Ustaixa

De Biquipedia
Ir ta: navego, busca

A Ustaixa estió una organización ultranacionalista crovate que fue fundata en 1928 por Ante Pavelić dimpués de l'asesinato d'o crovate Stjepan Radić en o Parlamento de Belgrado. Prenió o nombre d'os soldatos d'a muga con o Imperio Otomán. Practicó o terrorismo dica que en 1941 fació liga con as Potencias de l'Eixe que invadioron una Yugoslavia controlata por os politicos serbios. As potencias de l'eixe permitioron a los ustaixas gobernar o Estato Independient de Croacia, calificato d'Estato Titere (de feito habió de permitir l'anexión de Dalmacia a Italia).

En a Segunda Guerra Mundial os ustaixas practicaron una brutal represión contra a minoría serbia. Prohibioron l'alfabeto cirilico y facioron unas mortaleras tan grans que impresionoron a los mesmos nazis alemans.

Os ustaixas resistioron encara dimpués d'a rendición d'Alemanya y se retiroron ta Eslovenia, on a la fin, o 15 de mayo de 1945 se rindioron.[1] Ante Palevic recibió asilo diplomatico en a Espanya franquista. O gubierno franquista acullió atros exiliatos politicos ustaixas.

Referencias[editar | editar código]

  1. André Sellier, Jean Sellier: Atlas de los pueblos de Europa Central. Acento editorial.