Estercuel

Ta atros emplegos d'o toponimo Estercuel se veiga Estercuel (desambigación).

Estercuel
Municipio d'Aragón
Anvista d'as menas de carbón
Entidat  • País  • Provincia  • Comarca	Municipio Aragón  Teruel Andorra-Sierra d'Arcos
Superficie	55,6 km²
Población  • Total	271 hab. (2010)
Altaria	829 m.
Distancia  • 112 km	enta Teruel
Codigo postal	44558
Ríos	Zarzosa
Coordenatas	40°51’ 0’’N 0°37’55’’U
Estercuel Situación d'Estercuel en Aragón

Estercuel ye un municipio d'a provincia de Teruel, situato en a comarca d'Andorra-Sierra d'Arcos. A suya población ye de 271 habitants (2010) en una superficie de 55,6 km².

Cheografía

Ye situato en o semontano d'a Sierra de Sant Chust. Comprene o despoblato de La Codonyera.

Mugas

Arcaine	Oliet	Alloza
Obón		Crivillén
Torre de las Arcas	Canyizar de l'Olivar	Gargallo

Historia

En o monesterio de l'Olivar ha estato vivindo como presonache famoso Tirso de Molina, que i escribió bellas obras, como La Dama del Olivar.

O conflicto con Canyizar por l'augua d'una fuent ha sito sonato en as zagueras anyadas.

Toponimia

Ye mencionato como Estrecuel en a Carta Puebla d'Alcanyiz, 1157:

De Alloza usque ad Estrecuel, et de Estrecuel ad Collado de Turbanas.

Atras variants conoixitas d'o nombre en textos medievals son Stercuy y Esterquel.

Bi ha bel microtoponimo en aragonés como Barranco de las Menas (de las minas seguntes as guías Prames), la Codonyera, la man, cruzeta, barranco de la Cruzeta, Fuente del Tromagal, Mon Coscol, masía del tio Can, el regallo, el Refollo, el Pegollo, corrales el Plano, Capotín, corral el Mallo, barranco del Hontanar, corral el Hontanar (probables castellanizazions de "Fontanal") y barranco del hocino (probable castellanización de focino).

Atros toponimos en aragonés se conoixen d'un texto de 1321, quan Chil d'Atrosillo cede tierras a lo monesterio de Santa María de l'Olivar:

• Pozo de las Liennas.
• Penna negra del Cado.
• Pitueço de la penna roya.
• Muela de Val del forno.
• Regallo de la muella de Val del forno.
• La Canadiella.
• Coladiello plano.
• Barranco de las Canellas.

Demografía

Evolución demografica

1992 1994 1996 1997 1998 1999 2000 2001 2002 - - 386 - - - 348 332 319

2003 2004 2005 2006 2007 2008 2009 2010 2011 316 314 292 273 262 255 267 271 -

2012 2013 2014 2015 2016 2017 2018 2019 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
C. Aragón									3
Partido de los Socialistas de Aragón									2
Partido Popular									2
Total									7

Alcaldes

Lista d'alcaldes

Lechislatura	Nombre	Partito politico
1979–1983	José María Magallón	UCD
1983–1987
1987–1991
1991–1995
1995–1999
1999–2003
2003–2007
2007–2011	Jorge Lacueva
2011–2015	José Lahoz Lahoz	Partido de los Socialistas de Aragón

Molimentos

• Palacio d'a Baronía.

Molimentos relichiosos

• Ilesia gotico-renaixentista.
• Convento de l'Olivar d'a Orden de Santa María d'a Mercé d'os Cativos.

Fiestas

• 16 d'abril, Santo Toribio.
• 9 de setiembre, Nuestra Sinyora de l'Olivar.