Íxar

De Biquipedia
Ir a la navegación Ir a la búsqueda
Íxar
Municipio d'Aragón
Escudo d'armas
Híjar, Teruel, Aragón.jpg
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Baixo Martín
Superficie 165,4 km²
Población
 • Total

1,949 hab. (2005)
Altaria 291 m.
Distancia
 • 171 km

enta Teruel
Codigo postal 44530
Ríos Martín
Coordenatas 41° 10’26’’N 0°26’56’’U
Íxar en Aragón
Íxar
Íxar
Situación d'Íxar en Aragón
www.Hijar.com

Íxar (Híjar en castellán) ye una villa y municipio de la provincia de Teruel, capital de la comarca de lo Baixo Martín. La suya población ye de 1.949 habitants (2005), en una superficie de 165,4 km².

Cheografía[editar | editar código]

La part viella ye situata en un pueyo que ye entre un barranco y la ribera de lo río Martín, pero lo lugar tamién ye estendillato por parte de la ribera de lo río. Lo lugar ye en la parte oriental d'un termin ye muito alargato en dirección norueste-sudeste.

Mugas[editar | editar código]

Lecera, Belchit, Binaceit, Almochuel La Puebla d'Íxar Sant Per de Calanda
Albalat de l'Arcebispe, Urreya de Gayén Rose des vents2.png Alcanyiz
Andorra

Historia[editar | editar código]

La reconquiesta definitiva fue obra de Galín Ximénez, sinyor de Belchit en tiempos de Remón Berenguer IV.

En 1261 pasó a Ximeno d'Urreya por un pleito que i habió entre Ximeno y Donya Elvira de Luesia sobre la posesión y dreito de la metat de la villa y lo suyo castiello. En 1267 la filla de Don Ximeno cedió la metat de Íxar a Chaime I d'Aragón a cambeyo de la villa y castiello de Tierga.

En 1268 amanix la Senyoría d'Íxar quan Chaime I atorga la metat d'Íxar y Urreya d'Íxar a lo suyo fillo borde Pero Ferrández a cambeyo d'unas propiedatz que teneba en lo Reino de Valencia. Este fillo esdevinió lo primer sinyor d'Íxar y prenió como apellito este toponimo: Pero Ferrández d'Íxar, encomenzando la Casa d'Íxar.

En 1280 se concede a Íxar lo dreito a celebrar ferias.[1]

Luengas y parlas[editar | editar código]

La luenga tradicional d'Íxar ye lo castellán d'Aragón, con substrato aragonés, perceptible sobre tot en la chent viella.

Lo lexico d'intrés etnografico d'Ixar se conoix relativament bien por figurar esta localidat en l'ALEANR, con la sigla Te 200.[2] Por atra part lo erudito local Mariano Laborda replegó muito lexico aragonés en lo segundo tomo de Recuerdos de Híjar.[3] Amés de muitos aragonesismos comuns con tota la Val de l'Ebro, y amés d'atros aragonesismos comuns con la redolada y las comarcas orientals de la provincia de Teruel (a sobén, chirigallo, charraire), bi ha aragonesismos no documentaus en atros lugars de la redolada: binardo, frajenco, falordia, malenco, alufrar, rebuscallo y sobater. Tamién bi ha presuntos catalanismos como alum y capel.

L'aragonés que se charraba antes de lo castellán de substrato aragonés actual yera prou vital pa que los sinyors d'Íxar y dimpués duques escribisen en romance ya en l'anyo 1300.

Wikisource-logo.svg
En Wikisource bi ha un texto sobre Donación feita por Doña Marquesa Chil de Rada d'unas cuantas fincas en a villa de Íxar oferindo-se como freira d'o Santo Sepulcre de Cherusalén, en 13 de noviembre de l'año 1300.

Toponimia[editar | editar código]

La primera mención d'Íxar ye en 1179 quan donoron Alcanyiz a la Orden de Calatrava:

et sicut dividis terminos cum Montealbano et de Ovon et de Oliet, et de Arinno, et de Albalat et de Íxar

Lo suyo nombre ye de dificil interpretación. Agustín Ubieto Arteta rechistra as variants Yxar y Xyarc. Atros autors han documentato Izar que no ye problablement significatiba en lo fonetico, porque Manuel Alvar explica que a vegatas s'emplegaba pa representar lo fonema fricativo xordo x u sh en textos latins. La forma Izar en textos romances tardanos, como Pobla de Izar en lo Fogache de 1495, puet estar una prebatina d'adaptación a lo castellán escrito seguindo lo modelo de pex-pez, xata-azada, faxo-haz, ruxiar-rociar.

Son intresants os microtoponimos El Coscollar, Chumilla y el Ciparuelo. Bi ha carreras con nombre que pareix aragonés como La Boleta, La Cantonada, Plano Alto y Plano Bajo. Lo toponimo La Cultía, finca y antigo nuclio de población, ye intresant porque tamién se troba en la microtoponimia ribagorzana (en Lo Pont de Suert, Sas, Esperan, Erta, Peranera, Castellars) y provién de lo latín CULTIVA.

Lo sacerdot Mosen Domingo Gascón escribió los nombres de las partitas ixaranas en Miscelanea Turolense, 21 d'o 20 de marzo de 1897:[4]

  • En la parte de lo secano a la dreita de lo Martín: Chumilla, Corral de la Loma, Balsa de Moso, Val de Arcos, Portoleses, Loma Alias, Hoya Sentida, Partidas del Salto, de la Pobleta, de la Manga, Mas del Mosquito, Mas de las Piletas, Albadales, Plano Millé, Valventana y Val de Alacón.
  • En la parte de lo secano a la ezquierda de lo Martín, que en conchunto se denomina Campilseco (Campyseco en un texto de 1338-1343) Zabarda, Saladares, Justas, Luercos, Caseta de Laborda, Hoya del Ciego, Filada de Alcaine, Hoya de la Ginebrosa y Val de Espartera. Lo campilseco comprende lo Montecico y lo Monte de Santa Barbara:
    • Lo Montecico ye formato por la partita d'ixe nombre, entre La Puebla d'Íxar y Sant Per de Calanda y a lo norte de la partita de Campillos ya en la huerta.
    • Lo Monte de Santa Barbara ye formato por las partitas de Sabinar y Cabezo del Pino y ye situato a lo sur de las zaicas de las Lianas, Lomas y Canalillas.
  • Lo regano ye formato por las partitas de Peirones, Lianas, Campillos, Valdemuzas, Juncares, Canalillas, Faceras, Brazos, Rebelainas, Valtamarices, Vegatillas (on ye l'actual IES "Laín Entralgo"), Riberos, Planas, Huertos Altos y Vegas.

Bi ha un gallipuent conoixito como gallipuente de Valdestremera entre Íxar y La Puebla d'Íxar.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido Popular 5 4
Partido de los Socialistas de Aragón 4 4
Partido Aragonés 1
Total 9 9

Alcaldes[editar | editar código]

Lista d'alcaldes
Lechislatura Nombre Partito politico
19791983 José María Turón Grao [5] UCD
19831987
19871991
19911995
19951999
19992003
20032007
20072011 Luis Carlos Marquesán Forcén Partido Popular
20112015 Luis Carlos Marquesán Forcén Partido Popular

Presonalidatz naixitas d'Íxar[editar | editar código]

Categoría principal: Naixitos d'Íxar.

Molimentos[editar | editar código]

Molimentos relichiosos[editar | editar código]

Bi heba muitas ilesias y ermitas, pero en la guerra civil i habió grans destruccions.

Veyer tamién[editar | editar código]

Vinclos externos[editar | editar código]

Referencias[editar | editar código]

  1. (es) Historia de Aragón, dirichita por Eloy Fernández Clemente, La Esfera de los Libros, Madrit, abril de 2008, 1ª edición, ISBN 978-84-9734-722-8, pachina 248.
  2. (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
  3. Mariano Laborda: Recuerdos de Híjar. 2. Editau por lo Centro de Iniciativas Turísticas del Quadro Artístito de Híjar, 1993
  4. Mariano Laborda RECUERDOS DE HÍJAR. Editato por o Centro de Iniciativas Turísticas del Quadro Artístito de Híjar, 1980
  5. (es) Treinta aniversario de las primeras elecciones municipales de la democracia.
  6. (es) Texto en o BOA con a declaración d'a ilesia de Santa María la Mayor d'Íxar como Bien d'Intrés Cultural.

Bibliografía[editar | editar código]

  • Mariano Laborda Recuerdos de Híjar. Editato por lo Centro de Iniciativas Turísticas del Cuadro Artístico de Híjar, 1980.
  • Mariano Laborda Recuerdos de Híjar 2. Editato por lo Centro de Iniciativas Turísticas del Cuadro Artístico de Híjar, 1993.


Municipios d'a comarca Baixo Martín
Albalat de l'Arcebispe | Binazeit | Casterló | Íxar | La Puebla d'Íxar | Sant Per de Calanda | Urreya de Gayén | Exatiel | Zaila