Chinestra

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Una chinestra d'a especie Cystius scoparius, con flors.

En Aragón, se conoix con o nombre chenerico de chinestras (d'o latín «<GENISTA») a un conchunto d'especies diferents de plantas silvestres que perteneixen a la familia Fabaceae, que manifiestan como caracteristica comuna de totas ellas de tener brancas luengas, finas y rectas, d'aspecto muit liso, que no se ramifican guaire una vegada s'han deseparau d'a rama prencipal, en estando carents u cuasi carents de fuellas propiament ditas, u mesmo tenendo-las só que de maniera temporal (p. ex. a l'inicio d'o periodo vechetativo primeral). Como en altras especies de Fabaceae (p. ex. as aliagas), isto s'explica perque tienen capacidat de fer a fotosintesi per as brancas verdas, que no tienen crosta, y son de cuticla verda intensa.

As especies que reciben iste nombre, a demés, suelen manifestar port herbacio (os eixemplars mas chóvens) u arbustivo, con o tallo prencipal a sobén lenyoso en os eixemplars de mayor edat. Arriban a tener port mas gran que no as aliagas y altros arbustos d'o suyo hábitat, superando con facilidat os 2 metros d'altaria.

En cheneral, per a suya abundancia en o paisache aragonés, as especies que mas a ormino se gosan identificar con iste nombre son Cystius oromediterraneus y Cystiuis scoparius, anque ocasionalment se gosa documentar ista denominación ta belaltras especies de caracteristicas semellants, que perteneixen a belaltros cheneros, como Genista[1] (que tamién contiene especies punchudas, que se gosan decir «aliagas») y Retama.[1]

Os fruitos d'as chinestras, como en todas as Fabaceae, son tabellas.

Imáchens[editar | modificar o codigo]

Referencias[editar | modificar o codigo]

  1. 1,0 1,1 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

Se veiga tamién[editar | modificar o codigo]