Papo

De Biquipedia
Ir ta: navego, busca
Ista pachina tracta sobre o papo como parte anatomica de bellas especies animals. Ta la deformación patolochica causata per a hipertrofia d'a glandula tiroides en os humans, se veiga Papo (patolochía).
Un pichón de paloma con o papo de color blanca.

O papo ye una bolsa mimbranosa en o esofago de bells animals, superior a lo estomago en a suya posición, que con a suya capabilidat ta ixamplar-se permit que se i magaceme l'alimento d'antes no se lo faiga pasar ta o estomago en do se dichiere. En as aus, o papo cumple a función de magacemar l'alimento dando-le humedat y estovando-lo como forma ta preparar-lo ta la dichestión estomacal posterior.

En aragonés, o termín papo, anque propiament designa ista cambra alta en o tubo dichestivo de bells animals (especialment, en as aus), tamién per extensión s'emplega con freqüencia ta nombrar a rechión anatomica externa d'o cuerpo en a que se troba, refirendo la zona toracica superior que se gosa comprender d'entre os lemites d'o cuello per a part superior y lo peito per la inferior. En aragonés, a demás, o termín papo tamién ha gosau dar diferents expresions que s'aplican de forma informal en as presonas, como o verbo «empapar» que significa minchar muito u con avideza, u «fer-se papo» que fa referencia a o exceso d'argüello d'una presona.

Se veiga tamién[editar | editar código]