Río Flumen
| Flumen | |
|---|---|
|
|
|
| Estatos | {{{estatos}}} |
| Territorios |  Aragón |
|
|
|
| Longaria | 120,40 km |
| Altaria d'o naixedero | 1.400 m |
| Naixedero | Sierra de Bonés |
| Desembocadura | Río Isuela |
|
|
|
| Superficie d'a cuenca | 1.429,60 km² |
| Cabal meyano | n/d m³/s |
| {{{mapa}}} | |
O río Flumen ye un río aragonés, afluent d'o río Isuela. Tien o suyo naixedero en a sierra de Bonés, a 1.400 metros d'altaria sobre o ran d'a mar. En os zaguers km de presenta un curso prou paralelo con o río Isuela dica desembocar-ie.
Toponimia [editar]
En latín distinguiban entre rivus ("rigachuelo", "arroyo") y flumen/fluvius ("curso important d'augua", "río"), a l'egual que actualment en rumán s'esferencia entre râu y fluviu. En latín hispanico rivus desplazó a flumen, durando més tiempo l'uso de flumen en arias marguinals como l'Alto Aragón. Encara hue en aragonés tensín dicen en sale un flumen dicindo que "en sale muitos". Por atra part a fonetica aragonesa, que conserva o grupo fl- (eixemplo clasico de "flama"), permite que a parabra latina se conserve con menor alteración. En a Comunidat de Calatayú bi ha un lugar dito Flumes.
En a toponimia tradicional local se considera que o río Flumen desemboca en a Isuela, manimenos en os mapas oficials feitos dende as institucions consideran que a Isuela un afluent d'o río Flumen, y dende a confluencia d'os dos consideran que ye río Flumen y no río Isuela.
