Boca

De Biquipedia
Ir ta: navego, busca
Tallo sachital d'a boca
Boca humana

A boca, tamién conoixita como cavidat bucal u cavidat oral, ye o forato por a on os animals minchan os alimentos. Por un regular ye situata en o tozuelo y constituye a primera parti d'o sistema y tubo dichestivo. A boca s'ubre a un espacio previo a la farinche dito cavidat oral u cavidat bucal.

A boca humana ye cubierta por un labio superior y unatro inferior, y desembolica funcions importants en quantas actividatz como o luengache y as exprisions facials, como a riseta.

A boca ye un gran indicador d'a salut d'o individuo. A mucosa, por eixemplo, se puet veyer más clara, palida u con tacas blancas, indicador de proliferacions epitelials.

Podemos distingir tres tipos de mucosa:

  • Simpla de revestimento: Presenta mucosa.
  • Masticatoria: Con probable ausencia de submucosa, queratinizata u paraqueratinizata y en contacto dreito con o teixito osio.
  • Especializata: Se presenta en bellas rechions d'a luenga. Se refiere a la mucosa relacionata con os receptors d'o gusto.

Funcions d'a boca[editar | editar código]

  • Mastegar: Gracias a os movimientos d'a variella y d'a presión d'os dients se produce iste tractamiento mecanico que degrada alimentos.
  • Salivar: Gracias a la desembocadura d'os conductos d'es glandulas salivals, se produce o primer suco dichestivo (saliva), que realiza una degradación quimica d'os alimentos. En o caso d'os carbohidratos lo fa a traviés de l'amilasa salival, que s'encarga de destruir os enlaces alfa-1,4 que son presents en os polisacaridos, y dimpués continan degradando-se a ran intestinal.
  • Sentito d'o gusto: En a boca se troban os receptors sensorials d'o gusto, más que más en a luenga, ditos papilas gustativas.
  • Parla: En a boca trobamos gran parti d'as estructuras que modifican o sonito larinchico y producen a voz articulata gracias a las suyas cavidatz especials.
  • Deglución: Se divide en dos partis:
    • Fase voluntaria: A luenga puya dica o teito d'a cavidat bucal, empentando o bolo alimentario ta que dentre en a farinche.
    • Fase involuntaria: A epiglotis se mueve entazaga y zarra o forato superior d'a larinche. Como causa d'iste acto reflexo, a farinche queda convertita nomás en una vía dichestiva transitoria, impedindo asinas o ingreso d'alimentos en a vía aeria (traquia).

Partis d'a cavidat oral[editar | editar código]

A boca se puet considerar una cambra con seis paretz:

  • Paret anterior: Ye formata por os labios.
  • Paretz laterals: Son formatas por os caixos.
  • Paret inferior: Formata en gran mida por a luenga y por debaixo d'ista una rechión dita sulero d'a boca.
  • Paret superior: Formata por o paladar.
  • Paret posterior: Ye realment un forato irregular que comunica a boca con a farinche.

Os anexos d'a boca son os dients, as chenivas y as amigdalas.

A boca en a cultura[editar | editar código]

A boca s'usa como significato u simbolo d'a parla, d'a luenga. Por iste motivo bi ha a-saber-las bocas que son oraclos, como a Boca d'a Verdat en Roma, por eixemplo. Una boca tachata ye un dibuixo que significa a censura.

A parti que se mira de realzar ta transmitir polideza son os labios, que por iste motivo se pintan y s'adornan con choyas, más que más entre as mullers.

A diosa romana Fama teneba centenars de uellos ta veyer que feba a chent y centenars de bocas ta escampar-lo, emplegando os poetas como intermediarios. A boca con a luenga difuera ye tamién o logotipo d'os Rolling Stones.

Vinclos externos[editar | editar código]


 
Partis d'o cuerpo humán
Tozuelo Boca (Labio · Luenga · Dient) · Caixo · Cara · Cranio · Frent · Mentón · Naso · Orella · Pulso · Uello (Cella · Parpiello · Pestanya) · Variella
Cuello Foyeta · Garganchón
Tronco Abdomen · Anca · Ano · Cul · Esquena · Huembro · Peito · Renera · Melico · Tórax

Aparato reproductor masculín (Escroto · Pene · Testiclo) · Aparato reproductor femenín (Clitoris · Vachina · Vulva)

Estremidatz Abantbrazo · Ancón · Brazo · Caniella · Man · Maniquiello · Dido (Anular · Cordial · Currín · Endice · Ungla · Pulgar)
Garra · Cuixa · Chenullo · Calcanyar · Clavillar · Piet
Piel Barba · Mostaixa · Cameretas · Pelo · Zoqueta