Montoro

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Iste articlo ye sobre un lugar de Villar Luengo en o Mayestrato. Ta atros usos se veiga Montoro (desambigación).

Montoro
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Mayestrato Villar Luengo
Partiu chudicial	Teruel
Población  • Total	12 hab. (2018)
Altaria  • Meyana	1.000 m.
Distancia  • 105 km	enta Teruel
Codigo postal	44559
Parroquial  • Diocesi  • Arcipestrau	Teruel y Albarrazín Alcorisa
Coordenadas	40°41’27’’N 0°35’43’’U
Montoro Montoro en Aragón

Montoro (Montoro de Mezquita en castellano) ye un lugar aragonés de la provincia de Teruel, situato en lo municipio de Villar Luengo y comarca de lo Mayestrato.

La suya población ye de 12 habitants (2018).

Cheografía

O lugar de Montoro ye situato a 1.000 metros d'altaria dencima d'o ran d'a mar, a una distancia de 105 km d'a ciudat de Teruel, a capital d'a suya provincia.

A man de Montoro ye a formación cheolochica con estratos verticals de calsinera dita "Organos de Montoro", protechito baixo a figura de "molimento natural".

Historia

Felipe IV d'Espanya concedió a Vicencio Ram de Montoro, fillo d'o cinquén sinyor de Montoro lo titol de conte por lo suyo treballo dirichindo a expulsión de los moriscos de bells lugars de lo Baixo Aragón como Exatiel. Quan en lo sieglo XIX fué abolito lo sistema sinyorial, los siñors de Montoro esdevinioron grans propietarios.

Toponimia

Este lugar prene l'apelativo de Mezquita dende 1916. Bi ha bells microtoponimos con component aragonés. Por eixemplo tenemos lo "barranco de Valloré" (y tamién atro dito de Vallorelico), que desembocan en lo Guadalop en un estreito dito tamién "Valloré", que ye una foz fluvio-karstica. Bi ha un plan quaternato en los mapas oficials como Plano del Roble (pero que debe estar del Robre porque n'esta redolada se diz asinas a lo caixico). Bi ha una masía dita Masía de la Latonera, una fuent dita El Vación. Tamién bi ha una partita dita Las Chulillas a man d'un Mas de Chulilla de lo termin d'Aliaga, (talment castellanización de l'apellito Chuliella con fonetica aragonesa).