Mondot

De Biquipedia
Ir ta: navego, busca
Mondot
Localidat d'Aragón
277.Mondot.JPG
Hibierno en Mondot.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
l'Aínsa-Sobrarbe
Población
 • Total

6 hab. (2013)
Altaria 647 m.
Distancia
 • 81 km
 • 30 km

enta Uesca
enta l'Aínsa
Codigo postal 22394
Fiestas 10 d'aviento
Patrons Sant Chuaquín
Parroquial
 • Diocesi
 •Arciprestato

Uesca
Semontano y Sobrarbe
Ríos Susía
Mondot en Aragón
Mondot
Mondot
Situación Mondot en Aragón

Mondot (pronunciau /mon'dod/~/mun'dod/[1]) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. A suya población ye de 6 habitants (2013).[2]

Ye una aldeya historica de o Elsón, localidat con un castiello de a que dependeba dende a Edat Meya. En chunto con o Elsón y con Chabierre d'o Elsón formaba un municipio, de nombre o Elsón, dende a constitución d'os primers achuntamientos modernos en 1834 dica l'absorción d'os tres nuclios en o municipio d'Alto Sobrarbe, en a decada de 1960.[3]

Cheografía[editar | editar código]

Mondot se troba en a parte altera de a valle d'o Susía, en o extremo sud d'a comarca de Sobrarbe, en o sector que se conoix como o Viello Sobrarbe.

En a suya posición, fa parte de a compleguera d'o barranco de Sant Chils, afluent directo de o Susía. Se troba en una zona de relieve relativament suave, anque debaixo de as garras d'a sierra de Sant Benedet, y chusto por dezaga de o lugar, cara ta l'ueste, a cota remonta bell poquet a poquet hasta coronar l'auguabatient que desparte a cuenca hidrica de o Susía con a d'o Vero, que ye representada por ista parte en l'altiplano d'Arcusa.

Con automobil, ye accesible por l'esbarro que naixe a debant d'o Mesón de Ligüerre, en a carretera autonomica A-138 (Balbastro-l'Aínsa), y que se torna una pista asfaltada que recorre a valleta d'o río Susía t'alto. En iste sentiu, cal pasar de largo Lamata, Chabierre y o Elsón, y solo aproximadament a 2,3 km de o Elsón amaneix Mondot. Por a contra, y como que a pista arriba a achuntar-se con a comarcal A-2205 (a carretera d'o Viello Sobrarbe) en a plana d'Arcusa, tamién ye accesible si se toma en sentiu descendent en o cruce con a dita carretera; p. ex. si se pilla ista vía dende Arcusa.

Historia[editar | editar código]

I ha mencions a Mondot en os documentos historicos dende o sieglo XII,[4] anque no se i conserva garra restas de fortificacions nian garra construcción tan antiga como ixo.

En os documentos mas recients, Mondot amaneix siempre asociau con o Elsón, en grau d'aldea u población menor y pendedera d'aquell atro lugar. Dende o sieglo XVI as casas mas fuertes de Mondot comparten con as d'o Elsón y as casas infanzonas de Chabierre l'administración d'os quatro molins[5] que d'entre as tres localidatz teneban en o río, y s'asocian como concello.

En o sieglo XIX formaban achuntamiento de conchunta, integrando-se en un municipio moderno, que naix en 1834, y que se diciba o Elsón.[4] O municipio desapareixió en 1969, en fusionar-se con Arcusa, Santa María de Buil y Sasa de Surta ta formar o nuevo municipio d'Alto Sobrarbe. Alto Sobrarbe conoixió una existencia de solo que 12 anyos, y remató fusionau con o municipio de l'Aínsa ta formar l'actual termino de l'Aínsa-Sobrarbe en 1981.

Despoblación[editar | editar código]

Mondot ye una población que sufrió una firme despoblación por a suya situación d'isolamiento, en a segunda metat d'o sieglo XX, gosando quedar vueda y tot en a partir de 1976.[4] Anfortunadament, ixa situación s'ha revertiu parcialment en as zaguer dos decadas, pus bells vicinos que en marchón i son tornaus.

No teneba carretera dica 1950, quan os propios vicins en fizon una a vecinal[4] que metese a pedanía en comunicación con o Elsón. A vía yera prou precaria y se mantenió en ixe estau dica la decada de 1990, quan fue re-acondicionada por l'Administración.[4] Actualment, ye perfectament accesible con vehiclos de turismo convencionals. A electricidat i gosó arribar en 1975.[4]

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 5 5 5
2003 2004 2005 2006 2007 2008 2009 2010 2011
3 3 3 3 2 2 3 3 3
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Toponimia[editar | editar código]

Mondot ye un toponimo d'orichens latinas: <MONS, MONTIS, que significa «monte».[6][1] Manimenos, a presencia d'a terminación -ot en o nombre podría sucherir una orichen no estrictament romance.

Seguntes Ch. Tomás, ye poco probable que ista terminación -ot dimane d'a desinencia latina -OTTU[1], que ye a que ha dau a mayoría de terminacions augmentativas/peyorativas en -ot que existe en aragonés actual. Por cuentas d'ixo, tanto iste autor como l'investigador Manuel Benito Moliner coinciden en considerar que a terminación -ot puede estar d'herencio prerromano, especialment porque existe unatro toponimo muit semellant en a valle de Vio, o Mondoto, que totz os autors coinciden en clasificar como prerromán.[1]

Si isto ye cierto, a terminación -ot en Mondot podría estar mas proxima a las que se troba en belatros toponimos prerromans, como Oto u Broto, a on que a forma analoga d'ista terminación indica «alto»[1] (Broto <Berg + oto,[1] «montanya alta»; y por tanto podría estar que Mondot <*MONTE + oto, «tozal altero», «mont altero»).

Fiestas[editar | editar código]

Referencias[editar | editar código]

Vinclos externos[editar | editar código]


Lugars d'o municipio de l'Aínsa-Sobrarbe
L'Aínsa | l'Arcusa | Arro | Bagüeste | Banastón | As Bellostas | Buil | Bruello | Camporretuno | A Capana | Castellaz | Castillón de Sobrarbe | Chabierre d'o Elsón | Cherbe | Coroniellas | O Coscollar | Cosculluela de Sobrarbe | O Elsón | La Escapa | Frontinyán | Gabardiella | Griébal | Guaso | A Lecina | Liners | Mesón de Cosculluela | Mondot | Moriello de Tou | A Pardina | Pauls de Sasa | Pelegrín | Plampalacios | Puivalleta | La Ripa | Os Rials | O Sarrastanyo | Sarratiars | Sarratiello | O Sarrato | Sasa de Surta | A Torre | A Torriciella | Tou | Usana