Agüero

Iste ye un articlo sobre un municipio aragonés d'a comarca d'a Plana de Uesca; ta o futbolista archentín, se veiga Sergio Agüero.

Agüero
Municipio d'Aragón
Anvista d'Agüero, con os Mallos d'Agüero dezaga.
Entidat  • País  • Provincia  • Comarca	Municipio Aragón  Uesca Plana de Uesca
Superficie	94,25 km²
Población  • Total	164 hab. (2010)
Altaria	696 m.
Distancia  • 42 km	enta Uesca
Codigo postal	22808
Coordenatas	42°21’14’’N 0°47’38’’U
Agüero Situación d'Agüero en Aragón
www.AytoAguero.es

Agüero ye un municipio aragonés d'a provincia de Uesca, situato en a comarca d'a Plana de Uesca y partito chudicial de Chaca. Dende o punto d'anvista eclesiastico, pende d'a diocesi de Chaca y de l'archidiocesi de Pamplona.

A suya población ye de 169 habitants (2009), en una superficie de 94,25 km² y una densidat de población de 1,76 hab/km².

Cheografía

A localidat d'Agüero ye situata a 696 metros d'altaria sobre o ran d'a mar, en a ladera sud d'a sierra de Santo Domingo, a os pietz d'os Mallos de Riglos y a una distancia de 43 km de Uesca, a capital d'a suya provincia y d'a suya comarca.

D'o suyo termin monecipal fa parte o lugar de Sant Felices.

O termin municipal d'Agüero muga a l'este con Morillo de Galligo; a o sud con Luna, en a comarca d'as Cinco Villas; a l'ueste con O Frago y Biel, tamién en as Cinco Villas; y a o norte con l'antigo termin de Salinas de Chaca (Salinas Viello), hue termin municipal de Penyas de Riglos.

Historia d'Agüero

En o sieglo X ye citato o castiello d'Agüero, complementario d'as fortificacions esfensivas d'o reino d'Aragón en Biel (castiello de Biel), Luesia (castiello de Luesia), Uncastiello (castiello d'Uncastiello y castiello de Sibirana), Petiella d'Aragón y atras.

En l'actual termin municipal d'Agüero bi habió o castiello de Castelmanco, hue desapareixito.

En primerías d'o sieglo XII, Agüero fació parte d'o clamato Reino d'os Mallos, rechito por Berta d'Aragón, viuda d'o rei d'Aragón Pero I.

Demografía

Evolución demografica

1362 f 1495 f 1842 1857 1860 1877 1887 1897 1900 - - - - - - - - 1.161

1910 1920 1930 1940 1950 1960 1970 1981 1991 1.131 - 934 836 715 435 308 237 -

1992 1994 1996 1997 1998 1999 2000 2001 2002 191 - - - - 166 - - -

2003 2004 2005 2006 2007 2008 2009 2010 - - 162 - 166 - - 166 - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									4
Partido Aragonés									1
Total									5

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	Lourdes Nasarre Morláns	Partido Popular
2007–2011	Lourdes Nasarre Morláns	Partido Popular
2011–2015	Antonio Castillo Pérez	Partido Popular

Molimentos

Arquitectura

• Ilesia de Sant Salvador, una ilesia d'estilo romanico, enamplata mientres o sieglo XVI. Ye protechita legalment dende 2001 con a suya declaración como Bien d'Intrés Cultural.
• Ilesia de Sant Chaime, una ilesia d'estilo romanico, protechita legalment con a suya declaración como Molimento Nacional en 1920.
• As esculturas d'o clamato mayestro d'Agüero u mayestro de Sant Chuan d'a Penya.
• Repuis d'o castiello d'Agüero.

Patrimonio natural

• Os Mallos d'Agüero.
• O Barranco d'a Rabosera, declarato Punto d'Intrés Cheolochico.

Museus

• O Museu de l'Organo.

Fiestas

• 14 - 18 d'agosto, Sant Roque.

Se veiga tamién

• Mayestro d'Agüero.

Vinclos externos

• Se veigan as imáchens de Commons sobre Agüero.
• (en) (es) (fr) Pachina web oficial municipal d'Agüero.

Referencias

Lugars d'o municipio d'Agüero
Agüero | Sant Felices