Filo (biolochía)
De Biquipedia
En zoolochía, o filo (también dto phylum -pl. phyla-, tipo morfolochico u tipo organizador) ye una categoría taxonomica fincada d'entre ro reino e ra clase. S'emplega exclusibament en a dibisión d'es reinos Animalia e Protista. En botanica (reinos Plantae y Fungi) s'emplega o termín dibisión per cuentas de filo. Es dos termins son equibalenz.
O filo ye ra sozdibisión prenzipal d'o reino animal y gosa á referir-se enta una colla d'animals que tienen alazetalment un mesmo plan cheneral d'organizazión corporal. Asinas, es caragols, limacos u calamars pueden ser cuaternados aintro d'o mesmo filo (Mollusca) perque toz ers tienen o mesmo plan basico d'organizazión.
Anque esisten cuasi 40 filos, a més gran d'as mayorías d'entre es animals escaien nomás á bel d'es 9 prenzipals: Arthropoda, Mollusca, Porifera, Cnidaria, Plathelmyntes, Nematoda, Annelida, Echinoderma e Chordata. De feito, més d'o 80% d'as espezies animals son enclusos en o filo Arthropoda. Dibersos filos continen de raso d'entre una e bels (poquez) zentenars d'espezies, e son prauticament desconexitos ta ro gran publico.
[editar] Rans d'organizazión
Igual que pasa con altras categorías taxonomicas d'es sers bibos, dato que bi ha una nezesidat de clasifica-los con a maxima fidelidat ent'a suya filochenia, mutos filos s'agrupan en superfilos e dimpués es taxons inferiors pueden-se beier agrupados en sozfilos.
Rans de clasificazión, de mé cheneral ent'o més concreto.
| Rans de clasificazión |  Exemplo |
|---|---|
| Reino | Animalia |
| Infrarreino | |
| Superfilo | |
| Filo | Arthropoda |
| Sozfilo Infrafilo |
Chelicerata |
| Superclase | |
| Clase | Arachnida |
