Morrón
Un morrón[2] ye la part d'un cinglo que se fa mes visible por resistir un millor un proceso erosivo que afecta sobre tot a los materials mes tovos situaus de chos d'él.[3]
En Cantaviella y la suya redolada los microtoponimos formaus con a palabra morrón gosan corresponder a parz prominents de cinglos de calsinera de facies Urgon (Aptián, Cretacio) que han perdiu por erosión os suyos materials tovos estratigraficament superiors (arenas d'Utriellas), y que destacan sobre los barrancos que son erosionando los materials tovos estratigraficament inferiors (facies Weald).[3]
Etimolochía
[editar | modificar o codigo]La palabra morrón ye una forma sufixada con -ón de "morro", que puede tener un sentiu oronimico en la val d'Ebro (en son eixemplos os microtoponimos Morro Royo en Viana y Morro de Vaca en Casp).[4] Bi ha microtoponimos formaus con morrón en tot l'este de la Peninsula Iberica.
Referencias
[editar | modificar o codigo]- ↑ (es) Eduardo Viñuales Cobos (coordinador): Red natural de Aragón, num. 3, Maestrazgo. Prames, 2006. p 148.
- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 (es) Alejando Pérez, José Luis Simón y Manuel J. Vivó: Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel, 1983. pp 76-77.
- ↑ (es) Juan Antonio Frago Gracia: Toponimia navarroaragonesa del Ebro (IV): Orónimos. Vol. 30-31, 1982 , pachinas 23-62.
Bibliografía
[editar | modificar o codigo]- (es) Alejando Pérez, José Luis Simón y Manuel J. Vivó: Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983.
- (es) Eduardo Viñuales Cobos (coordinador): Red natural de Aragón, num. 3, Maestrazgo. Prames, 2006.
| Control d'autoridaz |
|
|---|
Datos: Q65397869