Serbios

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre os habitants de Serbia. Pa o pueblo eslau se veiga pueblo serbio.
Serbios
Србијанци
Dos serbios chugando a os escaques
Rechions con comunidaz importants
Serbia 6.899.126
Aragón 93[1]
Idiomas
Serbio
Relichión
Ilesia Ortodoxa
Pueblos relacionaus
Serbios de Bosnia y Herzegovina, Serbios de Croacia, Montenegrins
Mapa

Mapa etnico de Serbia. Texto en anglés

Los serbios[2] (Србијанци u Srbijanci en serbio) son los habitadors de Serbia independientment de lo suyo orichen etnico, encara que lo termin s'emplega mes a sobén pa nombrar a la población etnicament serbia d'este país. En lo stándard serbio se puede referir en un sentiu mes restreito a los serbios de Serbia Central.[3] Lo termin excluye a los serbios etnicos de los países de vecins como Bosnia y Herzegovina, Croacia, Montenegro y Macedonya d'o Norte que se nombran con lo termin Srbin en singular y Srbi en plural. En las luengas occidentals ha puesto haber-ie confusions entre lo emplego de lo chentilicio serbios u lo etnonimo serbios. Por una part s'ha plegau a aplicar lo chentilicio serbios a los serbios de Bosnia y por un atra part s'ha plegau a aplicar erroniament lo etnonimo serbios a los ciudadans de Serbia sin importar la etnicidat. Este tipo de confusions son bien documentadas en anglés (Bosnian Serbians en cuenta de Bosnian Serbs).[4][5]

Lo termin Srbijanci ha estau considerau ofensivo por beluns, y asinas s'emplega sobre tot en Croacia y Voivodina. S'ha sinyalau que este tipo de denominacions diferents entre chentilicios y etnonimos no ye present que en Serbia y Bosnia y Herzegovina, a on que bi ha una distinción entre bosnios y bosnios musulmans. Esto ye un feito particularment oposau a las cercanas Albania y Croacia. De feito, los franceses se dicen franceses tanto si viven en Francia como en la diaspora, sigan franceses etnicos u no, igual como los italianos, ecetra.

En un diccionario serbio de 1852 una entrada dice:

Srbijanac – čovek iz Srbije (hombre de Serbia); Srbijanski – koji je iz Srbije (lo que ye de Serbia)

Una canción popular serbia tiene un estrebiello que describe lo vestiu tradicional serbio:

...jelek (achustador), anterija (camiseta curta), y opanci (apargatas tradicionals), ye como reconoixes a un Srbijanac (serbio)...

Referencias[editar | modificar o codigo]

  1. (es) Nacidos en el extranjero, residentes en Aragón en 2021. Instituto Aragonés de Estadística
  2. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  3. (en) Miller, Nick (2008). The Nonconformists: Culture, Politics, and Nationalism in a Serbian Intellectual Circle, 1944-1991. Central European University Press. p. 148.
  4. (en) Uzelak, Gordona (1998). Franjo Tudjman's Nationalist Ideology. East European Quarterly. 31.
  5. (en) Petrovich, Michael B. (1985). Review of The National Question in Yugoslavia: Origins, History, Politics. Slavic Review. 4 (2), 369–370