Eslavonia

De Biquipedia
Ir ta: navego, busca
Mapa de Croacia con a Eslavonia remarcata
Mapa d'Eslavonia

Eslavonia (en croate: Slavonija) ye una región historica d'Europa Central y una d'as principals rechions naturals de l'actual Croacia. Ye una rechión fértil pa una agricultura desembolicata que tamién poseye amplas zonas forestals. Ye delimitata por o río Drava a lo norte (muga con Hongría), o río Sava a lo sud (muga con Bosnia) y o Danubio muga con a Voivodina. A mayoría d'os habitants d'Eslavonia son crovates, con minorías de serbios, hongaros, rutens y atros.

Toponimia[editar | editar código]

O toponimo Eslavonia ye en relación con os suyos habitants eslavos, a l'egual que atros de pareixitos como Eslovenia, Eslovaquia y l'antiga Sclavinia que bi heba en Macedonia. En textos medievals en aragonés trobamos o toponimo Sclavonia, pero no siempre podemos saber si se refieren a tierras d'Eslovenia, d'Eslavonia, de Macedonia u a atras eslavonias.

Cuando la emperadriç Ereni romanió monarca, el ermano de su marido e algunos qui eran en presión fuyeron e entraron en la iglesia mayor. Mas uno de casa del emperador que.l dizían Areçio, el cual havía grant privadança en el palacio, tanto favló con ellos fictamientre que los fizo sallir de la esglesia prometiéndoles que no havrían ningún mal. Los cuales, como fueron sallidos, la emperadriç los ha jutgados ir en Atenas. E seyendo en Athenas algunos nobles pregaron al senyor de Esclavonia que prestás con favor e ayuda a un ermano del marido de la emperadriç por entrar a Contastinoble e por haver la senyoría. Mas sintió aquesto la emperadriç e fizo clavar los ojos a todos aquellos.

([1])

Deq(ue) los godos huuiero(n) stado e(n) scicia g(r)ant t(iem)po & fuero(n) multiplicados e(n) gra(n)t num(er)o de g(e)n(te)s dexaro(n) a guardar la p(ro)ui(n)cia de scicia & de dacia p(ar)tida de lures g(e)n(te)s segunt es dicho desuso. & todos los ot(r)os passaro(n) el dinubio & (con)quiriero(n) & destruyero(n) toda sclauonia & yllirico & toda g(r)ecia. & touiero(n) el sitio de lur senyorio e(n) macedo(n)ia & e(n) yllirico por spacio de diez anyos. Et u(n)a p(ar)tida d(e)los godos poblaro(n) e(n)las mo(n)tanyas q(ue) so(n) dichas oy dispotado de romania pri(n)cipado d(e)la morea la gra(n)t ciudat de sparta / & la ciudat de uat(r)ia /. & los habitadores de aq(ue)lla fuero(n) clamados spartos.

([2])

Esclavonia & de Pulla, & de la ylla de Corfou & de Chifolonia por grandes monedas que dio

([3]).

Alla do Ytallia fina a la mar de Venecia, si es la tierra d'Estra de vltra part la mar, do yes larçobispado de Jadrio e atros dos arçebispados e xviiij º bispados. Apres esta yes la tierra de Sclauonja en do ha ij arçobispados e .viij. bispados. Apres es la tierra de Vngria, do ha dos arçobispados e .x. bispados. Apres esto es la tierra de los aspoliens do ha .iiij.º arcebispados con todos .viij.bispes Mas de aquesto no dira agora mas el conto, ante retornara a su materia alla do el lexo Secilia a la fin de Ytalia.

([4]).

Una mención més segura la trobamos en a "Grant Cronica de Espanya" baixo o títol Dela limitacion & terminos de scicia. & dela poblacion de uenecia & qui la poblo, encara que podría referir-se a totas as antigas tierras eslavas de Panonia y no solament a Eslavonia:

Scicia es det(er)minada por los terminos q(ue) se sigue(n) p(r)im(er)ame(n)t la mar occeana septe(n)trio(n)al. & d(e)la p(ar)t de asia los mo(n)tes rifeos & el rio de thanay / qui dep(ar)te europa de asia / & la mar d(e)la tana. q(ue) a(n)tigam(en)t fue dicha la marmora o la mar de po(n)to / & el rio d(e)l dinubio. & d(e)la ot(r)a p(ar)t la gra(n)t ruxia. Las g(e)n(te)s q(ue) h(ab)itaua(n) prim(er)ame(n)t e(n) scicia fuero(n) los gepidos & los burgaros & ot(r)as diu(er)sas nationes de g(e)n(te)s d(e)los q(u)ales no es neçesario de faz(er) me(n)cio(n). Et ala q(ue) dize el arçeuispo do(n) rod(r)igo q(ue) scicia t(er)minaua co(n) uenecia d(e)la p(ar)t de orie(n)t no(n) puede seyer porq(ue) e(n)tre scicia & uenecia es el gra(n)t dinubio segu(n)t dicho es. & es el regno de ungria q(ue) a(n)tigam(en)t fue dicha esclauonia & la gra(n)t p(ro)uincia de yllirico la q(u)al era gra(n)t p(ar)tida e(n) sclauonia. Et q(u)ando los godos eran e(n) sicia uenecia no(n) era e(n)cara poblada. porq(ue) troya no fue destruyda de gra(n)des t(iem)pos q(u)ando los godos era(n) sicia la q(u)al uenecia ap(re)s d(e)la destructio(n) de troya poblo antenor alli e(n)la mar porq(ue) no se fiaua de star e(n) t(ie)rra por la traycio(n) q(ue) fizo al rey priamo & alos de t(r)oya. Et alo q(ue) dize el arçeuispe do(n) rodrigo q(ue) mesia era e(n) scicia el (con)(tr)ario es q(ue) a(n)tes es e(n) grescia ap(re)s de macedonia & de boecia & de sclauonia.

En a "Grant Cronica de Espanya" tamién parlan d'una Esclavonia danubiana, pero de l'atra marguin d'o Danubio ta on o emperador bizantín Mauricio ninvió una campanya melitar con a intención d'aturar a los eslavos:

la q(u)al cosa (con)tecio assi q(ue) como el ex(er)citu roma(n)o huuies passado el denubio & fues (con)strenydo por gra(n)t fambre & no(n) pudies au(er) p(ro)uisio(n) d(e)las guarnizo(n)es comunes / ni haun pudies au(er) suste(n)tacio(n) d(e)las imp(er)iales largicio(n)es / co(n)uino alos cauall(er)os co(n) grant periglo q(ue) ç(er)casse(n) deq(ue) uiuir d(e)la regio(n) d(e)los esclauos. finalm(en)t por aq(ue)lla & ot(r)as razones mouidos los cauall(er)os d(e)l ex(er)citu passaro(n) el danubio & retornaro(n) se d(e)la esclauonia. do la ora era el ex(er)citu. & q(u)ando fuero(n) a .vij. millas de (con)sta(n)ti(n)oble los cauall(er)os (con)u(er)tidos e(n) sedicio(n) (con)stituyero(n) emp(er)ador a huno clamado foca. & uestiero(n) le la purpura imperial. el imp(er)io d(e)l q(u)al el se(n)ado ap(ro)uo. ap(re)s mauricio lexado la honor imp(er)ial & mudado el habito una noche secretam(en)t fuyo co(n)la mull(e)r & co(n)los fijos a .ja. ysla. la q(u)al se dize q(ue) es c'(er)ca calçedonia.

Historia[editar | editar código]

Slavonia01.png
Slavonia02.png

Os eslavos que bi heba en Panonia estioron sozmesos a los avaros. O territorio d'os avaros quedó dividito entre carolinchios y bulgaros, pero os eslavos iban ganando autonomía dica que arribó atra ondata de pueblos nomadas, os hongaros. Os hongaros a diferencia d'atros pueblos nomadas anteriors que creyoron un reino con modelos occidentals que iba a durar. Eslavonia quedó entre d'o Reino de Croacia y d'o Reino d'Hongría, que prebaban d'estendillar-se-ie. Con o tiempo os eslavos d'Eslavonia s'asimiloron a lo pueblo crovate, con qui compartiban o luengache eslavo serbocrovate y relichión catolica.

Eslavonia en a Croacia independient[editar | editar código]

Quan Croacia declaró a suya independencia en 1991 Eslavonia esdevinió un d'os principals scenarios d'a Guerra d'Independencia Crovate. O gobierno yugoslavo, controlato por serbios, se resistiba a perder una d'as rechions més productivas de Yugoslavia, y d'esta traza o Exercito Federal Yugoslavo intervinió en a Eslavonia con a excusa de defensar a la minoría serbia local. Os serbios locals s'heban rebelato chunto con os serbios de Krajina y se declaroron independients de Croacia. A lo principio as fuerzas crovates no yeran en condicions de resistir a invasión serbia ni de controlar as comarcas on s'heban rebelato as minorías serbias locals. As ciudatz eslavonas sufrioron bombardeyos y o medio rural sufriba os ataques d'os guerrillers serbios chetniks que practicaban a limpieza etnica de población no serbia. Vukovar cayó en mans serbias dimpués de quedar desfeito de tot dica o punto que os periodistas espanyols plegoron a posar-li El Belchite Croata ("O Belchit Crovate"), pero poco dimpués o exercito crovate pasó a la ofensiva y recuperó territorios que os serbios locals no podeban defender en o Macizo de Papuk, producindo-se a fuyita d'os insurchents ta Bosnia.

En mayo de 1995 una part ocupata por os serbios en Eslavonia Occidental fue recuperata por Croacia en a Operación Tronata. En l'anyo 1998 a part oriental se reintegró en Croacia pacificament.

Referencias[editar | editar código]