Borrés

Iste articlo ye sobre un lugar d'a Chacetania. Ta o municipio leyonés se veiga Borrés (Leyón)

Borrés
Localidat d'Aragón
Penya Uruel dende Borrés
Entidat  • País  • Provincia  • Comarca  • Municipio	Lugar Aragón  Uesca Alto Galligo Samianigo
Población  • Total	17 hab. (2008)
Altaria	909 m.
Distancia  • 5 km	enta Samianigo
Chentilicio	borresano
Parroquial  • Diocesi  •Arciprestato	Chaca Samianigo

Borrés ye un lugar aragonés d'a provincia de Uesca situato a Val Ancha dentro d'o municipio de Samianigo, en a comarca de l'Alto Galligo. Se troba en a solana d'a val Ancha entre Larrés y Espuendolas a una distancia de bells 5 km de Samianigo, a capital d'o suyo municipio.

A suya población ye de 17 habitants (2008).

O lugar ye formato por una carrera a o canto d'a quala i son as casas. A carrera remata en a plaza d'a ilesia y as bordas se sitúan en o cobalto d'o lugar. Entre a suya arquitectura popular destacan eixemplos como as portaladas de casa Galindo y casa Rabal u as finestras de La Casona, edificio que hue ye un pallar. A suya ilesia, adedicata a l'Asumpción d'a Virchen, se construyó entre os sieglos XVII y XVIII, tien una nau rectangular y vuelta de lunetos.

Por atra parti o molimento más intresant de Borrés ye o crucero situato en a dentrata a lo lugar.

Yera sobrecullita de Chaca y dimpués vereda y correchimiento, formó concello propio y dende 1485 chunto con Cartirana. Apareixe decumentato en 1610 como propiedat de Pedro de Urriés, pero d'antis más en o sieglo XIII perteneixeba a lo bispato de Chaca.

A la fin d'o sieglo XV teneba 12 fuegos y a metat d'o sieglo XIX encara b'heban 6 os fogaches y 24 os habitants.

Bibliografía

• Zapater, Alfonso: Aragón pueblo a pueblo, 4. Mainer Til Editores, S.L. ISBN 84-89122-03-2.