Gúdar-Chabalambre

Iste articlo ye sobre a comarca de Gúdar-Chabalambre. Ta atros emplegos se veiga Chabalambre.

Gúdar-Chabalambre
Comarca d'Aragón
Vacas amán de Val de Linars
Capital  •Municipios	Mora de Rubielos 24
Entidat  •País  •Provincia	Comarca  Aragón Teruel
Superficie  •Total	2.351,6 km²
Población  •Total  •Densidat	7.892 hab. 3,35 hab./km²
Mapa de situación en Aragón
Pachina oficial

Gúdar-Chabalambre ye una comarca d'a provincia de Teruel, Aragón, Espanya. Situada a lo sud d'a provincia y mugan con Castellón. Actualment tien más de 7000 habitants troxaus en 24 municipios. A suya capital ye Mora de Rubielos y o suyo actual president ye Manuel Lazáro, d'o PAR, qui ye tamién l'alcalde de Manzanera.

• Capital: Mora de Rubielos
• Superficie: 2.351,6 km²
• Población: 7.892 habitants

Ista comarca ye trescruzada por a N-234 (que actualment ye estando transformada en autovía), que une Valencia con o norte, arredol d'ista carretera se vertebran as comunicacións d'a comarca. Paralela a ella transcorre a vía d'o tren y a vía verda, un carrerón toristico por o puesto que pasaba l'antigo tren menero de Uellos Negros. Entre os suyos servicios destacan as suyas dos estacións d'esquí: Valdelinars y Chabalambre. Ye una comarca que vive d'o torismo mientres toda l'anyada, en hibierno por istas dos estacions y en estiu por o torismo termal y d'interior. Existen municipios molimentals como Rubiuelos de Mora, Mora de Rubielos u Manzanera, tamién bi ha quantos balniarios, zonas d'acampada, puestos t'a practica de muitos esportes, ecetra... O torismo d'a comarca viene principalment d'a Comunidat Valenciana.

A comarca ye dividida por o río Millars en dos sierras, a sierra de Chabalambre y a sierra de Gúdar, con alturas maximas de 2020 y 2024 metros respectivament. Dende o punto de vista medioambiental as dos poseyen zonas con una impotant biodiversidat y proporcionan augua a la compleganza d'o Millars y o Guadalaviar.

Se veiga tamién

• Lista de molimentos de Gúdar-Chabalambre.