Chacetania

Chacetania
Comarca d'Aragón
Monesterio de Sant Chuan d'a Penya.
Capital  •Municipios	Chaca 20
Entidat  •País  •Provincia	Comarca  Aragón Uesca y Zaragoza
Superficie  •Total	1.857,9 km²
Población  •Total  •Densidat	(2010) 18.664 hab. 10,05 hab./km²
Mapa de situación en Aragón
www.jacetania.es

A Chacetania ye a comarca más noroccidental d'Aragón, dividita entre as provincias de Uesca y Zaragoza, en Espanya. Muga con Francia por o norte, Navarra por l'ueste, y por o sud y a l'este con as comarcas aragonesas d'as Cinco Villas, Plana de Uesca y Alto Galligo. En plens Pireneus, s'articula por o río Aragón y os suyos afluyents.

En era se formó lo primitivo Condato d'Aragón que en 1035 quan morió o rei Sancho III "o Mayor" de Navarra adquiere a categoría de reino con capital en Chaca y con Remiro I como monarca. Resultato d'ista ampla historia son dos grans molimentos historico-artisticos, a Seu de Chaca y o Monesterio de Sant Chuan d'a Penya.

A suya mayor altaria ye o Pico Collarada (2.886 metros), y cuenta con dos d'as estacións d'esquí más importants y antiguas d'Espanya: Candanchú y Astún, en a Val de l'Aragón.

Tien una superficie de 1.857,9 km² y una población en 2010 de 18.664 hab. (con una densidat de población de 10,05 hab/km²) y a suya capital ye a ciudat de Chaca, que aculle o 71% d'a población redolar.

A suya prencipal festividat ye Santa Orosia, patrona d'ista comarca y que se celebra o 25 de chunio.

A luenga vernacla d'a Chacetania ye l'aragonés, charrando-se a suya variedat l'aragonés occidental, chunto con o castellán que ye l'oficial.

Composan a Chacetania 20 municipios.

Se veiga tamién

• Lista de molimentos d'a Chacetania.