Idioma albanés

Albanés Shqip
Atras denominacions:	{{{altrasdenominazions}}}
Parlato en:	Albania, Serbia (Kosovo), Montenegro, Republica de Macedonia, Grecia, Turquía, Italia y per la diaspora ta altros países.
Territorios:	{{{territorios}}}
Parladors:	6.169.000 (Ethnologue, 2000)
Clasificación:	{{{clasificazión}}}
Filiación:	Indoeuropea     Albanés
Estatus oficial
Luenga oficial en:	Albania Kosovo Altras partes de Serbia, Montenegro y la Republica de Macedonia
Regulato per:	sin regulación oficial
Codigos
ISO 639-1	sq
ISO 639-2	alb (B) / sqi (T)
ISO 639-3	{{{iso3}}}
SIL	quantos
Estensión d'o Albanés

L'albanés (gjuha shqipe) ye un idioma fablato per més de 6 millons de presonas, principalment a Albania, Serbia con Kosovo, Grecia, Montenegro y la Republica de Macedonia, pero tamién a belaltras partes de los Balcans y en as costas orientals d'a peninsula italica y Sicilia. Igualment lo fabla buena cosa de la chent de la diaspora ta Escandinavia, Alemanya, Reino Unito, Italia, Turquía, Echipto, Australia y Estatos Unitos.

Filiación lingüistica

L'albanés forma la suya propia branca de lo filo indoeuropeu. La suya filiación ta iste filo la contrimostró lo filologo alemán Franz Bopp en 1854. Lo idioma no conserva garra parient amanato, encara que existen muitos dialectos de l'albanés, beluns prou distants entre ells. No bi ha un consenso claro sobre lo suyo orichen. Bells estudiosos sustienen que deriva de lo idioma ilirio, bells altros dicen que de lo tracio u de lo daco (posiblement estasen idiomas amanatos). Lo problema, a ormino cargato d'embrecacions politicas, ye ubierto dende la perspectiva lingüistica.

L'albanés acomparato con altros idiomas indoeuropeus

Albanés	muaj	i ri	nënë	motër	natë	hundë	tre	i zi / y zezë	i kuq	i verdhë	i blertë / i gjelbër	ujk
Altros idiomas indoeuropeus
Aragonés	mes	nuevo	mai	chirmana	nueit	naso	tres	negro	royo	amariello	verde	lupo
Anglés	month	new	mother	sister	night	nose	three	black	red	yellow	green	wolf
Latín	mēnsis	novus	māter	soror	nox	nasus	trēs	āter, niger	ruber	flāvus, gilvus	viridis	lupus
Italiano	mese	nuovo	madre	sorella	notte	naso	tre	nero	rosso	giallo	verde	lupo
Alemán	Monat	neu	Mutter	Schwester	Nacht	Nase	drei	schwarz	rot	gelb	grün	Wolf
Portugués	mês	novo	mãe	irmã	noite	nariz	três	preto	vermelho	amarelo	verde	lobo
Espanyol	mes	nuevo	madre	hermana	noche	nariz	tres	negro	rojo	amarillo	verde	lobo
Rumán	luna	nou/noi	mamă	soră	noapte	nas	trei	negru	roşu	galben	verde	lup
Galés	mis	newydd	mam	chwaer	nos	trwyn	tri	du (/di/)	coch, rhudd	melyn	gwyrdd, glas	blaidd
Polaco	miesiąc	nowy	matka	siostra	noc	nos	trzy	czarny	czerwony	żółty	zielony	wilk
Letón	mēnesis	jauns	māte	māsa	nakts	deguns	trīs	melns	sarkans	dzeltens	zaļš	vilks
Lituán	mėnuo	naujas	motina	sesuo	naktis	nosis	trys	juoda	raudona	geltona	žalias	vilkas
Bulgaro	месец mesets	нов nov	майка maika	сестра sestra	нощ nosht	нос nos	три tri	черен cheren	червен cherven	жълт zhălt	зелен zelen	вълк vălk
Ruso	месяц mesyats	новый noviy	мать mat'	сестра sestra	ночь noch	нос nos	три tri	чёрный chornyi	красный krasnyi	жёлтый zholtyi	зелёный zelyonyi	волк volk

• Nota: Fueras de kuq, verdhë y gjelbër, la resta de vocables albaneses provienen dreitament de lo protoindoeuropeu. L'albanés motër, cognato con a radiz indoeuropea ta "mai", ye unico per haber mudato lo significato ta lo de "chirmana".

Estructura de la luenga

Fonolochía y grafía

L'albanés conta con 7 vocals y 29 consonants. La variedat guega tien una serie de vocals nasals que no existen en a toska. Un altra particularidat ye la vocal meya central "ë", redueita a fin de parola. L'acento recaye quasi siempre en a penultima silaba.

L'albanés ye estato escrito con diferents alfabetos dende lo sieglo XV. En primeras, lo dialecto tosko s'escribió con l'alfabeto griego y lo guego con l'alfabeto latín. Tamién s'han escrito las dos variedatz con la versión turca otomana de lo alfabeto arabe, con l'alfabeto zirilico y con bells alfabetos locals.

En l'actualidat, l'alfabeto albanés moderno ye basato en l'alfabeto latín, adhibindo-ye las letras ë y ç, devez que nueu digrafos. S'estandarizó en 1909.

Lexico

Lo lexico de l'albanés ye estato influito a lo largo de la historia per totz es idiomas que l'arredolaban. Se creye que l'antigo griego y lo latín de los Balcans i exercioron una gran influencia, asinas como, posteriorment, las luengas eslavas, sobretot la bulgara, lo turco (y l'arabe y persa per medio d'ell) y, més recientment, de lo griego moderno. A tamas de totas ixas influencias, l'albanés ha conservato la suya esencia y contina estando unico como branca propia de lo filo indoeuropeu.

Refirmando l'orichen daco d'a lengua albanesa o lexico d'orichen latín presenta coincidencias con o rumán. Por eixemplo o personache mitolochico zanë albanesa corresponde a la zană en Rumanía y se remontan a la "Diana" latina como as xanes asturianas y lo toponimo ribagorzán fontchanina.

O lexico referent a lo parentesco ye d'orichen dreitament indoeuropeu en as parolas que se refieren a parients agnaticios, pero ye d'orichen latín en as parolas referents a parients cognaticios:

Latín	Albanés	Cognato arrumán	Cognato rumán	Significato en aragonés
AMǏTA	emtë			tía
AVŬNCULUM	ungi		unchiu	tio
CONSOBRINUM	kushrî	cusurin		primo
CONSOCER	krushk		cuscru	paraninfo
COGNATUM	kunat		cumnat	cunyato
PARENTES	prind			prochenitors
FAMĬLIA	fëmi	fămeaie		os fillos, a prole

A l'egual que se desvién con o vasco terminolochía cristiana tamién ye d'orichen latín, asinas como parolas referents a la organización, y actividat intelectual:

Latín	Albanés	Cognato arrumán	Cognato rumán	Significato en aragonés
CIVITATEM	qytet			ciudat
LEGEM	ligje		lege	lei
COGITARE	kujtue			pensar
CONVENTUM	kuvênd		cuvânt ("parola")	reunión, discurso
FABELLA	fjalë			parola

Tamién a l'egual que con as denominacions vascas d'un árbol prou común como o fayo y un fruito comestible común como o figo, que son d'orichen latín, en albanés bi ha denominacions d'animals comuns y alimentos basicos d'orichen latín.

Latín	Albanés	Cognato arrumán	Cognato arrumán	Significato en aragonés
CABALLU(M)	cal		cal	caballo
CANE(M)	qen		câine	can
BŬCCA	bukë		bucată ("piazo")	pan

Tamién bi ha adchectivos calificativos de claro orichen latín y que presentan cognatos en rumán:

Latín	Albanés	Cognato arrumán	Cognato rumán	Significato en aragonés
(IN) ALTUM	naltë		înalt	alto
CURTUS	shkurtë		scurt	curto

Frases cutianas en albanés:

Traducción	Frase	IPA
Me pena, lo siento	më fal	/mə fal/
No entiendo	nuk kuptoj	/nuk kuptoj/
An ye lo escusato?	ku është banjoja?	/ku əʃtə baɲoja/
Cómo te clamas/dices?	Si te quajnë?
Salut (en brindis)	gëzuar	/gəzuar/
Fablas anglés?	flisni Anglisht?	/flisni angliʃt/

Aspectos socioculturals

Territorio de lo idioma albanés

Situación cheografica

L'albanés ye fablato principalment a Albania, Kosovo y la Republica de Macedonia. Tamién per bella chent en altras partes de los Balcans, como Serbia, Montenegro y Grecia. Devez, encara lo charran de traza significativa las comunidatz immigrants ta Alemanya, Belchica, Echipto, Estatos Unitos, Grecia, Italia, Reino Unito, Suecia, la Turquía europea y Ucraína.

Situación social

Charran albanés bells 6 millons d'individuos. Lo idioma, en una forma revisata de la variedat toska, ye la luenga oficial de la Republica d'Albania. Ye tamién un de los idiomas oficials de Kosovo, Montenegro y la Republica de Macedonia.

Variación diatopica

L'albanés tien una gran diversidat dialectal, encara que las suyas parlas s'agrupan principalment en dos variedatz, la guega y la toska. Lo río Shkumbin ye la linia que desepara las dos, fablando-se lo guego a lo N de lo río y lo tosko a lo S.

Lo tosko, l'alazet de l'albanés oficial, se subdibide en numbrosos dialectos. La parla de los arvanitas, a Grecia, ye de las més diberchents.

Diferiencias lexicas destacables entre lo tosko y lo guego

Forma estándar	Forma toska	Forma guega	Traducción
Shqipëri	Shqipëri	Shqypni	Albania
një	një	nji / njo	un
nëntë	nëntë	nândë	nueu
është	është	âsht / â	ye
bëj	bëj	bâj	fer
emër	emër	êmën	nombre
pjekuri	pjekuri	pjekuni	matureza
gjendje	gjëndje	gjêndje	situación
zog	zok	zog	paixaro
mbret	mbret	mret	rei
për të punuar	për të punuar	me punue	treballar
rërë	rërë	rânë	arena
qenë	qënë	kjênë / kânë	estato (part.)
dëllinjë	enjë	bërshê	chinipro
baltë	llum	bâltë	bardo
cimbidh	mashë	danë	tenacetas

( ˆ ) denota una vocal nasal, caracteristica de lo guego.

Literatura

Lo documento més antigo que se'n conserva ye "Formula e Pagëzimit" (formula baptismal), escrito en a variedat guega en 1462, asinas como bells versos de lo Nuevo Testamento d'ixe periodo.

Lo libro imprentato més antigo que se conoix en luenga albanesa ye lo Meshari u misal, escrito per Gjon Buzuku, clerigo catolico de 1555. La primer escuela albanesa l'ubrioron es franciscans en 1638, a Pdhanë.

Ta1635, Frang Bardhi escribiba lo primer diccionario latín-albanés.

Lo poeta més notable de la era otomana estió Naim Frasheri, que vivió a Istambul.

Las introduccions de Fan Noli ta las suyas propias traduccions de Cervantes, Ibsen, Omar Khavam y Shakespeare en ficioron lo principal critico literario de lo periodo d'entre guerras.

Lo escritor albanés contemporanio més conoixito ye Ismail Kadare, naixito en 1935, autor de 15 novelas traducitas ta més de 40 idiomas.

Vinclos externos

• Clases d'albanés con profesor en línia (En anglés)
• Trestallo de l'Ethnologue sobre lo idioma albanés
• Diccionario albanés-anglés anglés-albanés
• Diccionario albanés-espanyol espanyol-albanés