Mustela nivalis
De Biquipedia
Este articlo ye escrito con un estilo, grafía, u soluzions idiomaticas (no dialeutals) que no se fan guaire con o contenito cheneral de Biquipedia, e per ixo un usuario capable el ye adotato esprés ta adobar-le ixas formas e reformular-lo, e la fayena de rebisión se troba encara en prozeso.
Ye posible que, per ixo, bi aiga lagunas de contenito u defizienzias de formato. Per fabor, d'antes que no te metas á fer-ie correzions mayors u reescrituras, contauta con él en a suya pachina d'usuario u la pachina de descusión de l'articlo ta poder-ne coordinar a redazión. Per ixe motibo, tampoco no ye guaire recomendable que, en estando l'articlo en fase de reforma, ne prengas garra espresión u soluzión lesica ta enriquir o tuyo bocabulario personal, u que las reproduzcas en altras pachinas de Biquipedia.
| Paniquesa | ||||||||||||||||
|---|---|---|---|---|---|---|---|---|---|---|---|---|---|---|---|---|
.jpg) Paniquesa (Mustela nivalis) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Mustela nivalis | ||||||||||||||||
| Linnaeus, 1758 |
A mustela u paniquesa, mal dita cualques begadas rata paniquesa (Mustela nivalis (L., 1758)) ye un chicot mamifero carniboro d'a familia d'os mustelidos. Son os miembros més chicolons d'a familia Mustelidae, e de feito, os carniboros més chicoz d'os cuals sen sabe.
As paniquesas se troban dende lo norte d'Europa, Asia e America d'o Norte (treito d'Irlanda, Islandia e l'este de Canadá), dica lo norte d'Africa. También ha estato introduzida en Nueba Zelanda. O suyo habitat més abitual ye en os arredols de granchas, campos de labranza e matullars.
Tien una forma corporal fineta, con coda lierga e garras curtas que le permeten d'adintrar-se en os cados d'as suyas presas. As paniquesas tienen muita fama d'animals zeriners perque enristen bestias muito més grans que no ellas, como per exemplo os coniellos e las liebres. En muitos puestos d'Aragón bi ha la creyenzia que estes animals muesan a gorga d'as suyas presas només que ta xurber-ne la sangre, u que cuan son á dintro d'un galliner, fan muitas més mortaleras que no les ne caldría, només per bela suerte de plazer. De totas trazas, quelcosa que sen sabe d'as paniquesas ye que son esepzionalment fuertas, achils e furas ta la suya mida tan chicolona, de només 20 u 22 cm de lonchitut, dica lo punto que popularment s'ha preso lo suyo nombre ta referir-se también ta las personas (ombres, e sobre tot, mullers) que sigan inquietas, mezquinas e de garra confiar.
En atros paises d'o mundo bi ha también expresions parellanas; per exemplo, os natius Inuit de Canadá consideran que encalzar una paniquesa ye siñal de buena suerte, e á més, a persona que l'atrapó abrá més exitos en a caza. Y astí en a propia Europa, en a Edat Meya, os filosofos pensaban que só que este animal podeba matar o Basilisco, una creyatura mitolochica de poders sobrenaturals, anque la paniquesa moriría también en o combate.
.jpg) Dos paniquesas, barallando-se. |
 Una paniquesa alzata. |
