Exulve

De Biquipedia
Ir a la navegación Ir a la búsqueda
Exulve
Municipio d'Aragón
Escudo d'armas
Ejulve (Teruel).jpg
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Andorra-Sierra d'Arcos
Superficie 109,5 km²
Población
 • Total

189 hab. (2016)
Altaria 1113 m.
Distancia
 • 92 km

enta Teruel
Codigo postal 44559
Ríos río de Calanda
Coordenatas 40°46’ 1’’N 0°33’ 0’’U
Exulve en Aragón
Exulve
Exulve
Situación d'Exulve en Aragón

Exulve (Ejulve en castellán, Julve en castellán popular local) ye un municipio aragonés, situau en la comarca Andorra-Sierra d'Arcos. La suya población ye de 180 habitants (2018) en una superficie de 109,5 km².

Cheografía[editar | editar código]

Envista de lo cabezo de Santa Ana dende Exulve.

Esta localidat ye situada entre dos cerros (Sant Pedro y Santa Catalina) situaus a lo norte de la sierra d'Exulve. La sierra d'Exulve ye una prolongación de la sierra de Sant Chust a l'ueste de lo puerto de Majalinos, y a la que perteneixen los cabezos de Budo y de Santa Ana, que son muelas. Dende la sierra d'Exulve baixan uns quantos barrancos que cerca de lo nuclio habitau complegan y forman lo río de Calanda. En lo sud de lo termin municipal se troban los Organos de Montoro.

En lo termin municipal d'Exulve bi heba atros nuclios de población: lo coto redondo de Mezquitiella, los casals Masada de la Solana y Masada de Valredonda, y muitas masadas, bellas 27,[1] que amuestran un habitat ixemenau d'habitants dedicaus a l'agricultura cerealistica y a la ganadería. En l'actualidat bi ha industrias alimentarias. L'acceso a Exulve dende la N-420 se troba en lo km 60, a on que ye la venta de la Pintada.

Mugas[editar | editar código]

Ejulve, Andorra-Sierra de Arcos (Teruel).jpg

Lo termin municipal d'Exulve muga con los termins municipals de Molinos, Castellot, Villar Luengo, La Zoma, Aliaga y Gargallo.

Gargallo Molinos
Aliaga, La Zoma Rose des vents2.png Castellot
Villar Luengo

Toponimia[editar | editar código]

L'oronimo Exulve s'ha quiesto interpretar de diferents trazas. Se puede fer comparanzas con atros toponimos pareixius d'atras partz de la Peninsula Iberica.

En Galicia bi ha un Xulfe que s'ha quiesto interpretar a partir de VILLA AGIULFI u VILLA GENULFI, villas de propietarios visigodos que tenen la radiz chermanica wulf ("lobo") en l'antroponimo. Un antroponimo visigodo latinizau como AGIULFUS u GENULFUS no habría evolucionau ta un toponimo con una silaba xul ni en aragonés ni en mozarabe local.

Unatra intepretación lo fa derivar de l'antroponimo latín SULVIUS igual como Julbina en Almería.[2] Tamién se puede fer una comparanza con lo lugar sobrarbés de Suelves, que vendría de lo latín SOLUM y se referiría a lo cabaixo d'un mont.[3]

Las interpretacions a partir de SULVIUS y de SOLUM implican un cambio dende S- inicial ta X- inicial que s'ha dau en toponimos aragoneses latins u prerromans que han estau transmesos a traviés de l'arabe: Exatiel, Exeya. En aragonés la x- inicial puede ir refirmada d'una i en aragonés oriental y centro-oriental (ixaringa, ixingardana, ixordiga, ecetra), y se documenta en aragonés medieval como e- en toponimos d'orichen arabe (Exarc, que persiste en l'apelliu Ejarque). L'alternancia entre tener una vocal inicial de refirme u no se manifiesta tanto en aragonés medieval (Xulve/Xulbe alternando con Exulve/Exulbe) como en castellán popular actual (Julve alternando con Ejulve). Se considera mes popular Julve que Ejulve pero la primera yera la que s'escribiba oficialment dende 1713 dica 1797.[1]

Bi ha bella masada con nombre aragonés: Azcón, (d'un apelliu relacionau con lo toponimo Azcón en la Ribera d'Ebro), Val de las sabinas, Los hordiales, (de puesto a on se cautiva l'hordio), La esponera, Los baciones, Masada Chulilla, (d'un apelliu que vien de lo toponimo Chuliella) y El Pairón.

Luengas y parlas[editar | editar código]

Actualment en Exulve, igual como en toda la comarca d'Andorra-Sierra d'Arcos se charra lo castellán rechional d'Aragón, con substrato lingüistico provinient de l'aragonés que se charraba en la val michana d'Ebro y a piet de lo Sistema Iberico terolano.

Aragonesismos curiosos que no se sienten en totz los lugars son: asinas, clau, desenreligar, facer (ye castellán pero conserva a f), fartar, perillán, retorcigar, ringlera, etc.

Historia[editar | editar código]

En tiempos d'Alifonso II se fa mención d'Exulve como en uns quantos documentos como muga de territorios cedius a ordens militars.

Quan Alifonso II donó lo lugar de Villar Luengo a la Orden de lo Santo Redentor se menciona Axulp en un texto escrito en catalán:

E do termens a Vilar lonch per poblar Abela de Olocau sus la torre de la Cuba, la Cugulata, los pinos de Atorela axi com aquella serra Tayllada e ix a aquel Castel de Cit, la Canada Benadanduz dins stant ab sos termens e de Pitarp ença, e Noxet dins estan e hix a Font de Penela del bado de Axulp e hix a Turruella e al tornar entro a Abella.

Exulve se menciona como muga de lo termin d'Alcanyiz quan Alifonso II d'Aragón lis ne cede a los flaires de l'Orden de Calatrava en un texto escrito en latín medieval:

Et sicut dividit terminos cum Munterrubeo et dein ad Balbona, et ad Jaganta, et ad Serram de Molinos et de Exulve, et vadit ad Mezquitam usque ad Arannonal[4]

Exulve estió una aldeya de la comanda d'Alcanyiz de la Orden de Calatrava. Entre 1488 y 1495 feguraba en la Sobrecollida d'Alcanyiz y en 1646 en la vereda d'Alcanyiz. En 1384 teneba concello chunto con lo coto redondo de Mezquitiella. Entre 1834 y 1887, 1910 y 1920 y 1940 y 1945 perteneixió a lo partiu chudicial d'Aliaga, alternando con una pertenencia a lo partiu chudicial de Mont Albán en 1897-1900 y en 1930. En 1965 quedó en lo partiu chudicial de Teruel.[1]

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 229 224 225

2003 2004 2005 2006 2007 2008 2009 2010 2011
222 226 225 215 222 219 203 198 -

2012 2013 2014 2015 2016 2017 2018 2019 -
- - - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 2
Partido Popular 1
Unión Aragonesista 1
Partido Aragonés 1
Total 5

Alcaldes[editar | editar código]

Lista d'alcaldes
Lechislatura Nombre Partiu politico
19791983 Lorenzo Puerto Temprano PSOE
19831987
19871991 Lorenzo Puerto Temprano [5] PSOE
19911995 Arturo Fantova Partido Aragonés
19951999 Artemio Estopañán Freixas Partido Aragonés
19992003 Artemio Estopañán Freixas Partido Aragonés
20032007 Artemio Estopañán Freixas Partido Aragonés
20072011 José Manuel Salvador CHA
20112015 Ovidio Ortín Albalate Partido Popular

Molimentos[editar | editar código]

Molimentos relichiosos[editar | editar código]

Fiestas[editar | editar código]

Referencias[editar | editar código]

  1. 1,0 1,1 1,2 (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp. 473-474.
  2. (es) Pascual Miguel Ballestín: Toponimia mayor de Aragón. Ciudades, villas, lugares, aldeas, ríos, montañas y territorios. Gara d'Edicions, 2015, ISBN 9788480940702.
  3. (es) Manuel Benito Moliner: Pueblos del Alto Aragón: el origen de sus nombres.
  4. (es) Jaime Caruana Gómez de Barreda: La carta puebla de Alcañiz. Revista Teruel, nº 24, 1960, pp. 129-144.
  5. (es) Treinta aniversario de las primeras elecciones municipales de la democracia.

Vinclos externos[editar | editar código]


Municipios d'a comarca d'Andorra-Sierra d'Arcos
Alacón | Alloza | Andorra | Arinyo | Crivillén | Exulve | Estercuel | Gargallo | Oliet