Alloza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alloza
Municipio d'Aragón
Gallipuent
Entidat  • País  • Provincia  • Comarca	Municipio  Aragón  Teruel Andorra-Sierra d'Arcos
Partiu chudicial	Alcanyiz
Superficie	81.6 km²
Población  • Total  • Densidat	540 hab. (2013) 6,62. hab/km²
Altaria  • Meyana	668 m.
Distancia  • 137 km  • 100 km	enta Teruel enta Zaragoza
Codigo postal	44509
Parroquial  • Archidiocesi  • Arcipestrau  • Parroquia	Zaragoza Íxar Immaculada Concepción
Ríos	Zarzosa
Coordenadas	40°58’ 8’’N 0°31’47’’U
Alloza Alloza en Aragón
Web oficial

Alloza ye un municipio aragonés de la provincia de Teruel, situau en la comarca d'Andorra-Sierra d'Arcos.

La suya población ye de 540 habitants en una superficie de 81,6 km² y una densidat de población de 6,62 hab/km².

Cheografía

Alloza ye en una fondonada, situada a 668 metros d'altaria dencima de lo livel d'a mar, a una distancia de 137 km de Teruel, a capital de la suya provincia, y a 100 km de Zaragoza, la capital d'Aragón.

Mugas

Arinyo	Andorra
Andorra		Oliet
Estercuel	Crivillén, La Mata de los Olmos	Los Olmos

Historia

Bi ha un chacimiento iberico important, dito El castelillo, de lo sieglo VI aC.

En o sieglo XV perteneixeba a la Orden de Calatrava.

En 1835 troboron refuchio en Alloza los carlistas Cabrera y Carnicer, y un anyo dimpués en Alloza bi habió una batalla entre liberals y carlistas.

Luengas y parlas

Actualment en Alloza, como en toda la comarca d'Andorra-Sierra d'Arcos se charra lo castellano rechional d'Aragón, con substrato lingüistico provinient de l'aragonés que se charraba en la val michana de l'Ebro y a piet de lo Sistema Iberico teruelano.

La parla allozana mantién muito lexico aragonés igual que en toz lugars de lo Baixo Aragón, repuis de imperfectos en -iba, y pronombre adverbial en, pero destaca porque ye lo solo lugar de lo Baixo Aragón que l'Atlas linguistico de Aragón, Navarra y Rioja rechistra segundas personas en los pasaus perfectos simples en -es: bailés, cantés (esto se rechistra en atros lugars baixoaragoneses pero no ye tan vital por lo que este atlas no lo rechista fuera d'Alloza). Existe una replega lexica feita por Arturo Fernández Cáncer y un estudio mas recient.

Toponimia

Lo nombre Alloza pareixe arabe y significaría L'almendrera.

Bi ha microtoponimos en aragonés como barranco la Piniella con l'augua esbarrada y canalizada por un gallipuent encara dito asinas (tanto pronunciau en aragonés orichinal en gallipuén como castellanizau con -e galllipuente). Bi ha una muela dita Los Montalbos, y bel nombre de partida: foya Navarro, foya Redonda y Cinglas. En lo mesmo lugar d'Alloza bi ha una carrera dita Carralafuén en dirección a lo calvario.

Lo toponimo Castelillo, a on que bi ha un poblau ibero, ye asaber-lo d'interesant porque conserva lo sufixo -ello no castellanizau ta -ejo. En atros puestos a forma orichinal aragonesa tipo *Castellello u Castellillo < *CASTELLU + ICULU(M), relacionada con chacimientos arqueolochicos u poblaus ibers, s'ha castellanizau como Castillejo, como en Castillejo de la Romana.

Demografía

Evolución demografica

1992 1994 1996 1997 1998 1999 2000 2001 2002 - - - - 817 796 772 743 715

2003 2004 2005 2006 2007 2008 2009 2010 2011 703 691 692 695 698 709 711 711 701

2012 2013 2014 2015 2016 2017 2018 2019 2020 673 667 638 604 602 594 582 558 572

2021 2022 2023 2024 2025 2026 2027 2028 - 577 553 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Aragonés									2
Partido Popular									1
Total									7

Alcaldes

Lista d'alcaldes

Lechislatura	Nombre	Partiu politico
1979–1980	Vicente Franco Garay	UCD
1970–1983	Mariano Muñoz Castro	UCD
1983–1987
1987–1991
1991–1995
1995–1999
1999–2003
2003–2007
2007–2011	Manuel Antonio Royo Blasco	Partido de los Socialistas de Aragón
2011–2013	Manuel Antonio Royo Blasco	Partido de los Socialistas de Aragón
2013–2015	Miguel Ángel Aranda Lafoz	Partido Aragonés
2015–2019	Miguel Ángel Aranda Lafoz	Partido Aragonés
2019–2023
2023–2027	Marta Sancho Blasco	PAR

Puestos d'intrés

Molimentos civils

• Casa de la Villa renaixentista de lo sieglo XVI.

Molimentos relichiosos

• Ilesia parroquial d'a Purisma (sieglo XVII).
• Ermita de Sant Blas.

Obras hidraulicas

• Gallipuent, que lebaba l'augua de lo barranco de Piniella enta un complexo rete de zaicas.

Personalidaz naixidas d'Alloza

Categoría principal: Naixius d'Alloza.

• Joaquín Carbonell Martí, cantaire.

Fiestas

• 3 de febrero, Sant Blas.
• 13-16 de setiembre, fiestas patronals.

Bibliografía

• (es) Jose Antonio Benavente et al.: Obras hidráulicas del Bajo Aragón. Prames. 2008.

Vinclos externos

• Se veigan as imáchens de Commons sobre Alloza.

• Datos: Q1653327
• Multimedia: Alloza / Q1653327