Zaila

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Zaila Azaila
Municipio d'Aragón
Ilesia de Zaila.
Entidat  • País  • Provincia  • Comarca	Municipio  Aragón  Teruel Baixo Martín
Partiu chudicial	Alcanyiz
Superficie	81.4 km²
Población  • Total	98 hab. (2013)
Altaria  • Meyana	276 m.
Distancia  • 170 km	enta Teruel
Alcalde	Adolfo Tesan Bielsa
Codigo postal	44590
Parroquial  • Archidiocesi  • Arcipestrau  • Parroquia	Zaragoza Íxar Ntra. Sra. d'o Rosario
Ríos	Aguas
Coordenadas	41°17’28’’N 0°29’39’’U
Zaila Zaila en Aragón
Web oficial

Zaila (Azaila en castellano) ye un municipio de la provincia de Teruel, situau en la comarca de lo Baixo Martín. La suya población ye de 98 habitants, en una superficie de 81,4 km² y una densidat de 1,2 hab/km².

Cheografía

Ye dencima d'una ripa a la dreita de lo río Aguas. Una part de lo termin municipal a lo sud de la ribera de lo río Aguas, y en concreto las partidas de Pedrenyales y Pedrenyal corresponde a Los Pedrenyals, un gran chacimiento de pedrenya evaporitica. A lo sud de Los Pedrenyals se troban dos saladas, la Hoya del Castillo y la salada de Zaila. Esta zaguera ye una LIC incluita en la Red Natura 2000 por la presencia de las especies de plantas protechidas Microcnemum coralloides y Halopeplis amplexicaulis.

Mugas

Belchit	Quinto	Belchit, La Zaida
Almochuel		La Puebla d'Íxar
Almochuel	Almochuel	La Puebla d'Íxar

Historia

En lo cabezo d'Alcalá bi ha un important chacimiento arqueolochico con 3 livels: Campos d'Urnas tardanos (I Edat de Fierro), ciudat de cultura iberica (II Edat de Fierro) y ciudat ibero-romana. Se crei que lo livel ibero corresponde con lo toponimo conoixiu por atras fuents (monedas por eixemplo) SEDEIS, SEDEISKEM, capital de los ibers sedetans. Miguel Beltrán Lloris crei manimenos que corresponde con BELIGION. Destruita en una guerra civil romana, la ciudat no se reconstruyó, porque no feba falta un lugar fortificau pa articular lo territorio (y en la zona crexió la ciudat romana de Lepida Celsa en un puesto millor comunicau y mas plano, a on huei son Exelsa y Viliella d'Ebro).

En 1196 Pero II dió Zaila a Gastón de Castellot. Zaylla estió propiedat de la familia suya dica 1283. Se conoixen restos d'una fortaleza cristiana con una necropoli datada entre los sieglos XIII y XVI. A primers de lo sieglo XVII Zaylla ye cuasi despoblada por la expulsión de los moriscos.

Toponimia

Encara que lo nombre se crei d'orichen arabe, no queda ni se sabe cosa de la epoca arabe y sí de la epoca cristiana. Bien podría estar que lo toponimo SEDEIS, pasau por lo latín vulgar, evolucionase a Zaylla, en epoca arabe por analochia con la palabra arabe Zaylla ("la plana"), igual que Cella, que s'interpreta a partir de la variant Sahla de la mesma palabra. En textos medievals cristianos se conoixe como Zaylla.

En lo censo de 1713 de Campoflorido lo lugar encara se deciba Zaylla u Zayllas, cuasi lo nombre que emplega bella chent viella de la comarca ("Zaila") y que veyemos en la toponimia de lo vecín lugar de Exatiel, a on bi ha una Val de Zaila.

En lo limite provincial con Zaragoza existe un toponimo muito interesant, l'arroyo Lopín, que puede querer dicir arroyo lo pin, estando un caso de fosilización de l'articlo aragonés. Entre Zaila y La Romana bi ha una val dita val de mesón que ye una zona d'especial protección (ZEPA). Atros microtoponimos aragoneses son Pedrenyal y Los Pedrenyales.

Demografía

Evolución demografica

1992 1994 1996 1997 1998 1999 2000 2001 2002 - - 192 - - - 174 175 172

2003 2004 2005 2006 2007 2008 2009 2010 2011 167 169 162 151 163 155 154 139 148

2012 2013 2014 2015 2016 2017 2018 2019 2020 133 124 119 116 106 97 94 90 93

2021 2022 2023 2024 2025 2026 2027 2028 - 100 105 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Aragonés									1
Total									5

Alcaldes

Lista d'alcaldes

Lechislatura	Nombre	Partiu politico
1979–1983	Ángel Gaudés Muestienes	PSOE
1983–1987	Ángel Gaudés Mústienes	PSOE
1987–1991	Luis Alberto Tesan Bielsa
1991–1995	Luis Alberto Tesan Bielsa
1995–1999	Luis Alberto Tesan Bielsa
1999–2003	David Bielsa Calvo
2003–2007	David Bielsa Calvo
2007–2011	Adolfo Tesán Bielsa	Partido de los Socialistas de Aragón
2011–2015	Adolfo Tesán Bielsa	Partido de los Socialistas de Aragón
2015–2019	Adolfo Tesán Bielsa	Partido de los Socialistas de Aragón
2019–2023	Adolfo Tesán Bielsa	Partido de los Socialistas de Aragón
2023–2027	Adolfo Tesán Bielsa	PSOE

Molimentos

Muito cerca de lo lugar bi ha una ciudat ibera (cabezo d'Alcalá) que ye fundamental pa lo conoiximiento de la cultura iberica y la romanización de la val d'Ebro.

Molimentos relichiosos

• Ilesia de Nuestra Sinyora d'o Rosario, sieglo XVII.

Curiosidaz

Los de Binaceit, que son por d'alto puyando por lo río Aguas, lis dicen d'embotada a los de Zaila bachanos, igual que los d'Íxar a los de La Puebla d'Íxar, probablement por estar aguas ta baixo (representaría un caso cheada, Baixanos > Bachanos).

Fiestas

• Sant Antón, 17 de chinero.
• Sant Isidro, 15 de mayo.
• 25 y 26 de chulio, Santiago y Santa Ana.

Veyer tamién

• Lista de municipios de Teruel.

• Datos: Q1632357
• Multimedia: Azaila / Q1632357