Carnivorismo

De Biquipedia
Ir ta: navego, busca
O termino carnivoro reendreza ta iste articlo. Ta la orden d'animals mamiferos que tienen dients carniceras se veiga Carnivora.
Un lión (Panthera leo) y o suyo cadiello consumen a carne d'un brúfol africano (Syncerus caffer).

O carnivorismo (d'o latín <CARNE, «carne», y <VORARE, «devorar») ye una forma d'alimentación animal que consiste en a obtención d'os nutrients que cal ta subsistir a partir d'os teixíus d'altros animals, sigan vertebraus u invertebraus, en praticando sobre ixes a depredación u a necrofachia. De os organismos que obtienen os suyos nutrients con o carnivorismo se'n diz «carnivoros». Os organismos que penden en a totalidat d'o consumo de teixíus d'otri ta alimentar-se se consideran «carnivoros obligaus». Ante parte, existen muitas especies que alternan a inchesta de teixíus animals con altros que dimanan de vechetals y prenen o nombre d'«omnivoros», anque no s'ha puesto consensuar garra ratio de consumo d'uns y d'altros produeitos como ta destinguir de forma clara un omnivoro contra un «carnivoro facultativo», que ye lo quin, en minchando carne como base d'a suya dieta, tamién ye capable d'incorporar-ie produeitos vechetals.

Se veiga tamién[editar | editar código]