Peninsula d'Istria

De Biquipedia
(Reendrezato dende Istria)
Ir ta: navego, busca
Muggia, a man de Trieste, a sola ciudat d'Italia que queda d'a Istria italiana

Istria (en crovate y en eslovén: Istra, en italián: Istria) ye a mayor peninsula d'a Mar Hadriana. Ye localizata entre o Golfo de Trieste y la costa de Quarnaro, en Croacia.

Historicament ye una zona de trobata de pueblos de diferents orichens, dica un pasato recient d'as tres brancas lingüisticas principals d'Europa (latina, eslava y chermanica). Dende 1945 ye dividita entre Croacia (a mayor parte d'Istria), Eslovenia (que tien en o norte d'Istria u Istria Eslovena a sola salita a la mar) y Italia (que ha mantenito un chicot territorio tot a lo sud de Trieste). La prefectura d'Istra ye a més occidental de Croacia.

En a peninsula bi ha importantants ciudatz como Pula/Pola, Poreč/Parenzo, Rovinj/Rovigno, Pazin/Pisino, Labin/Albona, Motovun/Montona, Buzet/Pinguente y Buje/Buie, y tamién lugars menors Visignano, Rozzo o Colmo. En a rechión septentrional, en a Istria Eslovena, se troban os lugars costers de Piran/Pirano, Portorož/Portorose y Koper/Capodistria.

Os principals accidents cheograficos son o Mont Učka/Monte Maggiore (en o noreste), os ríos Dragonja/Dragogna, Mirna/Quieto, Rasia/Arsa y a badía de Lim/Canal di Lemme.

En o "Libro del Trasoro" bi n'ha una mención posible:

Alla do Ytallia fina a la mar de Venecia, si es la tierra d' Estra de vltra part la mar, do yes larçobispado de Jadrio e atros dos arçebispados e xviiij º bispados. Apres yes la tierra de Sclauonja, en do ha .ij. arçobispados e .xiij. vispados. Apres es la tierra de Vngria, do ha dos arçobispados e .x. bispados. Apres esto es la tierra de los aspoliens, do ha .iiij.º arcebispados con todos .viij. bispes.

En a traducción herediana de "Breviarium ab Urbe condita", on son adhibitas a "Historia Romana" y "Historia Langobardorum" de Pavlo Diacono en trobamos una mención segura:

Et es claro q(ue) venecia no tan solament es en pocas yslas las quales agora deximos venecias antes Sosten delas encontradas de pannonia de(n)tro enlo fluui aduam et aq(ue)sto se proua por los liuros anyales enlos quales es legido que pergamo es Ciudat de venecia et del lac venatus asi es leydo en las ystorias benatus es lac de venecias del qual partexe micius fluui car eneti en griego loables en latin et aiustada la quienta letra son clamado veneti venecia et istria e(n) vno son contadas por vna prouincia histria es nombrada de istro fluui de aq(ue)sta venecia fue cabo la Ciudat de aq(ue)lla por la qual foro iulianes asi dicto car Julio Cesar constitui aqui mercado et for de mercaderia Et es bueno que toquen breument las otras prouincias de ytalia