Tiempo

De Biquipedia
Ir ta: navego, busca
Articlo d'os 1000
Dos segundos en un reloch Montinari Milano.

O tiempo ye a magnitut fisica que mide a duración u deseparación d'escaicimientos subchectos a cambeyo, d'os sistemas subchectos a observación, isto ye, o periodo que pasa entre o estato d'o sistema quan iste aparentaba un estato X y l'inte en que X rechistra una variación perceptible ta un observador (u aparato de mesura). Ye a magnitut que premite ordenar os succesos en seqüencias, establindo un pasato, un present y un futuro, y que creya un prencipio de causalidat, un d'os axiomas d'o metodo scientifico.

A suya unidat basica en o Sistema Internacional d'Unidatz ye o segundo, que tien como simbolo s (debito a que ye un simbolo y no una abrebiadura, no se debe escribir con mayuscla, ni como "seg", ni anyadendo un punto posterior). O sistema d'oras y menutos emplegato a ormino en a vida cutiana se basa en o segundo: un menuto son 60 segundos, y una ora 60 menutos. A unatro ran, o calandario s'estructura en días, meses, y anyos.