Crovates

De Biquipedia
Ir ta: navego, busca
Crovates
Población total
9 millons (est.)
Rechions con comunidatz importants
Flag of Croatia.svg Croacia 3.977.171
Flag of Bosnia and Herzegovina.svg Bosnia-Herzegovina 659.7180
Idiomas
Crovate
Pueblos relacionatos
Pueblos eslavos

Os crovates son os habitants mayoritarios de Croacia y Herzegovina occidental, y forman minorías en atras zonas de Bosnia-Herzegovina y o Sirmio. Parlan una luenga eslava meridional, o serbocrovata y son catolicos.

Reparto cheografico[editar | editar código]

En Croacia en 1981 os crovates yeran uns 3.455.000 individuos. Fuera de Croacia en 1981 os crovates yeran 758.000 en Bosnia-Herzegovina, 149.000 en Serbia, 56.000 en Eslovenia, se crei que 30000 en Hongría y 26.000 en Austria.

Etnonimo[editar | editar código]

A etimolochía d'o etnomino d'os crovates ye un tema polemico, y li quieren dar un orichen iranio u eslavo. Ye claro que existiba a lo norte d'os Carpatos, (a Croacia blanca, en l'aria de l'actual Cracovia), atra cosa ye si os eslavos que s'establioron en Croacia se deciban crovates por provenir d'ixa zona (beluns no consideran a posibilidat de repetición independient d'etnonimos, que se fan a partir de radices d'una mesma luenga orichinal). En aragonés o etnonimo documentato, en o "Libro d'os Emperadors", pareix preso a traviés d'o, y curiosament conserva a consonant sonora intervocalica como en "lexiba", "coda", "rader", "remugar" y "gredal", d'alcuerdo con a fonetica aragonesa, a diferencia d'atras luengas latinas, on se pierde:

que ha sosmesa toda Burgaria al imperio, e encara otra nación que se clama Crovates e toda la senyoría de Sirmio

Luenga[editar | editar código]

Gnome-searchtool.svg
Ta más detalles, veyer l'articlo idioma crovateveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

De traza oficial fan servir un standard d'o servocrovate diferent a lo de Serbia y Montenegro dito "idioma crovate". Os crovates charran os tres dialectos d'a luenga común serbocrobata, que prenen a suya denominación por como dicen “qué”. O stokavski lo charran los serbios, montenegrins y muitos crovates y bosnians musulmans. Fue esleito como luenga standard por estar común pa totas as nacionalidatz. En o norueste de Croacia se charra o kajkavski y en o sudueste, costa y islas de Dalmacia y en Istria se charra o cakavski.

O standard stokavski que escriben y parlan oficialment os crovates se diferencia d'o estandard que escriben y parlan os serbios en a prenunciación d'una antiga vocal eslava (por eixemplo vreme se prenuncia en stokavski crovate vrijeme). Tamién bi ha esferencias lexicas como krup, ladfca y papir, cheosinonimos de hleb, fioka y hartija (“pan”, “caixón”, “papel” en stokavski serbio).

En a Edat Meya os crovates escribiban en alfabeto glacolitico, introducito a fins d'o sieglo IX pos os disciplos de Cirilo y Metodio, y a muestra més antiga de crovate escrito ye a placa de Baska, de l'anyo 1100 d'alto u baixo, con mezcla d'eslavo eclesiastico y eslavo dialectal. Dende a decada de 1980 bi ha intrés en este alfabeto como senyal de cultura crovate.

En os sieglos XVI y XVII os crovates producioron una luenga escrita con caracters latins y en os dialectos cacavski y kajkavski. En a decada de 1880 se desembolicó un standard crovate basato en o stokavski en os tiempos de promover a unidat cultural d'os eslavos d'o sud. Esta eslección como base d'una luenga común fació que crovates y serbios se comunicasen millor.

Os nacionalistas crovates han lamentato que o stokavski haiga sito esleito como standard porque contribuyó a diluir as diferencias entre serbios y crovates y exposó a los crovates a una serbianización. Dende a decada de 1980 os nacionalistas crovates han prebato de purificar a luenga crovate sacando as parabras que se perciben como foranas, en especial as serbias. Belunas d'as parabras que se preban d'introducir no son neolochismos de tot, son parabras acunyatas en a segunda guerra mundial por o rechimen ustaixa.

Relichión[editar | editar código]

O catolicismo esferencia a los crovates d'atros pueblos eslavos d'os Balcans, no d'os eslovens, pero si d'os de luenga serbocrovata, y ye preso como sinyal d'identidat nacional. En o titismo a relichión catolica fue mal considerata, pero en a decada de 1980 recuperó a suya vitalidat entre os crovates.

Historia[editar | editar código]

Etnochenesi[editar | editar código]

L'arribata d'os crovates a la mar.

Existe a teoría que os primers crovates yeran una tribu alana eslavizata. Bells estritos arabes d'os sieglos IX y X mencionan un país eslavo a lo norte d'os Carpatos dito Jordab u Jravat,[1] que os historiadors situan en l'aria de Cracovia y dicen "Croacia Blanca". Costantín Porfirocheneta afirma que o emperador Heraclio clamó a los crovates pa que s'establisen en as riberas d'o Drava y Sava entre os anyos 630 y 640. Os crovates feban d'etnia-tampón entre o Imperio Bizantín y o Khanato Avaro.

O reino crovate en os Balcans[editar | editar código]

Os crovates yeran establitos en as riberas d'os ríos Drava y Sava en o sieglo VIII. Se diz que estió o emperador Heraclio qui permitió d'establir-se a crovates y serbios a lo sud d'o Danubio pa esfender a muga con os avaros como etnia-tampón. Con vicins tan periglosos como os avaros os crovates aceptoron a protección d'os francos carolinchios, pero se'n independizoron con Trpimir, que entre l'anyo 845 y l'anyo 864 reinó con o títol de Dux Croatorum (a primera mención historica d'o pueblo crovate como tal). Tomislav reinó entre l'anyo 910 y 928 y prenió o títol de Rex Croatorum en 925, títol reconoixito por o Papa, y estió aliato d'o Imperio Bizantín. En l'anyo 927 os crovates vencioron a un exercito invasor bulgaro ninviato por Simeón I.

en aquel tempo ssim(e)on senyor de los burguaros como aquel que non se fartaua de la sangre humana fue contra huna gent clamada trouach(e)s do fue esconfito et p(er)dio la mayor part de su gent por los malos passos et por las montanyas que eran por toda aquella terra et de malas spelluncas.

Os reis de Croacia han de luitar en dos frents cheopoliticos: a lo norte contra os hongaros, que heban plenato en Panonia o vueito de poder creyato dimpués d'a desaparición d'os avaros, y a lo sud primero contra os bizantins y dimpués contra os venecians, que tamién preban de controlar Dalmacia.

En a conversión d'os crovates a lo cristianismo i habió una doble influencia de Roma y de Costantinoble. Os disciplos de Sant Metodio introducioron una liturchia en eslavo antigo, manimenos a influencia catolica remató predominando. En o concilio de Split en 1060 suprimioron a liturchia en eslavo antigo, que manimenos feba goyo a lo pueblo. O catolicismo diferenciará a los crovates d'atros eslavos balcanicos y será una sinyal d'identidat nacional crovata.

En 1089 un rei crovate ye asasinato y a suya vidua yera chirmana d'o rei d'Hongría. O rei d'Hongría s'imposa debant d'atros pretendients a la cadiera reyal y en 1102 o rei Kalman u Koleman consigue un alcuerde con os representants d'as 12 tribus crovates, os Pacta Conventa, con os que a corona de Croacia pasa a lo rei d'Hongría en unión presonal pa cutio, a lo tiempo que os crovates conservan lur autonomía, o suyo ban (gobernador) y una dieta (sabor). Os Pacta Conventa aseguraban a los crovates y dalmatas a conservación de lurs leis, costumbres y privilechios.[2] A muga entre Croacia y Hongría quasi no cambiará dica 1918, o mesmo que a muga con o Sacro Imperio Román-Chermanico. O reino crovate prebará d'estendillar-se por Dalmacia y l'actual Bosnia. Os sobirans hongaros conseguirán sozmeter Bosnia dende o sieglo XII dica meyatos d'o sieglo XIV.

Os otomans rematan de conquerir l'actual Bosnia en 1465, y vencen a los crovates en Krbovsko Polje en 1493. En 1526 os turcos vencen a los hongaros en a batalla de Mohacs y consolidan o suyo dominio sobre Croacia.

Croacia baixo os Habsburgo[editar | editar código]

Dica fins d'o sieglo XVII Croacia ye dividita: Eslavonia y Croacia oriental son ocupatas por os otomans. Atra part de Croacia ye en a dita Hongría Reyal, on dende 1526 reinan os Habsburgo. Venecia conserva a costa dalmata, de fueras d'a Republica de Ragusa (a redolata de Dubrovnik).

En 1683 os otomans son derrotatos en o Sitio de Viena y encomienzan a retacular debant d'os austriacos. En 1699 por o tractato de Karlowitz a Croacia propiament dita y o norte d'Eslavonia deixan d'estar en o Imperio Otomán y pasan a lo Imperio Austriaco. O sud d'Eslavonia pasa a lo Imperio Austriaco en 1718 por o tractato de Passarowitz. En ixos mesmos tiempo Venecia, aligata d'Austria s'anexiona as tierras interiors de Chadra y Split.

Dimpués d'estos tractatos os territorios d'os crovates controlaus por Austria u Venecia son de tot en a muga con a rechión de Bosnia d'o Imperio Otomán. En o que dende ixe inte se conoix como "Bosnia" ye tanto a cuenca d'o río Bosna (actual Bosnia Oriental) como territorios antigament d'os crovates (actual Bosnia Occidental). En Bosnia qualques crovates s'islamizan endevenindo bosnians musulmans. Manimenos os franciscans creyan unas condicions que permiten que continen existindo comuninatz catolicas en qualques zonas con o suyo ret de monesterios, por eixemplo en Posavina, en a Val de Lašva y en Herzegovina occidental.

Os austriacos creyan en os países crovates os confins militars, en 1702 en Eslavonia y en 1737 en a Croacia propiament dita. Bi ha una Croacia militar y una Croacia civil dica 1878, quan se suprime a organización militar d'a zona. Dimpués d'o retacule d'os turcos os musulmans fuyen. A despoblación produeita por as guerras y a emigración de población musulmana se compensa con a inmigración de crovates y tamién de serbios. Una rechión con muita población serbia será conoixita como Krayina.

Entre 1809 y 1813 os países Crovates a lo sud d'o Sava perteneixeban a las Provincias Ilirianas creyatas por Napolión. Bi habrá crovates adeptos d'o ilirismo. En 1815 se torna a la situación anterior, pero Istria y Dalmacia pasan a depender d'Austria.

Croacia en o Imperio Austro-Hongaro[editar | editar código]

En 1848 esclata una revolución en Hongría. Os crovates presentan unas reivindicacions a los austriacos y esleyen como ban a lo coronel Jelacic, d'o exercito austriaco, ban reconoixito por o emperador. Encara que en chunio ye destituito, recupera as funcions en setiembre. Dende ixe inte as tropas crovatas luitan con os austriacos contra os hongaros, dica que os hongaros se rinden en agosto de 1849. Dimpués Croacia y tot o Imperio Austriaco ye baixo a politica reaccionaria de Bach.

O compromís austro-hongaro de 1867 dixa Istria y Dalmacia en Cisleitania (administrata por Viena) y Eslavonia y a Croacia propiament dita en Transleitania, (administrata por Budapest, ye dicir, por os hongaros). Os crovates invocan os Pacta Conventa de 1102 y n'obtienen en noviembre de 1868 un copromís hongaro-crovate. Croacia conserva a suya dieta, o uso d'a luenga, administra de modo autonomo a educación, o culto y a chusticia, pero pa atros afers a dieta crovate nombra diputatos que tienen escanyo en o parlamento hongaro. A ciudat de Fiume ye o solo puerto maritimo de Transleitania y ye unita dreitament a Hongría.

Quan Iván Mazuranic yera ban i heba estabilidat y se creya una universidat en Zagreb en 1874, pero en 1878 as tropas austro-hongaras ocupan Bosnia-Herzegovina y o gobierno hongaro consigue que os Habsburgo supriman os confins melitars, y con ixo os privilechios d'a chent que defendeba a muga, muitos d'ellos serbios. Baixo o ban Khuan-Héderbáry, que yera un mainate hongaro con muitas tierras en Eslavonia bi ha una mala politica con corrupción y prebatinas de maguiarización entre 1883 y 1893. Tot ixo fa que os crovates sigan seducitos por o ilirismo y una unión yugoslava (eslavos d'o sud), ideya encarnata en a presona de Josip Strossmayer, bispe de Diakovo.

Reino de Serbios, Crovates y Eslovens u Primera Yugoslavia[editar | editar código]

Os dirichents politicos crovates participan en o Comité nacional formato mientres a primera guerra mundial en Londres, dimpués en o Consello nacional de Zagreb d'octubre de 1918. O 29 d'octubre de 1918 a dieta proclama a independencia de Croacia y dimpués a unión a lo Reino d'os serbios, crovates y eslovens o 1 d'aviento. A fitación d'as mugas d'o nuevo reino afecta a los crovates.

Por o norte en 1920 Hongría se vei obligata por o tractato de Trianón a ceder o districto de Mur, habitato por Crovates en o sud y una porción de Baranya (a lo sudeste de Pécs).

En o sud Yugoslavia y Italia se disputan Istria y Dalmacia. En 1919 uns voluntarios italians prenen Fiume, y ye declarata ciudat libre. En 1920 o tractato de Rapallo atribuye Chadra, tota Istria y bellas islas d'a redolata a Italia. En 1922 a Italia Faixista ocupa Fiume, feito reconoixito por Yugoslavia en 1924 por l'alcuerdo de Roma.

Si os crovates heban estato adeptos d'o ilirismo, os serbios teneban atra concepción de Yugoslavia. Os nacionalistas serbios consideraban que fendo part Serbia d'o bando vencedor, teneban dreito a gobernar sobre os atros pueblos eslavos de Yugoslavia, que heban estato en o Imperio Austro-Hongaro y no yeran independients. En Bosnia os serbios saqueyan localidatz musulmanas, y muitos musulmans bosniacos fuyen ta Turquía. O centralismo serbio fa que os crovates queden desencantatos con o ilirismo. En 1925 ye engarcholato Stjepan Radic, cabo d'o partito campesín crovate, y ye asesinato en o mesmo Parlamento en 1928. En 1933 o suyo succesor Macek tamién ye engarcholato. Ye o inte que amanix un nacionalismo crovate d'inspiración faixista baixo a dirección de Palevic y que prene o nombre d'ustaixa por os antigos soldatos d'a muga con os otomans. O 9 d'octubre de 1934 os ustaixas asesinan a lo rei Aleixandre de Yugoslavia. Quan se desfa Checoslovaquia os serbios y crovates alcuerdan creyar a Banovina Autonoma de Croacia, y una part de Bosnia con población crovate (Posavina y Herzegovina occidental sobretot) pasa a fer part de Croacia. Macek pasa a fer parte d'o gobierno yugoslavo en 1941.

A Croacia independient en a segunda Guerra Mundial[editar | editar código]

Gnome-searchtool.svg
Ta más detalles, veyer l'articlo Estato Independient de Croaciaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A principios de 1941 Hitler ordena a Yugoslavia que s'adhiba a lo Pacto Tripartito, pensando en atacar Grecia. O rechent Pavlo acepta, pero os nacionalistas serbios se rebelan o 27 de marzo, dimpués Pero II ye proclamato rei, pero o 6 d'abril de 1941 os exercitos hongaros, alemans y italians invaden Yugoslavia, que se rinde o día 17. Yugoslavia ye dividita en zonas, y se creya un estato satelite Crovate gobernato por os ustaixas examplato con Bosnia-Herzegovina y Sirmia, pero que ha tenito que ceder territorios a Hongría y Italia, (zonas de Dalmacia). A presonalidat principal d'o rechimen ustaixa estió Ante Palevic.

As tropas alemanas ocupan o nordeste y as tropas italianas o sudueste. Os ustaixas emprenderán o exterminio de serbios, y tamién de chitans, chodigos (en Sarajevo i heba sefardís), y opositors politicos. Muitos serbios fuoron ninviatos a lo Campo de Concentración de Jasenovac. Con menos medios que os alemans pa fer mortaleras, as trazas d'os ustaixas impresionoron a los mesmos nazis alemans. Mientres os ustaixas exterminan a los serbios, os guerrillers monarquicos serbios (chetniks) exterminan a los musulmans bosnians en as zonas que controlan. Yugoslavos de totas as nacionalidatz, crovates tamién s'aplegan en a formación d'un exercito partisán que defiende yugoslavia plural y que tienen un caudiello crovate, Josip Broz Tito. En 1942 os ustaixas y os partisans luitan en Bosnia. Os partisans son capaces de forachitar a los italians, pero son refusatos por una contraofensiva alemanya, pero en 1943 muitos italians cambían de bando (capitulación italiana) y esto permite a los partisans de tornar a abanzar en liberar a costa dalmata en octubre-noviembre de 1944. Os ustaixas seguiban resistindo encara dimpués d'a rendición d'Alemanya, fendo-lo o 15 de mayo de 1945 en Eslovenia. Ante Palevic recibió asilo diplomatico en a Espanya franquista.

O titismo y a segunda Yugoslavia[editar | editar código]

Gnome-searchtool.svg
Ta más detalles, veyer l'articlo Republica Socialista de Croaciaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En 1946 se constituye a Republica Popular de Croacia, con as rechions historicas de Croacia y Eslavonia, y tamién con territorios tornatos por Hongría y Italia, (Istria y quasi tota Dalmacia, as Bocas de Kotor son ceditas a Montenegro). En o tractato de París de 1947 se formó o territorio libre de Trieste, repartito en 1954. Os franciscans aduyoron a part d'os crovates refuchiaus u exiliaus en países como Espanya.

Dende 1990 Croacia y Eslovenia, con mayor tradición capitalista y con una clase dirichent més enriquita que en Serbia mientres o periodo titista tratan de deixar a Republica Federal Socialista de Yugoslavia. En as eslecions d'abril-mayo de 1990 l'Aliganza Democratica Crovata plega a 2/3 d'os votos. O cheneral Franjo Tudjman ye nombrato president d'a Republica. Os serbios de Croacia no deseyan a independencia de Croacia y se planteyan d'independizar-sen de Croacia si Croacia se fa independient. O gobierno crovate no accepta de dar-lis autonomía.

A guerra d'independencia crovate[editar | editar código]

Gnome-searchtool.svg
Ta más detalles, veyer l'articlo Guerra d'independencia crovateveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O 25 de chunio de 1991 Croacia y Eslovenia proclaman a suya independencia. O gobierno federal yugoslavo refirma a los serbios de Croacia con a presencia d'o exercito federal, que preba de mantener o control de Croacia y dixa que os guerrillers serbios faigan crimens de guerra con total impunidat primero contra os crovates que yeran en minoría en as localidatz de mayoría serbia y dimpués contra os crovates de localidatz que no yeran de mayoría serbia y que egual conqueriban. Krayina a escape cayó en poder serbio. Os principals combates se desembolicaban en Eslavonia oriental, de mayoría crovate, pero que os medios de comunicación serbios (y d'Estatos con actitut pro-serbia como Espanya que veyeban a independencia de Croacia como incomoda) presentaban como de mayoría serbia. Dimpués d'Eslavonia a guerra s'estendilló dende Krayina dica Dalmacia (puent de Maslenica), y as ciudatz costeras como Chadra, Split, atacatas por a marina yugoslava, y Ragusa, atacato dende Montenegro y Herzegovina por voluntarios serbios y montenegrins. Vukovar resistió pero en zaguerías fue destruito por o exercito yugoslavo, estando escenario de crimens por os dos costatos que han quedato sin guaire castigo por o que fa a los responsables serbios. En os territorios que os serbios conquieren bi ha mortaleras de población crovate y por miedo muitos d'ellos fuyen enantes que pleguen os serbios, feito que quan a guerra s'estendille por Bosnia y o Kosovo será conoixito como "limpieza etnica" y que quan encomenzaba en Croacia no conseguiba mover d'egual traza as sensibilidatz de bells países occidentals que yeran contra a desintegración de Yugoslavia.

O 23 d'aviento de 1991 Alemanya reconoix a independencia de Croacia, feito que obliga a fer-lo o 15 de chinero de 1992 a totz os países d'a CEE, dica estatos reticents como Espanya, que chugaba un papel anti-crovate y pro-serbio. En abril de 1992 os cascos azuls d'a ONU encomienzan a prener posicions en as zonas ocupatas por os serbios. En mayo de 1992 Croacia ye admesa en a ONU. A seu d'o mando d'os cascos azuls ye prevista que siga en Sarajevo, pero quan s'aturan os combates en Croacia esclata a guerra en Bosnia-Herzegovina. Dende as suyas posicions en Bosnia-Herzegovina os serbios tamién atacaban ciudatz de Croacia como Slavonski Brod y Ragusa.

En a guerra de Bosnia-Herzegovina musulmans bosnios heban confiato en a comunidat internacional y os crovates locals s'heban preparato pa a guerra. Os guerrillers serbios y o exercito troban menos resistencia y tamién fan mortaleras en as zonas baixo o suyo control, pero o refirme d'Estatos Unitos a la causa musulmana fa que ya totz os países occidentals ya no refirmen a causa serbia, (que encara tendrá a Rusia como aligata), y que a opinión publica tienga en cuenta agora os crimens de guerra serbios, as violacions masivas, ecetra....Una millor preparación pa una guerra que se veyeba inminent y l'aduya de Croacia y a suya esperiencia melitar permitió a los crovates de Bosnia y Herzegovina resistir millor os ataques serbios que a población musulmana, manimenos tamién i habió muitas baixas y se perdioron ciudatz como Bosanski Brod en Posavina. Os crovates plegoron a prener o control de Herzegovina Occidental y d'amplas zonas de Bosnia Central, dica en localidatz de mayoría musulmana como Kiseljak.

I habió conflictos armatos intermitents en 1993 a una escala menor que en 1991 y 1992 que fuoron més exitosos p'as fuerzas crovatas. Os crovates podioron recuperar territorio y protecher as ciudatz de Chadra y Gospić d'ataques serbios, pero entre l'alto o fuego de 1992 y as ofensivas crovatas de 1992 a luita yera limitata y as accions melitars se reducioron a dos semanas en ixas tres anyatas y meya.[3]

A principios de 1993 as operacions més notables estioron:

Mientres a mayoría d'estas operacions yeran exitos relativos pa o gubierno crovate, o exito d'a Operacion bolsa de Medak en 1993 causó reaccions fueras de paises y organizacions que teneban actitutz anti-Crovates y pro-Serbias en a guerra, esto fació que o exercito Crovate no fese garra ofensiva en una anyata. En chunio de 1993 os serbios de Krajina reafirman en un referendum o suyo deseyo d'unión con os atros serbios d'os Balcans.

En Bosnia os crovates dixan d'estar aligatos d'os musulmans en 1993. O 28 d'agosto de 1993 se constituye oficialment a Republica Crovata de Herzeg-Bosnia. Encomienzan unos combates en os que a población musulmana, més lumerosa, va prenendo o control de muitas ciudatz de Bosnia central (Travnik, Vares), y tamién de Herzegovina central, (Jablanica, Mostar oriental), y encara que enantes os crovates heban aduyato a salvar-se d'os serbios a muitos musulmans, que podioron trobar refuchio en ciudatz como Mostar, a opinión publica internacional yera de part d'os musulmans y en contra d'os crovates. Os países occidentals presionaban pa que os musulmans y crovates formasen una federación crovata-musulmana, pero os combates yeran dificils d'aturar.

En 1995 Os crovates van ocupando os territorios y enclaus on a posición serbia ye menos fácil de defender: primero en mayo a Eslavonia Occidental (Operación Flash), y dimpués en agosto de 1995 Krayina (Operación Tronata). Por miedo a represalias os serbios fuyen en masa de totas estas rechions. A recuperación de Krayina permite liberar d'a presión melitar a los musulmans de Bihac, y os serbios encomienzan a retacular en Bosnia Occidental. Os crovates de Bosnia recuperan Jajce, perdito quan os musulmans y crovates combatiban por Travnik. O 21 de noviembre de 1995 Estatos Unitos fuerza a un alcuerdo de paz en Dayton, os crovates de Bosnia son obligatos a fer parte d'una Federación Crovata-Musulmana dentro de Bosnia-Herzegovina, amés han de ceder as zagueras localidatz que controlaban de Posavina a la republica serbo-bosnia de Bosnia-Herzegovina.

Referencias[editar | editar código]

  1. Gabriela Makowiecka, Estanislao Macowiecki La Cultura Eslava Editora Nacional
  2. Miguel A Ladero Quesada: Historia Universal, Edad Media. Vicens Vives.
  3. (Croatian) War in Croatia 1991-95, Part II.

Bibliografía[editar | editar código]