Simient

De Biquipedia
Ir ta: navego, busca
Simient de chodiga.

La simient ye la estructura con la que se consigue la reproducción y propagación de las plantas espermatofitas. La simient ye lo resultato de la fecundación y maturación de l'ovulo d'una chimnosperma u d'una anchiosperma. Una simient contién un embrión que se desembolicará esdevenindo una nueva planta si se dan unas condicions adequatas. Pero tamién contién una fuent de nutrients almacenatos y ye embolicatos con una cubiertas protectora.

Estructura[editar | editar código]

Partz d'una simient d'aguacat.

L'alimento almacenato encomienza como un teixito fino y delgato dito endospermo que ye provisto por la planta prochenitora y puet estar rico en aceite u amelón y en proteínas. En bellas especies, o embrión se alocha en l'endospermo, que la simient emplegará pa la cherminación. En atros, l'endospermo ye absorbito por l'embrión mientres que lo zaguer creixe dentro de la simient que se desembolica, y los cotiledons de l'embrión se plenan de l'alimento almacenato. En l'envero, las simients d'estas especies no tienen ya endospermo. Bellas simients de plantas comuns que no tienen endospermo son las fabas, bisaltos, carbazas, chirasols, y rabanetas. Las simients de plantas con endospermo incluyen totas las coniferas, la mayor part de los monocotiledonias, las hierbas, tals como la panicera y lo coco.

La envoltura de la simient se desembolica a partir de cubiertas ditas tegumentos, que orichinalment embolican l'ovulo. En la simient esta envoltura matura puet esdevenir una fina cubierta como en lo cacagüet u bella cosa més sustancial.

Las simients de las anchiospermas quedan contenitas en estructuras secas y carnosas (u en capas de las dos), ditas fruitos. Se diz fruita a l'alimento que representan los fruitos carnosos y dulces. Las simients comestibles que bi ha dentro d'os ruellos u d'as tabiellas d'as legumbres se dicen lulos.

Manimenos la simient de las chimnospermas empecipian lur desembolique despullatas dencima de las bractias de los conos, encara que en lur desembolique las acomapanyan unas escatas que aduyan a la protección y dispersión.

Cherminación[editar | editar código]

Seguntes o tipo de cherminación as simient serán "hipocheas" u "epicheas". En as simients hipocheas os cotiledons no salen a l'exterior y quedan sozterraus, permitindo con as suyas abundants sustancias de reserva que a planta se desembolique dica que apareixen as fuellas y ya se puede fer a fotosintesi. O bisalto ye un eixemplo de simient hipochea. En as simients epicheas os cotiledons salen a lo exterior y fan a fotosintesi tornando-sen verdes, esto facilita o desembolique d'a planta dica que salen as fuellas. A chodiga ye un eixemplo de simient epichea.