Molimento Natural d'os Organos de Montoro

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Organos de Montoro

Os Organos de Montoro
Datos chenerals
Tipo Molimento Natural
Establiu 19 d'octubre de 2010
Superficie 188 ha
Situación
Situación Mayestrato y Andorra-Sierra d'Arcos
Latitut
Lonchitut
Mapa

O Molimento Natural d'os Organos de Montoro ye un Molimento Natural d'Aragón que fa parti d'o rete d'espacios naturals protechitos. Declarato como espacio protechito o 19 d'octubre de 2010, se troba situato en la sierra de la Garrocha amán de Montoro, entre os termins municipals de Villar Luengo y Exulve, entre o Mayestrato y a comarca d'Andorra-Sierra d'Arcos, con 188 ha. de superficie.

Cheolochía[editar | modificar o codigo]

Organos de Montoro

Os Organos de Montoro son unas formas de calsinera de grans dimensions formatas por estratos con capuzamientos subverticals d'o periodo cretacio, (unas rallas) crebatas en unidaz verticals como si fuesen garras, pasando a la fin un proceso de karstificación. A cuasi verticalidat d'estos estratos contrasta con a horizontalidat d'os materials d'atras parz d'o Mayestrato terolano a on bi ha muelas, pero ye comparable a la verticalidat d'os estratos cretacios d'atras localidaz terolanas como Uesa.

Beluns d'os tramos d'estratos de calsinera d'este parache han definito la Formación de los Organos de Montoro, una unidat litostratigrafica calsinosa d'o Sistema Iberico con una succesión de calsineras detriticas y calsineras micriticas de colors grisas y con estratificación planar u ondulata.[1]

Flora[editar | modificar o codigo]

A vechetación ye a propia de zonas de meya montanya mediterrania, predominando especies como as carrascas (Quercus ilex ballota) u a sabina negra (Juniperus phoenicea). En as parez de roca d'os Organos de Montoro bi ha poca vechetación y nomás se troba en as crepazas que bi ha, manimenos tien un gran valor ecolochico por o suyo caracter endemico.

Bi ha especies que se troban en a redolada que se son catalogatos como flora aragonesa com por eixemplo os rabos de gato (Sideritis hirsuta), hierbas de Santa Rosa (Antigonon leptopus), tremonciello (Thymus godayanu) y cardoneras (Ilex aquifolium).

Fauna[editar | modificar o codigo]

A fauna d'ista zona tamién ye variata, destacando as aus rupícolas como o vueitre Gyps fulvus, y o bucardo Capra pyrenaica hispanica en as laderas, especies propias d'un clima continental de montanya, a on que os veranos son suaus y os hibiernos muit fredos.

Atras feguras de protección[editar | modificar o codigo]

  • ZEPA "Río Guadalop - Mayestrato".
  • PIC "Muelas y Estreitos d'o río Guadalop".

Referencias[editar | modificar o codigo]

  1. (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998. pp58

Se veiga tamién[editar | modificar o codigo]

Vinclos externos[editar | modificar o codigo]


Espacios naturals protechius d'Aragón
Esplugas de Cristal de Molins | Foces de Fago y Biniés | Glaciars Pirenencos | Lacuna de Gallocanta | Lacuna de Sarinyena | Lomaza de Belchit | Mallos de Riglos, Agüero y Penya Rueba | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinars de Rodeno | Pocetz-Maladeta | Puent de Fontseca | Saladas de Chiprana | Sant Chuan d'a Penya | Sierra y Foces de Guara | Sierra de Santo Domingo | Sotos y Galachos d'Ebro | El Val | Vals Occidentals