Upupa epops
| Porput | ||||||||||||||||
.jpg) Porput (Upupa epops) |
||||||||||||||||
|
|
||||||||||||||||
|---|---|---|---|---|---|---|---|---|---|---|---|---|---|---|---|---|
|
||||||||||||||||
|
|
||||||||||||||||
|
||||||||||||||||
|
|
||||||||||||||||
| Upupa epops | ||||||||||||||||
| Linnaeus, 1758 | ||||||||||||||||
A porput, puput, gorgut u porpunte (Upupa epops (L., 1758)) ye un muixón de plomas naranchencas con as alas y la coda caracteristicament negras con unas franchas de color blanca que la fan reconoixer facilment quan s'alza en vuelo en o medio natural. Una cresta de plomas erectils a l'alto d'a capeza li'n remata l'aspecto, y chunto con o suyo largo pico la fa estar una d'as aves més singulars y dificils de trafucar d'as que viven en Aragón.
Ye la sola especie d'o suyo chenero y mes encara, d'a suya familia, que se conoix, constituindo asinas una familia ella soleta, es upupidos. Es muixons mes arredolatos filocheneticament son es martinetz y abellaruelos. Per contra d'ell que bella chent en piensa, a porput no tien brenca relación con es cocutz més luen que no la suya canta, mena de "ho-po-put" repetitivo, que puet pareixer semilar.
A porput ye un animal insectivoro, que s'alimenta sobretot d'invertebratos, podendo veyer-la de tanto en quanto cazar y minchar chicotz vertebratos como chargandanas u ranotetas chóvens. A suya predilección per es insectos fa que sía vista a sobén en a redolada de femeras u de puestos a on se trobe bestiar, estando iste l'orichen de bellas denominacions, que no en Aragón si que en altros lugars d'Espanya, s'ha aganato; per ixemplo, en Andalucía y Estremadura en dicen "Cagonera" per veyer-la parar més que més arredol d'o fiemo.
En Europa central y oriental ye un animal migrador que totz es hibiernos marcha t'Africa per a hibiernata, en a Peninsula Iberica, per contra, no gosa a migrar més que en as zonas montanyencas, a on per natural, tampoco no ye guaire abundant. O suyo habitat natural ye per un regular a tierra plana, estando freqüent de trobar-la en campos cautivatos y arias con árbols esparzos.
Vinclos externos [editar]
Biquiespecies tiene un articlo sobre Upupa epops.
Se veigan as imáchens de Commons sobre a porput.
