Molins

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo trata sobre o municipio de Molins u Pueyo d'Ambas Aguas. Ta atros emplegos d'o toponimo Pueyo se veiga Pueyo (desambigación), ta la ciudat francesa se veiga Molins (Alier).

Molins Molinos
Municipio d'Aragón
Molins
Entidat  • País  • Provincia  • Comarca	Municipio  Aragón  Teruel Mayestrato
Partiu chudicial	Alcanyiz
Superficie	79,6 km²
Población  • Total  • Densidat	225 hab. (2013) 2,83. hab/km²
Altaria  • Meyana	838 m.
Distancia  • 137 km	enta Teruel
Alcalde	Maria Pilar Monfil Farnos
Codigo postal	44556
Parroquial  • Diocesi  • Arcipestrau  • Parroquia	Teruel y Albarracín Alcorisa Santa María d'as Nieus
Ríos	río Guadalopiello
Coordenadas	40°49’11’’N 0°27’ 0’’U
Molins Molins en Aragón
Web oficial

Molins (Molinos en castellano) ye un municipio de la provincia de Teruel, situato en la comarca de lo Mayestrato y partiu chudicial d'Alcanyiz.

La suya población ye de 225 habitants, en una superficie de 79,6 km², con una densidat de población de 2,83 hab/km².

Cheografía

Lo lugar de Molins ye situau a 828 metros d'altaria sobre lo livel d'a mar, a una distancia de 137 km de la ciudat de Teruel, la capital de la suya provincia.

Se troba a lo norueste de la sierra de Caballos y a lo nord-este de la sierra d'Exulve, chunto a lo río Guadalopiello en la costera d'un mont que por a on encomienzan a correr las auguas de los ríos Papel y Fuentes. Ye famoso por las esplugas karsticas, Cueva de las Graderas, Cuevas de Cristal u Grutas de Cristal, con curiosas morfolochias karsticas (cheolitas horizontals a mas de las tipicas estalactitas y estalagmitas). En estas cuevas bi ha un chacimiento paleontolochico, materials endokarsticos que sedimentoron en la zaguera glaciación, lo Würm.

Mugas

Lo suyo termin municipal muga con Castellot, Exulv, Gargallo, La Mata de los Olmos y Berche.

Toponimia

Lo primer nombre estió Pueyo d'Ambas Aguas, porque i corren las auguas de los ríos devanditos. D'iste primer nombre en queda lo nombre d'una carrera, Calle del Pueyo, como primer nuclio urbano, chunto a un mont que teneba un castiello calatravo en la tuca. Agustín Ubieto Arteta en lo suyo libro Toponimia aragonesa medieval diz que lo toponimo medieval Molins corresponde con ista localidat y que ye documentato en 1148, pero no diz la fuent d'esta cita.

La forma Molinos tamién existiba en la luenga escrita porque ya en 1179, en lo documento de donación de la Villa d'Alcanyiz a l'Orden de Calatrava, Molinos i sale como una de las mugas:

Et sicut dividit terminos cum Munterrubeo et dein ad Balbona, et ad Jaganta, et ad Serram de Molinos et de Exulve, et vadit ad Mezquitam usque ad Aranyonal

Apareixe en aragonés en as actas d'as Corz d'Alcanyiz de 1436:

E stando asi la dita Cort plegada e ajustada, absent el dita senyor rey Lugartenient, ante el dita don Alfonso de Mur, lugartenient de Justicia d'Aragon, judge sobredito, e la dita Cort comparecio Pero Sorribes, afirmantse procurador de los jurados, concellos e universidades de Monrroyo, Penaroya, Rafals, Fornols, Belmont, La Fraxneda, Molinos e Exulbe

Actas d'as Corz d'Alcanyiz de 1436

Como en atros lugars de lo Baixo Aragón y Mayestrato bi ha muita microtoponimia en aragonés: nombres de partitas como "Val de Robres", "Baticambras", "Valellas", "Loma del Fito". Baticambras ye un toponimo clarament aragonés, se troba tamién en El Mon (Ribagorza Meya occidental), y no se remonta a Val de Cambras como en bel puesto se diz, corresponde a la parola baticanbra/beticanbra ("letrina") de lo Fuero de Teruel.

Historia

En lo eneolitico-calcolitico a zona estió habitata y aproveitoron las espelungas pa apedecar muertos, por eixemplo. Una mandibula trobata en la famosa espelunga ye uno de los restos humans mas antigos d'Aragón. Como lo suelo de la cueva son materials d'edat Wrumiense, se creyeba que l'hombre de Molins yera d'esta epoca en que viviba l'hombre de Cromanyón. L'analis biometrico feito por la universidat de Zaragoza ha amostrato que ye como atros hombres peninsulars de la epoca entre lo neolitico y la Edat de Bronce, igual que atros materials trobatos en chacimientos chicoz de la espelunga que se tresbatioron cuan s'acotració lo puesto pa lo turismo.

La primera mención de lo lugar ye de lo 5 d'abril de 1209 cuan Pero II s'anexiona lo lugar chunto a Mont Royo y Exulv a l'Orden de Calatrava.

Demografía

Evolución demografica

1910 1920 1930 1940 1950 1960 1970 1981 1991 - - - - - - - - 397

1992 1994 1996 1997 1998 1999 2000 2001 2002 - - 359 - 342 335 329 315 307

2003 2004 2005 2006 2007 2008 2009 2010 2011 306 313 311 312 316 301 312 303 283

2012 2013 2014 2015 2016 2017 2018 2019 2020 286 276 264 258 251 245 243 239 222

2021 2022 2023 2024 2025 2026 2027 2028 - 238 227 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015	2019
Partido Popular									4	4	3
Partido Aragonés									3	3	2
Total									7	7	5

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Mateo Andrés Huesa
2015–2019
2019–2023
2023–2027	David Ferrer Royo	Por Molinos

Molimentos

• Ilesia de Nuestra Sinyora de las Nieus, una ilesia de lo sieglo XIV adedicata a la Virchen d'as Nieus.

Fiestas

11-15 d'agosto, Santa Lucia.

Vinclos externos

Pachina web oficial de lo concello de Molins.

• Datos: Q1768908
• Multimedia: Molinos (Teruel) / Q1768908