Tano
Os tanos son os puntos d'o trallo d'as plantas superiors per a on que creixen as fuellas, y en as plantas superiors lenyosas tamién ye par a on se forman as brancas y posteriors ramas. Per dintro, a organización d'os teixitos ye diferent d'o segmento d'entre tanos, perque ye en o tano a on que s'ha de formar a conexión d'entre lo sistema vascular y la fuella, branca u rama que be seiga creixita.
Ixa destribución diferent d'os teixitos se traduz en l'aparición de formas carateristicas en a madera que se n'estrai. Ixas tacas formatas tamién prenen o nombre de tanos. Una madera u trallo con muitos tanos diz que ye tanudo/a.
Tamién se dicen tanos as formas tumorals que amaneixen en o trallo lenyoso de qualques especies quan, partindo d'un tano propiament dito, lo creiximiento se torna irregular y se fan formas tumorals en a superficie.
-
Tano en a madera
-
100 1685.jpg
Tano d'una rama morta
-
Sección en a madera d'un tano tumoral.
