Herzegovina

De Biquipedia
Ir ta: navego, busca
Mugas aproximatas entre Bosnia (pintato d'escuro) y Herzegovina (pintato de claro)
Territorios de l'antiga Herzegovina que actualment pertanyen a Montenegro.

Herzegovina (ˌhɛərtsɨˈɡoʊvɨnə[1] u ˌhɜrtsəɡoʊˈviːnə[2] bosniaco en alfabeto latín, crovate y serbio en alfabeto latín: Hercegovina, serbio en alfabeto cirilico: Херцеговина) ye una rechión historica d'os Balcans correspondient sobre tot a la part meridional de Bosnia-Herzegovina, pero tamién a la part occidental de l'actual Montenegro. As mugas con Bosnia no son claras, pero se gosa considerar que coinciden con a muga este d'o cantón de Herzegovina-Neretva y a muga septentrional d'o cantón de Gornji Vakuf-Uskoplje. A muga con Croacia se considera clara, y a muga con o territorio orichinal de Montenegro tamién, estando mugas historicas heredatas. As medicions de l'aria d'Herzegovina dentro de Bosnia-Herzegovina van dende 11,419 km2,[3] u arredol d'o 22% d'o total de l'aria de l'actual estato[4] to 12,276 km2, arredol d'o 24% d'o país.[5]

Ye una rechión de modelato karstico. O clima ye mediterranio u submediterranio. En a ribera baixa d'o río Neretva bi ha una agricultura bien desembolicata con reganos mediterranios.

Toponimia[editar | editar código]

O toponimo Herzegovina significa "tierra d'o duque", referito a lo ducato medieval de Herceg Stjepan. Herceg ye derivato d'o títol chermanico de Herzog.[6][7]

Anteriorment a lo toponimo Herzegovina existiban denominacions de territorios eslavos antigos, en especial serbios como Hum / Zachlumia ("Chelmenia" en os Anales de la Corona de Aragón de Cheronimo Zurita) y Travunia.

Población[editar | editar código]

A población de Herzegovina ha estato historicament de diferents grupos etnicos que en bellas ciudatz podeban coexistir en as mesmas ciudatz y lugars. A Guerra de Bosnia d'a decada de 1990 implicó importants movimientos de población y mortaleras como resultato d'operacions de "limpieza etnica" por part d'os tres bandos. O zaguer censo anterior a la guerra ye de 1991 y cuaternaba una población de 437.095 habitants.

Os crovates pueblan as arias més cercanas a la muga con Croacia y en especial en as ciudatz y redolatas de Mostar, Ljubuški, Široki Brijeg, Čitluk, Grude, Posušje, Čapljina, Stolac, Ravno, y Tomislavgrad. Neum estió historicament d'a Republica de Ragusa) y ye habitato por crovates d'orichen dalmata.

Os bosnians musulmans (u convencionalment "bosniacos" d'alcuerdo con una terminolochía anglosaxona moderna), se troban en localidatz a lo largo d'o río Neretva, como Mostar, Konjic y Jablanica, zonas més planas, ubiertas y con ciudatz on a turquización yera més fácil. Manimenos en muitas poblacions os bosnians musulmans han coexistito con os crovates.

Os serbios son a mayoría d'a población de Herzegovina oriental, on se troban os monecipios de Berkovići, Bileća, Gacko, Istočni Mostar, Ljubinje, Nevesinje y Trebinje.

Referencias[editar | editar código]

  1. bŏz′·nē·ə hārts′·ə·gōv′·ĭn·ə
  2. http://www.yourdictionary.com/bosnia-and-herzegovina
  3. Administrativno uređenje Hercegovine od 1945. do 1952. godine d'Adnan Velagić, published in Most - časopis za obrazovanje, nauku i kulturu, No. 191, Year 2005 (October), pp. 82-84. ISSN 0350-6517
  4. http://encyclopedia.farlex.com/Hercegovina
  5. Ekonomska regija Hercegovina, Regionalna razvojna agencija za Hercegovinu (REDAH) in conjunction with the EU RED Project, Bosnia and Herzegovina, November, 2004, pp 24-26
  6. http://books.google.com/books?id=KCGbWCouJ6AC&pg=PA51
  7. http://books.google.com/books?id=-WIEYZ-SMHEC&pg=PA3