Royal
A royal ye una variedat d'olivera propia d'a Sierra de Cazorla, provincia de Chaén (Espanya), orichinaria d'ista rechión. Ista variedat se destina a la producción d'aceite d'oliva virchen extra.[1][2][3][4][5]
Extensión
[editar | modificar o codigo]A olivera d'a variedat royal s'estendilla mas que mas por as localidaz d'a comarca d'a Sierra de Cazorla, en especial por os termins municipals de La Iruela, Cazorla y Quesada. Tamién se troba, en menor mida, en a comarca de Las Villas y en a de Sierra de Segura. Ye una variedat rustica muit bien adaptada a terrenos de montanya con altarias meyas de 800 metros, con hibiernos fríos y resistencia a la sequera.[5][2][3][4]
Producción
[editar | modificar o codigo]
A producción d'aceite de oliva virchen extra d'a variedat royal representa o 5 % d'a producción total mundial d'AOVE, lo que la fa una variedat muit exclusiva.[5] A practica totalidat d'a producción d'AOVE royal dentra en a Denominación d'Orichen Sierra de Cazorla.[3][4]
En Aragón ye una variedat segundaria en l'aceite d'o Baixo Aragón, representando una proporción de no mas d'un 20%, y en l'aceite Sierra de Moncayo, a on se troba como maximo en un 5%.
Caracteristicas de l'aceite
[editar | modificar o codigo]A variedat royal ha pasau d'estar una oliva que se replegaba tardanament, en os meses de febrero y marzo debiu a la suya resistencia a o desprendimiento, a estar estimada como una variedat que produz grans aceites tempranas. Presenta una color verda intensa, muit afruitada, fresca, a on dominan as aromas a almendreta, platano, hierba y manzana. L'amargo, en contraposición a la variedat picual con a que comparte os campos en a Sierra de Cazorla, ye muit baixo, variando a intensidat d'o picant d'unas cullitas a un atras. As aceites mas tardanas d'a royal se caracterizan por un afruitau mas sinyalero, con toques de vainilla, fruitas maduras, figos ixutos... Presenta grans cantidaz de vitamina E, polifenols y ácidos grasos monoinsaturados, lo que contribuye a la protezión celular y a la salut cardiovascular.[5][3][1][2][4]
Uso culinario
[editar | modificar o codigo]L'aceite royal ye ideal ta consumir-lo en crudo, en tostadetas, ensaladas, salmorejos u gazpachos. Tamién marida bien con pescaus azuls, mesmo a lo furno que en escabeche, por la suya sabor suau y afruitada con luchera amargor y picant casi inapreciable.[5]
Futuro d'a variedat
[editar | modificar o codigo]As oliveras d'a variedat royal sofrioron en as pasadas decadas un gran retacule en numero en favor d'a variedat picual, mas productiva y con mayor rendimiento graso, y por tanto mas rentable, dica deixar-la en una posición minoritaria. Ixa regresión d'a variedat royal ya s'ha aturau en l'actualidat, en estimar-se muito mas a gran calidat d'as suyas aceites tempranas,[4] afruitadas y lucherament amargas, y en haber apuyau en os productors y consumidors os conoiximientos y cultura de l'aceite d'oliva virchen extra. Actualment se presentan en o mercau gran cantidat d'AOVEs tempranas d'a variedat royal de gama prémium, ye decir, con mayor valura anyadida.[3][1][2]
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 1,2 (es) AOVE ROYAL, nuevo monovarietal de OLEÍCOLA JAÉN, en Oleícola Jaén, 27 d'octubre de 2016.
- ↑ 2,0 2,1 2,2 2,3 (es) Variedad de olivo royal, en Agraria Olearum.
- ↑ 3,0 3,1 3,2 3,3 3,4 (es) Variedades del Aceite de Oliva Virgen Extra: Royal. Rafael Flores, 2019.
- ↑ 4,0 4,1 4,2 4,3 4,4 Error en a cita: Etiqueta
<ref>incorreuta; no ha escrito garra testo t'as referencias nombratasifapa - ↑ 5,0 5,1 5,2 5,3 5,4 (es) Aceite Royal, en Aceite del Campo.
| Control d'autoridaz |
|
|---|
Datos: Q95816459