Clima

Anviesta d'as celas de convección atmosferica, motor d'o clima.

Os climas d'o mundo.

O clima ye o conchunto d'as valors promeyas d'as condicions atmosfericas que caracterizan una rechión. Estas valors promeyas s'obtienen con a recopilación d'a información metereolochica en un periodo de tiempo prou luengo. Seguntes se refiera a o mundo, a una zona u rechión, u a una localidat concreta se parla de clima global, zonal, rechional u local (microclima), respectivament.

Clima y orache

A diferencia fundamental entre os dos conceptos radica en a escala de tiempo. Mientres l'orache mos parla d'o estato d'as variables atmosfericas, d'un determinato puesto, en un inte determinato, o clima informa sobre ixas variables, promeyo, en ixe mesmo puesto, pero en un periodo muito mes luengo, por un regular 30 anyatas.