Cinco Villas

Ta atros emplegos d'o toponimo Cinco Villas se veiga Cinco Villas (desambigación).

Cinco Villas
Comarca d'Aragón
Anvista d'Uncastiello dende o castiello
Capital  •Municipios	Exeya d'os Caballers 31
Entidat  •País  •Provincia	Comarca  Aragón Zaragoza
Superficie  •Total	3.062,5 km²
Población  •Total  •Densidat	32.669 hab. 10,667 hab./km²
Mapa de situación en Aragón
comarcacincovillas.es

As Cinco Villas ye una comarca situada a lo norte d'a provincia de Zaragoza. Ye a comarca mayor d'Aragón. As villas historicas que dan nombre a la comarca son Uncastiello, Taust, Sadaba, l'actual capital Exeya y l'antigua capital y que n'heba estato historicament Sos d'o Rei Catolico.

Muga a l'ueste con Navarra, a l'este con a Plana de Uesca, a lo sud con a Ribera Alta de l'Ebro, a comarca de Zaragoza y o Campo de Borcha y a lo norte con a Chacetania.

• Capital: Exeya d'os Caballers.
• Superficie: 3.062,5 km².
• Población: 32.669 habitants.

Historicament, Petiella d'Aragón (que hue fa parte de Navarra) perteneix a as Cinco Villas.

Parla

En a més gran parte d'os lugars se charra un castellán con muitos aragonesismos en linia con l'aragonés occidental y l'ayerbense (la parla d'o vicín lugar de Murillo de Galligo ye ayerbense). En bells lugars d'o norte y noreste d'a comarca la chent més viella en los anyos 1980 encara conoixeba l'aragonés d'haber-lo sentito de chóvens pero ya no lo charraba. Sindembargo, Longars ye o lugar d'a comarca a on mas s'ha conservato l'emplego de l'aragonés y ye considerato por a Lei d'uso, protección y promoción d'as luengas propias d'Aragón como parte d'a zona d'utilización historica predominant de l'aragonés.

Se veiga tamién

• Lista de molimentos d'as Cinco Villas.

Vinclos externos

• Pachina oficial
• Lexico aragonés d'as Cinco Villas