Lucio Cornel Sila
Lucio Cornel Sila Felis (en latín Lucius Cornelius Sulla Felix) estió un politico y melitar d'o periodo republicán tardán y perteneixió a lo partito d'os optimates. Estió cónsul entre os años 88 aC e 80 aC y dictador entre os anyos 81 aC e 80 aC.
Destacó en a Guerra Chugurtina, en a Guerra contra os cimbrios y teutons y en a Guerra Social. Cayo Mario prebó de prener-li o control d'o exercito que heba de combatir contra Mitrídates VI de Ponto y Sila habió de marchar enta Roma y restaurar l'orden por a fuerza d'as armas, sentando un precedent: estió a primera vegata que un exercito román prenió a propia ciudat.
Dimpués d'a victoria contra Mitríades VI y contra os suyos ribals politicos en Italia se proclamó dictador. Continó luitando contra Sertorio, que resistiba en Hispania con aduya indichena, especialment celtibera.
