Nieu
De Biquipedia
.jpg)
A nieu ye a caíta d'augua en forma de moltetut de chicoz cristals de chelo, ditos flocons de nieu. A causa d'a suya composizión granular, tien un tarabidau suau y fluxo, si no ye atapiada por a presión. Cheneralment a nieu se forma por sublimazión d'o babor d'augua en as capas alteras d'a morfuga, a una temperatura menor de 0 °C. A caíta d'augua en forma de nieu se clama nebazo.
L'alcurrenzia, cantidá y intensidá d'os nebazos depende, entre atros fautors, d' a latitut, l'altaria, a distanzia á lo mar u l'ozián y d'o diya de l'añada.
A nieu tamién se puede fabricar con l'aduya d'os cañons de nieu. Ista tecnica ye emplegada por as estazions d'esquí t'amillorar o estau d'os carrerons cuan a temperatura ye prou baxa pero no caye prou nieu.
[editar] Forma d'os flocons de nieu
Os flocons de nieu tienen formas dibersas, pero d'ordinario siguen tarabidaus exagonals, que reproduzen o tarabidau cristalín d'o chelo ordinario. O enanto de crexida d'o flocón de nieu depende muito d'a temperatura y l'umedá.
