Dalmacia

De Biquipedia
Ir ta: navego, busca
Dalmacia
Dalmacija
Rechión de Croacia
Flag of the Kingdom of Dalmatia.svg Escudo de  Dalmacia
Bandera Escudo
Croatia-Dalmatia.png
Mapa de Dalmacia en relación a Croacia, no bi figura ni Neum ni a Bahía de Kotor
Capital Split
Idioma oficial
 • Luenga propia
Croata
Dalmata
Entidat
 • Estato
Rechión
Flag of Croatia.svg Croacia
Superficie
 • Total

13.000 km²
Población
 • Total

890.373 hab.
Chentilicio Dalmata

Dalmacia ye una rechión historica d'a costa oriental d'a Mar Adriana, que prene nombre de l'antiga provincia romana de Dalmacia y que va dende a isla de Rab a lo norueste dica a Bahía de Kotor, que yo o suyo cabo sureste. O interior de Dalmacia, dito Zagora tien d'amplaria 50 km en o norte y uns pocos kilometros en o sud. Dimpués de muitos cambeyos historicos de mugas o territorio de Dalmacia pertanye actualment en a más gran part a Croacia, de fueras de Neum y d'a Bahía de Kotor, que pertanyen a Bosnia-Herzegovina y Montenegro respectivament.

Toponimia[editar | editar código]

O toponimo clasico Dalmatia que prenió o latín persiste en as luengas romances en formas como Dalmacia.

En a "Cronica de los Conquiridors" nombran Dalmacia en o capítol CXCVII en relación a una campanya contra os avaros:

Et de alli passando auant el Rey karles domo por armas la cruel gent delos volcos qui estauan sobre la Riba del mar occeano la qual gent era muyt co(n)traria alos francos Et apres domo por armas en sus p(ro)p(r)ias partidas todas las fieras barbaras naciones que son entre el Rio que ha no(m)bre el Ri et sal(er)a et entre el danubio et el mar occeano et fizo las tributarias dius si entre las q(u)ales los g(u)alletabos los sorabes los abaductes et boemios las quales gentes subiugadas el Rey karles sen torno en gallia et p(r)iso co(n) si s(us) fillos karles pipino et loys et con todo el exercitu delos francos et delos germanos passo en bauera passo el danubio et dio la meytat del ex(er)citu a los fillos et Retuuo la otra meytat pora si con los quales corrio sobre los hu(nc)nos et destruyo los malame(n)t et despoblo lures Regiones et conq(u)irio pannonia ystria liburnia et dalmacia.

En a versión aragonesa d'o Libro del Trasoro nombran Dalmacia pero se trabucan con Almizra:

Apres es la marca de Treujsa, que es en el patriarchado de Agujla, en do ha .xviij. ujspados, que tocan la partida de Alamanya e de Gare e de Almjça sus la mar. Encara es en Ytalia el arcebispado de Genea con .iij. vispes. E despues es la isla de Santdigno e Corsiga do ha .iij. arçobispados e .xv. ujspados.

O chentilicio d'os habitants de dalmacia ye "dalmata", d'orichen clasico, y "dalmata" tamién ye a denominación d'un grupo etnico de luenga neolatina y catolico absorbito de tot por os crovates u os italians.

Atro adchectivo antigo relacionato con dalmacia ye DALMATICA, que orichinó a denominación (d)almatica u (d)almatiga pa referir-se en aragonés medieval a una tunica con mangas amplas y curtas adornata con porpra.