l'apelliu Xativiel en familias moriscas, por lo que pareixe que ligaban Xatiel de Teruel y Xativa de Valencia.

Encara puede trobar-se en textos castellans la forma Xatiel no traducida a lo castellán moderno. Quan bell historiador consulta textos antigos traducen u adaptan Íxar, pero deixan a X de Xatiel, porque no conoixen la existencia de lo lugar huei dito Jatiel.

Bi ha una carrera dita La Ferrería. Existe una finca que encara se diz Cascallo u Cascajo y un atra que se diz L'Alchizira, esta palabra ye documentada en textos medievals con lo significato de "puesto con muita augua" y no con lo sentiu orichinal arabe de "isla". Una partida se diz la planeta, atra plano del balsete y un atra el Bochar.

Patrimonio arquitectonico

• Chacimiento iberico en lo Cerro del Cantador.
• Miliario román.
• Ilesia de lo sieglo XVIII con a cruz hespitalera en a portalada.
• Cripta gotico-mudéchar (Prensa del tío Cosme) se crei que relacionada con l'antigo castiello y con la Orden de lo Hespital.

Presonalidatz naixidas d'Exatiel

Categoría principal: Naixius d'Exatiel.

• Carmelo López Esteruelas, articulista sobre temas de la comarca de lo Matarranya, especialment los mases.

Fiestas

• Sant Xabier, 3 d'aviento, dito localment San Javiel.

Bibliografía

• (es) Agustín Ventura Conejero: Toponimia de la provincia de Teruel. Revista Teruel, 48, 1972.
• (es) Gaudioso Giménez Resano: Toponimia mayor hispanoárabe de la provincia de Teruel. Revista Teruel, 76, 1986