Baloncesto

De Biquipedia
Ir ta: navego, busca
Articlo d'os 1000
Logo olimpico d'o baloncesto.
Un triple (Liga LEB 2003-04; CAI Zaragoza - C.B.Granada).

O baloncesto ye un esporte de pilota chugato con as mans entre dos equipes de cinco chugadors, que miran de meter-ie una pilota adintro d'a canasta esfensata por o equipe contrario, con l'obchectivo de conseguir más puntos que l'adversario, tot respectando as reglas d'o chuego. O suyo inventor estió James Naismith, professor d'educación fisica d'a YMCA Training School (huei Sprinfild Colleg) d'Sprinfield, en l'aviento de 1891. [1]

Iste esporte y as suyas competicion son regulatas a nivel internacional por a Federación Internacional de Baloncesto (FIBA) establita en 1932 y que tién a suya seu en amb seu a Chenova, Italia, tién cinco confederacions Europa, America, Asia, Africa y Oceania. En Europa s'encarrega a Confederación Europea de Baloncesto (FIBA Europa), en Espanya a Federación Espanyola de Baloncesto (FEB) y en Aragón a Federación Aragonesa de Baloncesto (FAB).

O baloncesto tamién ye practicato por presonas disminuitas fisica y psiquicament con reglas especificas ta ells, ta as primeras bi ha competicions en cadieras de ruedas, y o chuego y os campionatos son regulatos por a Federación Internacional de Baloncesto en Cadiera de Ruedas (IWBF d'as suyas siglas en anglés).

Historia[editar | editar código]

Cal dicir que bells historiadors atribuyen a os maias l'invención d'o baloncesto, [2] que chugaban un esporte ritual pareixito dito tlachtli.

Pero o chuego moderno tenió o suyo orichen en os Estatos Unitos en l'anyo 1891, inventato por James Naismith,[3] que yera profesor d'educación fisica d'a YMCA Training School (huei Sprinfild Colleg) situata en Springfield (Massachusetts) y a qui s'encarregó que inventara un esporte que se chugase a cubierto por que os hibiernos d'esa parti d'o país yeran muit fríos y no es podeba fer actividat fisica a l'exterior. Mientres o sieglo XX o baloncesto se fizo popular, primerament con l'arribada de melitars americans mientres a Primera Guerra Mundial que popularizó iste esporte en Europa y dimpués por a creyación d'a Federació Internacional de Bàsquet en l'anyo 1932,[4] y a suya inclusión en o programa d'os Chuegos Olimpicos como esporte olimpico dende os Chuegos Olimpicos de 1936 celebratos en Berlín,[5] terminaron de fer-lo popular por tot o mundo.

O baloncesto en Aragón[editar | editar código]

Sembla que en zaguerias d'os anyos 1920 ya bi heba actividat baloncestistica en Zaragoza y concretament en o CN Helios pero no ye gaire claro. Una vegata pasata a guerra civil, en os anyos 1940 bi ha constancia de bells equipes como La Salle, Helios, Iberia y o Cerbuna en Zaragoza y d'a UD Huesca en Huesca.[6]

En a temporata 1958-59 partecipa o primer equipe aragonés en a Liga Espanyola de Baloncesto, o CD Iberia de Zaragoza y en a temporata siguient també puyaría de categoría a sección de baloncesto d'o CN Helios qui chugó nomás una temporata renunciando y a suya plaza fue ocupada por a sección de baloncesto d'o Real Zaragoza.

Equipes de baloncesto importants en Aragón[editar | editar código]

Partito d'o Basket Zaragoza 2002 en o pabillón Prencipe Felipe.

Categoría principal: Equipes de baloncesto d'Aragón.

Marco d'o chuego[editar | editar código]

Pista de Baloncesto.
  • Obchetivo d'o chuego: L'obchetivo d'o chuego ye de ficar una pilota en una cesta colocata a una altura determinata seguntes unas reglas y limitacions establecitas.
  • Pista de Chuego: A pista a es chuga ye un rectanglo de 12-15 metros d'amplaria y de 22-28 de largaria dividito en dos mitats iguals. En o centro d'a linea bi ha un cerculo de 3,6 metros de diametro. Por dencima d'as lineas de fondo a una altaria de 3,05 m y a una profundidat de 1,20 m estan situatas as cestas. Paralela y a 5,80 m d'a linea de fondo bi ha a linea de tiros libres. Bi ha una atra linea semicercular conoixita como linea de 3 puntos que dista 6,75 m d'a canasta.
  • Durada: Un partito seguntes as reglas d'Europa, y as d'a FIBA, ye dividito en quatre partis de 10 minutos cadagún dende a categoría cadete. Un partito tién una durada total de 40 minutos de tiempo real sin de contar, os tiempos muertos, quan a pilota surte fora y atras interrupcions. En categorias de edats inferiors a durada ye proporcional ta l'edat d'os chugadors. En a ligas americanas ye de quatre quarts de 12 minutos a l'NBA y de dos partis de 20 minutos en a NCAA.
  • Equipes:
    • Chugadors: En a pista de chuegos nomás poden chugar 5 chugadors por equipe, y ye a cantidat minima ta prencipiar un partito.
    • Suplents: Puet haber-hi-e dica 7 chugadors suplents con opción ta chugar registratos.
    • Entrenadors: A sobent bi ha dos entrenadors por equipe, un de principal y un atro ta funcions secundarias. En as millors ligas puet haber-hi mes, especialitzats en aspectes d'o chuegos (esfensa, ataque, tactiques entre d'atres.)
  • Arbitros: En a mayor parti d'os partitos dos arbritros son os encarregatos ta dirichir o partito, pero en as ligas mes importants bi ha tres. En categorias inferiors a sobent nomás bi ha un arbitro.
  • Mesa d'anotadors: A mesa d'anotadors y as presonas que la componen son os encarregatos de controlar totas as incidencias d'o partito, puntuació, tiempos muertos, tiempo de chuego y faltas presonals entre d'atras y fa l'acta d'o partito.

Principals reglas de chuego[editar | editar código]

Infraccions[editar | editar código]

  • Pasos: Ye una infracción que ye relacionata con o bote d'a pilota y l'avance de la presona que la porta. Dimpués de botar a pilota y agafar-la no es poden donar mas de dos pasos sin soltar-la bien ta pasar-la o tirar a canasta. Tamién puet fer-se ista infracción donan un paso antís de botar a pilota.
  • Doples: Ista infracción es fa quan un chugador bota a pilota con as dos mans, si bota agafa la pilota y la torna a botar sin que garra presona la toque antis y quan un chugador salta con a pilota agafada y torna a o suelo sin pasar, tirar u soltar a pilota.
  • Campo atrás: L'equipe que ataca una vegata trescruza a linea d'o meyo campo con a pilota no puet tornar a pilota a suyo campo.
  • Faltas:
    • Falta presonal: quan un chugador contacta con cualsiquier parti d'o suyo cuerpo con un adversario y li causa una desventacha o ye beneficiato. Ista acción puet estar feta en ataque o en esfensa y estará penalizata con una falta presonal y a pilota ta l'atro equipe, quan un chugador arriba a cinco faltas será eliminato y no chugará mas en o partito, en a NBA 6 faltas.
    • Falta antiesportiva:
    • Falta tecnica: Ye una infracción que penaliza o comportamiento indebito d'un chugador, entrenador o tecnico en un partito de baloncesto. L'equipe contrario podrá fer un tiro libre y continuar con a posesión d'a pilota dimpués chungando-la dende a linea de banda.
    • Falta descalificante:
  • Pietz: Un chugador no puet tocar a pilota con os pietz aconsiguiendo una ventacha, ista acción estará penalizata con a posesión de pilota ta l'equipe contrario.
  • Zona:

Competicions de baloncesto[editar | editar código]

Categoría principal: Competicions de baloncesto.

Campionatos de seleccións[editar | editar código]

Campionatos de clubs[editar | editar código]

  • A NBA (En anglés: National Basketball Associaton) ye una liga profesional de baloncesto d'os Estatos Unidos y, seguntes bells especialistas, a millor liga d'o mundo.
  • L'ACB, ye a primera división d'a liga de baloncesto profesional d'Espanya.
  • Hellenic Basketball.

Vinclos externos[editar | editar código]

Referencias[editar | editar código]