Formación Keuper
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A formación Keuper ye un nivel estratigrafico propio d'as facies chermanicas que sedimentó més que més en ambients costers d'o Triasico superior.
Os suyos materials son salagons u archila con chesos, con tonalidatz grisencas, pero tipicament royencas. Mineralochicament ye un nivel a on abundan l'aragonito, y variedatz d'atros minerals como un quarz dito chacinto de Compostela y una dolomita dita teruelita, (y podemos decir en muitas zonas que no se troban que en o Keuper).
O cheso y l'archila tienen un comportamiento plastico y fan que este nivel tienga una importancia gran en a estructura cheolochica d'os orochenos a on que se troba:
- Puya formando diapiros.
- Fa de nivel de desapegamiento de cabalgamientos en o Sistema Iberico y lo Prepireneu.
A vegadas lo nombran como sinonimo de Triasico superior pero no ye correcto porque ye una unidat litostratigrafica que no se da en atras facies d'o Triasico como as facies alpinas. Tampoco no empecipió a sedimentar en o mesmo inte en totz os puestos a on se troba, ni deixó de sedimentar devez en totz ixos puestos.